आइएमई जनरल र प्रुडेन्सियल इन्स्योरेन्सबीच गाभिने सम्बन्धमा प्रारम्भिक सम्झौता

२७ माघ, काठमाडौं । आइएमई जनरल इन्स्योरेन्स लिमिटेड र प्रुडेन्सियल इन्स्योरेन्स कम्पनी एकआपसमा गाभ्ने÷गाभिने सम्बन्धि प्रारम्भिक सम्झौता भएको छ ।

नेपाल बीमा प्राधिकरणको कार्यालयमा अध्यक्षको समुपस्थितिमा कम्पनीका संचालक तथा मर्जर समितिका संयोजक अम्बिका प्रसाद पौडेल र प्रुडेन्सियल इन्स्योरेन्स कम्पनी लिमिटेडको तर्फबाट संचालक तथा मर्जर समितिका संयोजक अमित अग्रवालज्यूले हस्ताक्षर गरेका छन ।

उक्त सम्झौता अनुसार दुवै कम्पनी एकआपसमा गाभिए पश्चात वन्ने कम्पनीको नाम आइजीआई प्रुडेन्सियल इन्स्योरेन्स लिमिटेड रहने सहमती भएको छ ।

मर्जर सम्बन्धी प्रस्ताव दुवै कम्पनीको आगामी विशेष साधारण सभामा लगिनेछ । दुवै कम्पनीका बीचमा भएको प्रारम्भिक सहमती एव DDA Report समेतका आधारमा आईएमई जनरल इन्स्योरेन्स लि.र  प्रुडेन्सियल इन्स्योरेन्स कम्पनी लिमिटेडको शेयर अनुपात  (Swap Ratio)  क्रमश १ः१ कायम रहने गरी सम्झौता गरिएको छ ।