यूएसएआईडी प्रमुख पावर आज नेपाल आउँदै

२४ माघ , काठमाडौं । अन्तर्राष्ट्रिय विकासका लागि अमेरिकी नियोग (यूएसएआईडी) की प्रमुख सामन्था पावर आज नेपाल आउने भएकी छिन् । क्याबिनेट स्तरकी उच्च अधिकारी हुनुका साथै अमेरिकी राष्ट्रिय सुरक्षा परिषद्की सदस्यसमेत रहेकी पावरको नेपाल भ्रमणलाई अर्थपुर्ण रुपमा हेरिएको छ ।

गत बुधवार युएसआइडीले प्रेस बिज्ञप्ति जारी गरी उनको नेपाल भ्रमणको औपचारिक जानकारी दिएको थियो । सन् २००२ मा तत्कालीन विदेशमन्त्री कोलिन पावेलले नेपालको औपचारिक भ्रमण गरेपछि अमेरिकाबाट हुन लागेको यही उच्च तहको भ्रमण हो ।

नेपाल सरकार र अमेरिका बिच ७५ वर्षभन्दा लामो साझेदारीलाई जोड दिने बताइएको उक्त भ्रमणले नेपालमा हालै गठन भएको नयाँ सरकारसँग आफ्नो संलग्नता बढाउने यूएसएआईडीको प्रतिबद्धतालाई उजागर गर्नेछ भने नेपालको आर्थिक, मानवीय र भूराजनीतिक मुद्दाहरूको दायरामा महत्त्वपूर्ण भूमिका खेल्ने अपेक्षा गरिएको छ । स्रोतका अनुसार अमेरिकन सहयोग मिलिनियम च्यालेन्ज कर्पोरेशन (एमसीसी)का बारेमा भईरहेको प्रगतिका बारेमा छलफल हुनेछन ।