मधेश प्रदेशमा माओवादी केन्द्रका मन्त्रीले लिए शपथ

२४ माघ, जनकपुर । मधेश प्रदेशमा नेकपा (माओवादी केन्द्र)को कोटाबाट नियुक्त पाएका मन्त्री र राज्यमन्त्रीले पद तथा गोपनियताको शपथ लिएका छन् ।

मंगलबार उद्योग वन तथ पर्यटन मन्त्री सुनिता यादव र सोही मन्त्रालयमा राज्यमन्त्री रहबर अन्सारीले शपथ लिएका हुन् । मन्त्री यादवलाई प्रदेश प्रमुख हरिशंकर मिश्र र अन्सारीलाई मुख्यमन्त्री सरोजकुमार यादवले शपथ ग्रहण गराएका छन् ।

मन्त्री बनेकी धनुषाबाट प्रदेश सांसद सुनिता सशस्त्र युद्धका सहिद रामवृक्ष यादवकी छोरी हुन् । प्रदेशमा मुख्यमन्त्रीसहित जसपाले तीन मन्त्री, एक राज्यमन्त्री, नेकपा एमाले चार मन्त्री, एक राज्यमन्त्री, जनमत पार्टी दुई मन्त्री, एक राज्यमन्त्री लिइसकेका छन् ।

सुरूमा माओवादी केन्द्रले २ मन्त्रालय मागेकाे थियाे । तर पछिल्लाे चरणमा भएकाे छलफलबाट एक मन्त्री र एक राज्यमन्त्रीमै खुम्चिन पुगेकाे छ ।