गृह अन्तर्गतका सबै संयन्त्र विगतमा ध्वस्त बनाइएको रहेछः गृहमन्त्री
नेपालबहस संवाददाता
माघ १०, २०७९ मंगलबार २०:५४:४४
१० माघ, काठमाडौं । उपप्रधान एवं गृहमन्त्री रवि लामिछानेले गृह मन्त्रालय अन्तर्गतका सबै संरचना विगतमै राजनीतिक दलहरुले ध्वस्त बनाएको आरोप लगाएका छन् । उनले सबै राज्यका संयन्त्र काम चलाउने अवस्थामा पनि नरहेकाले नतिजा निकाल्न ढिला भएको बताएका छन् ।
प्रतिनिधिसभाको मंगलबारको बैठकमा गृहमन्त्री लामिछानेले यसअघि सत्ता सञ्चालन गर्ने दलहरूले राज्यका संयन्त्रलाई थिलथिलो बनाएर छाडेका कारण परिणाम ल्याउन केही समय लागेको बताए । राज्य संरचना र प्रणाली सुधारका लागि अन्य दलहरूको समेत सहयोग आवश्यक पर्ने बताए । विगतमा नातागोता र आफन्तलाई प्राथमिकता दिँदा सबै संयन्त्र खराब भएको उनको भनाइ छ ।
गृहमन्त्रीले भने, ‘राज्यका संयन्त्रहरूलाई थिलथिलो बनाएर छोडिएको छ । काम गर्नेहरूलाई कानुनको पालना गर्नेभन्दा पनि आदेश पालना गराउने गरी यति निरीह बनाएर राखिएको छ । हामी नयाँले जिम्मेवारी सम्हाले पनि हामीमाथि त्यही कोणबाट प्रश्नहरू आउने रहेछन् । तर म कामको माध्यमबाट, परिणामको माध्यमबाट ती प्रश्नहरूको जवाफ दिन चाहिरहेको छु ।’
उनले नेपाली जनताले ठूलो आशा र भरोसा राखेर आफुलाई जिताएर पठाएको भन्दै प्रणालीगत सुधारका लागि धेरै प्रयास गर्नुपर्ने देखिएको र प्रणाली सुधार एवं मापदण्डहरू निर्माणमा गृहमन्त्रालय केन्द्रित रहेको बताए । उनले भने, ‘अहिले सबै विषयहरूलाई लिएर म यही भन्छु कि राज्यका संयन्त्रहरूलाई हिजो चलाएजस्तो गरी अब चलाउन छोडिदिनुहोस्, आधा काम त्यतिकै सहज हुनेछ ।’
उनले सीडीओ आफ्नो, डीएसपी आफ्नो र सकेसम्म राज्यका निकायमा जिम्मेवार व्यक्ति आफ्नो हुनुपर्छ भन्ने सोच सबैले त्याग्न सक्नुपर्ने बताए । ‘सीडीओ आफ्नो चाहिएको छ, डीएसपी आफ्नो चाहिएको छ । सबैलाई राज्यको जिम्मेवार ठाउँमा आफ्नो मान्छे नै चाहिएको छ,’ उनले भने, ‘त्यसरी त प्रणाली सुधार गर्न तपाईहरूको योगदान के हुन्छ ? त्यसैले अब तपाईंहरू गृह प्रशासनले बनाएको संयन्त्रमाथि विश्वास गरिदिनुहोस्, व्यक्ति होइन, प्रणालीलाई बलियो बनाऔँ, प्रणालीले काम गर्छ । त्यसपछि नागरिकले सुशासनको अनुभूति गर्न सक्नेछन् ।’
उनले अघि भने, ‘अहिले किन काम हुँदैन, ढिला हुन्छ त ? यसको जवाफ सजिलो छ, राज्यका संयन्त्रहरूलाई चलाइएको छ, गिज्याइएको छ । ट्रयाकभन्दा बाहिर पुर्याइएको छ । त्यसैले म विश्वास दिलाउन चाहन्छु, त्यस्ता ठाउँहरूलाई ठीक गरेर नै हामी अहिले उठेका विषयहरूमा हामी निष्कर्षमा पुग्छौँ ।’ गृहमन्त्री लामिछानेले अहिले सरकार र आफूमाथि उठेका प्रश्नहरूको जवाफ परिणाममा दिने बताउँदै आफू नतिजा दिने गरी काम गर्ने पक्षमा रहेको दावी गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
मन्त्रीहरुलाई राष्ट्रिय सभामा उपस्थित हुन निर्देशन
चैत १६, २०८० शुक्रबार
ठेकेदारले कामको गुणस्तर र समयभन्दा बक्यौता भुक्तानीमा मात्र ध्यान दिएः प्रधानमन्त्री
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
सिराहामा बाहिरियो नेपाली विषयको प्रश्न पत्र
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार
क्रिप्टो संस्थापक ब्याङ्म्यान–फ्राइडलाई २५ वर्ष जेल सजाय
चैत १६, २०८० शुक्रबार