कांग्रेस बैठक फेरी स्थगित, छलफल विनै अघि बढ्ने देउवाको सोच
नेपालबहस संवाददाता
माघ १२, २०७९ बिहिबार १९:४४:१९
१२ माघ, काठमाडौं । गत पुष २२ देखि सर्दै माघ १५ मा आइपुगेको नेपाली कांग्रेस केन्द्रीय समितिको बैठक अनिश्चितकालका लागि स्थगित भएको छ । सभापति शेरबहादुर देउवाले आन्तरिक कारण देखाईब बैठक स्थगित गर्न लगाएका हुन् । केन्द्रीय समितिमा छलफल गराए केन्दीय समिति विस्तारदेखि भातृ र शुभेच्छुक संस्थालाई पुर्णता दिने तयारी थियो ।
माघ १५ गते बस्ने भनिएको केन्द्रीय समिमिति बैठक विशेष कारणबस अर्को सूचना प्रकाशित नहुञ्जेलसम्मका लागि स्थगित भएको मुख्य सचिव कृष्णप्रसाद पौडेलले जानकारी दिएका छन् । यसअघि पटक–पटक सारिँदै आएको केन्द्रीय समिति बैठक अनिश्चित कालसम्म स्थगित भएपछि पार्टीका काम अलपत्र परेका छन् । कांग्रेसमा निर्वाचन र त्यसपछिको राजनीतिक घटनाक्रबारे समीक्षासमेत भएको छैन् ।
सभापति देउवाले तीनदिन अघिमात्र धुम्बाराहीमा पदाधिकारी बैठक बोलाएर भ्रातृसंस्थालाई तत्कालै पूर्णता दिने बताएका थिए । उनले भ्रातृसंस्थालाई पुर्णता दिने क्रममा तत्काल पदाधिकारी नल्याउने भन्दै अधिवेशन नभएर म्याद सकिएका भ्रातृसंस्थाहरूमा नयाँ कार्यसमिति ल्याउने निर्णय यसअघि नै गराएका थिए । त्यसलाई कसरी पूर्णता दिने भन्दै देउवाले अनौपचारिक छलफल चलाउदै आएपनि केन्द्रीय समिति बैठक नै सथगित भएको छ ।
कांग्रेसमा १८ शुभेच्छुक संस्था र १३ भातृसंगठन रहेका छन् । सबैको हालत उस्तै छ । विधानबमोजिम हरेक तीन वर्षमा महाधिवेशन गर्नुपर्ने कांग्रेसका भ्रातृसंस्था पार्टीको सभापतिमा देउवा निर्वाचित भइसकेपछि समयमा अधिवेशन गराउन सकेका छैनन् । कतिपय भ्रातृसंस्थाको दशकभन्दा पहिलेदेखि नै अधिवेशन हुन सकेको छैन । ती भ्रातृसंस्थामा नयाँ नेतृत्व मनोनित गरेर तत्काल अधिवेशन गर्ने प्रक्रिया अघि बढाउने उनको तयारी थियो ।
यसअघि केन्द्रीय कार्यसमितिको बैठकले सभापति देउवाले विघटित भ्रातृसंस्था गठन गर्ने र पूर्णता दिने अधिकार दिएको थियो । सभापति देउवाले नेपाल विद्यार्थी संघको अध्यक्षमा दुजाङ शेर्पा, नेपाल तरुण दलको अध्यक्ष विद्वान गुरुङ, नेपाल महिला संघको अध्यक्षमा उषाकुमारी राउत मिश्र, नेपाल किसान संघको अध्यक्षमा गणेश तिमल्सिना र नेपाल आदिवासी जनजाति संघको अध्यक्षमा ओमबहादुर थापालाई मनोनीत गरेका छन् । तर अध्यक्ष नियुक्त भएपनि कार्यसमिति नहुँदा ती भ्रातृसंस्था भूमिकाविहीन अवस्थामा छन् ।
प्रजातन्त्र सेनानी संघ, लोकतान्त्रिक अपांग संघ, तामाङ संघ, ठाकुर समाज, भूतपूर्व सैनिक संघ लगायत भ्रातृ संस्थामा अध्यक्षसमेत छैनन् । समयमै निर्णय नगर्दा निर्वाचनका मुखमा चलायनमान हुनुपर्ने भातृ तथा शुभेच्छुक संस्थाहरु अस्तव्यस्त बनेका थिए । नेविसंघ र तरुण दलजस्तो जीवन्त रहनुपर्ने भातृसंस्थामा समेत यतिबेला अध्यक्ष मात्रै रहेका छन् । म्याद थप्दै दशौ बर्षदेखि तदर्थवादमा चल्दै आएका भातृसंस्थाको पुनर्गठनको सुरसार देउवाले फेरी बैठक स्थगित गराएका छन् ।
केन्द्रीय समितिको तयारीका लागि भन्दै बैठकमा उठाउने खास एजेण्डाबारे कांग्रेसको संस्थापन इतरसमूहले पनि छलफल गर्दै आएको थियो । आइबार बसेको उक्त समूहको बैठकमा आगामी सभापतिका लागि शेखर कोइरालालाई अघि सार्ने निर्णय पनि गरेको थियो । बैठकले देशको समसामयिक राजनीतिक अवस्थाका र प्रधानमन्त्रीलाई कांग्रेसले दिएको विश्वासको मत, पार्टी नेतृत्वको कार्यशैली, आगामी माघ १५ गते बस्ने केन्द्रीय समिति बैठकलगायतका विषयमा छलफल भएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
चीनिया आइफोनमा व्हाट्सएप र थ्रेड्स प्रतिबन्ध
बैशाख ८, २०८१ शनिबार
भारतले बेच्यो फिलिपिन्सलाइ सुपरसोनिक क्रुज मिसाइल
बैशाख ८, २०८१ शनिबार
आइपिएलमा आज दिल्ली र सनराइजर्स खेल्दै
बैशाख ८, २०८१ शनिबार
संस्कृति संरक्षण गर्न दलित समुदायलाई नौमती बाजा
बैशाख ८, २०८१ शनिबार
एसीसी प्रिमियर कप : तेस्रो स्थानको लागि आज नेपाल र हङकङ भिड्दै
बैशाख ८, २०८१ शनिबार
एमालेको प्रतिनिधि परिषद् बैठक आजदेखि, २ हजार ४५४ जना सहभागी हुदै
बैशाख ८, २०८१ शनिबार