बालिका बलात्कारको आरोपमा पक्राउ परेका अनाथालयका प्रमुख चन्द हिरासतमै

२३ माघ, धनगढी । बालिका बलात्कारको आरोपमा पक्राउ परेका एक अनाथालयका प्रमुख शंकरबहादुर चन्दलार्ई प्रहरीले हिरासतमा राखेर अनुसन्धान जारी राखेको छ ।

मानसिक अवस्था ठीक नभएकी एक बालिकालाई एक वर्षदेखि प्रलोभनमा पारेर जबरर्जस्ती करणी गरेको अभियोग ५१ वर्षीय चन्दमाथि लागेको छ । उनले आफैंले दुई वर्ष अघिदेखि कञ्चनपुरको महेन्द्रनगरमा संचालन गर्दै आइरहेको बाल अनाथालयकी बेसहारा १४ वर्षीया ती बालिकामाथि बलात्कार गरेको खुले प्रहरीको दाबी छ ।

चन्दविरुद्ध दुई नाबालिकाले आफूहरुमाथि बलात्कार गरेको प्रहरी समक्ष बयानसमेत दिएको प्रहरीको भनाइ छ । एक साताअघि समाज कल्याण बाल अनाथालयका एक नाबालिकामाथि पनि अनाथालयमै जबरर्जस्ती करणी गरेको आरोप चन्दमाथि छ ।

“उनले बालिकालाई टिभी हेराउने बहनामा कार्यकक्षमै लगेर बलात्कार गर्ने गरेको अन्य बालिकाले देखेको कुरो पनि छ” अनाथालयकै एक कर्मचारीले भने । उनका अनुसार बालिका गर्भवती भएपछि चन्दले नै गर्भ तुहाउने औषधि सेवन गराएपछि अत्यधिक रक्तश्राप हुँदा घटना बाहिरिएको हो । घटनाबारे सूचना पाउनसाथ चन्दलाई यही माघ १७ गते प्रहरीले पक्राउ गरेको थियो ।

जिल्ला प्रहरी कार्यालय महेन्द्रनगरका प्रहरी निरीक्षक भरतराज गिरीले आरोपित चन्दलाई हिरासतमा राखी जबरजस्ती करणी मुद्दामा सात दिन म्याद थप गराएर अनुसन्धान अघि बढाइएको जानकारी दिए । अहिले पीडित बालिकालाई शान्ति पुनःस्थापना गृहको संरक्षणमा राखिएको उनले बताए । महेन्द्रनगरमा विद्यार्थीले जिल्ला प्रहरी कार्यालय, भीमदत्त नगरपालिका र जिल्ला प्रशासन कार्यालयमा बलात्कारीलाई कारबाहीको माग गर्दै प्रदर्शन गरेका छन् ।

लिकामाथि अभिभावकीय भूमिका निर्वाह गर्ने व्यक्तिबाटै दुर्व्यवहार हुनु निकै असैह्य घटना भएको बताइन् ।  यस्तै, समाज कल्याण अञ्चल बाल अनाथालयका अध्यक्ष पूर्णबहादुर चन्दले प्रेस विज्ञप्ति जारी गरी बालिकामाथि यौन दुर्व्यवहार गर्नेमाथि छानबिन गरी कडा कारबाही गर्न माग गरेका छन् । उनले घटनाको अनुसन्धानका लागि अनाथालय व्यवस्थापनले प्रहरी प्रशासनलाई पूर्ण सहयोग गर्ने विज्ञप्तिमा जनाएका छन् ।