बागमती प्रदेश सरकारले पायो पुर्णता, ११ सदस्यीय मन्त्रिपरिषद्

११ माघ, हेटौंडा । लामो रस्साकस्सीपछि बागमती प्रदेश सरकारले पूर्णता पाएको छ । बुधबार मुख्यमन्त्री शालिकराम जम्कट्टेलले मन्त्रिपरिषदलाई पूर्णता दिएका हुन् । आज नियुक्त भएका सबै मन्त्रीहरुको जिम्मेवारी पनि तोकिएको छ । मन्त्रीहरुले प्रदेश प्रमुख यादवचन्द्र शर्मासमक्ष पद तथा गोपनीयताको शपथ पनि लिएका थिए ।

मन्त्रिपरिषदमा नेपाल समाजवादी पार्टीका गंगानारायण श्रेष्ठ आन्तरिक मामिला तथा कानून मन्त्री, माओवादीका युवराज दुलाल भौतिक पूर्वाधार विकास मन्त्री र कुमारी मोक्तान सामजिक विकास मन्त्री, एमालेका जगन्नाथ थपलिया आर्थिक मामिला तथा योजना मन्त्री, केशवप्रसाद पोखरेल कृषि तथा पशुपन्छी विकास मन्त्री, एकालाल श्रेष्ठ श्रम रोजगार तथा यातायात मन्त्री, रामेश्वर श्रेष्ठ स्वास्थ्य मन्त्री बनेका छन् ।
राप्रपाबाट उद्धव थापा खानेपानी, ऊर्जा तथा सिंचाई मन्त्री, डम्बर तामाङ पर्यटन, उद्योग तथा सहकारी मन्त्री र राजु विष्ट वन तथा वातावरण मन्त्री बनेका छन् । सत्ता गठबनधनमा रहेको राष्ट्रिय स्वतन्त्र पार्टीले प्रदेशमा उम्मेदवारी दिएको थिएन । उसले प्रदेश खारेजी हुनुपर्ने माग उठाउँदै आएको छ ।