जसपा सम्बद्ध बौद्धिक पेसाकर्मी महासंघको पुनर्गठन भेला शनिबार हुने

२३ माघ, काठमाडौं । जनता समाजवादी पार्टी, नेपाल सम्बद्ध नेपाल बौद्धिक पेसाकर्मी महासंघको पुनर्गठन भेला आगामी माघ २८ गते शनिबार हुने भएको छ ।

जनता समाजवादी पार्टी, नेपालका केन्द्रीय कार्यकारिणी सदस्य एवम् ट्रेड युनियन तथा बौद्धिक पेसाकर्मी महासंघ संयुक्त संयन्त्रका प्रमुख रणध्वज कन्दङ्वाले एक सूचना जारी गरी पुनर्गठन भेला बोलाएका हुन् ।

पार्टी केन्द्रीय कार्यालयमा दिनको १ बजे हुने भेलामा महासंघका पदाधिकारी, सदस्यहरु तथा घटक संघ÷संगठनका अध्यक्ष तथा पदाधिकारीहरुलाई अनिवार्य उपस्थित हुन भनिएको छ ।