प्रि-ओपन सेसनमा नेप्से २.२५ अंकले बढ्यो

१५ माघ, काठमाडौं । प्रि-ओपन सेसनमा आइतबार शेयर बजारमा सामान्य वृद्धि भएको छ । यो सेसनमा नेप्से परिसुचक २.२५ अंकले वृद्धि भई २१८५.४५ विन्दुमा आएको छ । यससँगै ३४ कम्पनीको ५३ सय ९८ कित्ता शेयर खरिदबिक्री हुँदा २८ लाख ६७ हजार ७८४ रुपैयाँको शेयर कारोबार भएको छ ।

यो सेसनमा कुल १४ कम्पनीमा उकालो लागेको छ भने १३ कम्पनीको घटेको छ । ६ कम्पनी भने स्थिर रहेको छ । यता, १३ उपसुचकहरु मध्ये ५ कम्पनीमा सामान्य वृद्धि भएको छ भने ६ कम्पनीको घटेको छ । बाँकी २ कम्पनीमा परिवर्तन आएको छैन ।