माओवादीको स्थायी कमिटी बैठक आज, छलफलका विषय पुरानै

१९ माघ, काठमाडौं । नेकपा माओवादी केन्द्रको स्थगित हुँदै आएको स्थायी कमिटी बैठक आज बस्दैछ । बैठकमा पार्टी र सरकार सञ्चालनमा देखिएका समस्याबारे छलफल हेनछ ।

यसअघि स्थायी कमिटी सदस्य तथा पोलिटब्युरो सदस्यहरुलाई केन्द्रिय विभागमा जिम्मेवारी बाँडफाड गर्ने विषयमा प्रवेश गरेपनि गृहकार्य नपुगेको भन्दै बुधवार पनि बैठक स्थगित भएको थियो ।

स्थगित बैठडक आजबाट सुरु हुनेछ । जस अनुसार केन्द्रिय विभागहरुको गठन तथा नेतृत्व चयनको जिम्मेवारी तोकिने बताइएको छ । नेताहरुले बताए अनुसार गृह मन्त्रालयको विषयमा सत्ता साझेदार दलहरुबीच भइरहेको खटपट, राष्ट्रपतिको आगामी निर्वाचन, पार्टीका विभागहरुमा नेताहरुको जिम्मेवारी तोक्ने लगायतका विषयमा बैठकमा छलफल हुनेछ ।