माओवादी केन्द्रले राष्ट्रपतिमा राष्ट्रिय सहमतिका लागि पहल गर्ने

१३ माघ, काठमाडौं । नेकपा (माओवादी केन्द्र)ले राष्ट्रपतिमा राष्ट्रिय सहमित खोज्ने निर्णय लिएको छ ।

केन्द्रीय कार्यालय पेरिसडाँडामा शुक्रबार बसेको स्थायी कमिटीको बैठकले राष्ट्रिय सहमति अनुसार राष्ट्रपति चयन हुनु पर्ने निर्णय लिएको हो ।

बिहीबारबाट सुरु भएको स्थायी कमिटीको बैठक दुई दिन लगतार चलेको छ । अर्को बैठक मघ १६ गते बस्ने तय भएको एक नेताले बताए ।

एमालेले भने राष्ट्रपति एमालेले लिने गरी पुष्पकमल दाहाल ‘प्रचण्ड’लाई प्रधानमन्त्रीमा सघाएको बताउँदै आइरहेको छ ।

बैठक सुरु भएको दिन हिजै प्रधानमन्त्री समेत रहेका प्रचण्डले राष्ट्रपतिमा राष्ट्रिय सहमति खो्ज्नुपर्नेमा जोड दिँदै राजनीतिक प्रस्ताव ल्याएका थिए । सोमाथि दुई दिनसम्म छलफल चलेको छ ।

शुक्रबारको बैठकमा उपाध्यक्ष कृष्णबहादुर महराले पार्टी एकतासम्बन्धी प्रतिवेदन, नेता जनादर्न शर्माले संगठनसम्बन्धी र गिरीराजमणि पोखरेलले स्कुलिङसम्बन्धी प्रतिवेदन पेश भएको छ ।