कोरोनाबाट थप एकजना संक्रमित, २ जना संक्रमणमुक्त

१ फागुन, काठमाडौं । मुलुकभर पछिल्लो २४ घन्टामा गरिएको परीक्षणमा एकजनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ५४९ जनाको नमुना परिक्षण गर्दा एकजना संक्रमित फेला परेका हुन् । तिनिहरुको पीसीआरबाट ५४७ र एन्टिजेन विधिबाट २ जनाको नमुना परिक्षण गरिएको थियो ।

सोही अवधिमा दुई जना डिस्चार्ज भएका छन् । आज २,४५२ ले खोप लगाएका छन । हाल संक्रमितको संख्या देशभरमा ६ जना रहेको मन्त्रालयले जानकारी दिएको छ ।