माओवादी केन्द्रकाे प्रदेश समन्वय समितिको बैठक शुक्रबारदेखि

२६ माघ, काठमाडौं । नेकपा (माओवादी केन्द्र)ले भोलि शुक्रबारदेखि प्रदेश समन्वय समितिको बैठक सुरु गर्ने भएको छ । सम्पन्न स्थायी कमिटी बैठकको निर्णयअनुसार बैठक सुरु गर्ने भएको हो ।

आगामी ५ फागुनसम्म बैठक सक्ने गरी सबन्धित प्रदेश समन्वय समितिलाई पत्रचारसमेत गरेको छ । जसअनुसार प्रदेश नं. १ र बागमती प्रदेश २७ माघमा पहिलो बैठक बस्ने माओवादीले जनाएको छ ।

मधेश प्रदेश माघ २८ गते, गण्डकी प्रदेश माघ २९ गते, लुम्बिनी प्रदेश र सुदुरपश्चिम प्रदेश फागुन २ गते, कर्णाली प्रदेश र प्रवास प्रदेश फागुन ३ गते र उपत्यका विशेष र सम्पर्क समन्वय प्रदेश फागुन ५ गते उक्त बैठक सञ्चालन हुनेछन् ।