प्रधानमन्त्रीको नेतृत्वमा उच्चस्तरीय प्रशासन सुधार आयोग गठन हुने
नेपालबहस संवाददाता
फागुन ३०, २०७९ मंगलबार २२:२८:११
३० फागुन, काठमाडौं । सरकारले प्रधानमन्त्रीको नेतृत्वमा रहने गरी उच्चस्तरीय प्रशासन सुधार अगोग गठन गर्ने तयारी गरेको छ । अहिले मन्त्रालयगत रुपमा भएरहेका प्रशासनिक कामलाई प्रभावकारी ढंगले अगाडी बढाउन विभिन्न क्षेत्रका विज्ञहरुलाई राखेर उच्चस्तरीय प्रशासन सुधार आयोग गठन गर्न लागिएको जानकारी प्रधानमन्त्री पुष्पकमल दाहाल प्रचण्डले दिएका छन् । यो आयोग मन्त्रिपरिषदले पूर्णता पाएसँगै गठन गरिने उनको भनाइ छ ।
मंगलबार प्रधानमन्त्री तथा मन्त्रिपरिषदको कार्यालयमातहतका कार्यालयहरूको दोस्रो चौमासिक समीक्षा तथा मन्त्रालयस्तरीय विकास समस्या समाधान समितिको बैठकमा प्रधानमन्त्रीले उच्चस्तरीय प्रशासन सुधार आयोग गठन गर्न लागिएको जानकारी दिएका हुन् । उनले प्रधानमन्त्रीकै नेतृत्वमा उच्चस्तरीय प्रशासन सुधार आयोग रहने र यसले सबै प्रशासनिक क्षेत्रका काम कारवाहीबारे ठोस नीति बनाउने बताए । प्रचण्डले प्रशासनिक क्षेत्रमा देखिएका समस्या समाधानका लागि उच्चस्तरीय प्रशासन सुधार आयोग गठन आवश्यक देखिएकाले यसको प्रक्रिया सुरु भइसकेको जानकारी दिए ।
प्रशासनिक क्षेत्रमा विद्यमान समस्या समाधानका निम्ति सरकारले गम्भीर रुपमा विचार गरेर आयोग गठनको निष्कर्षमा पुगेको प्रचण्डको भनाइ छ । यसको समाधानमा सरकारले विलम्ब नगरी कर्मचारी प्रशासन र जनअपेक्षाबीच ठूलो खाडल पुर्ने र बदलिँदो परिस्थिति, लोकतान्त्रिक प्रणाली, जनअपेक्षा सम्बोधन गर्ने गरी केही समयभित्रै आयोग गठन हुने उनको भनाइ छ । यो आयोगको नेतृत्व प्रधानमन्त्री स्वयमले गर्ने भएकोले यसकोकार्यलय पनि प्रधानमन्त्री तथा मन्त्रिपरिषदको कार्यालयभित्रै रहेनेछ ।
प्रधानमन्त्री प्रचण्डले कर्मचारी प्रशासनमा चाहिनेभन्दा बढी कर्मचारीको चापलाई कटौती गर्दै ओभरस्टाफिङको समस्या कम गर्ने, अनावश्यक संरचनाहरू हटाउने, तिनीहरू कटौती गरेर प्रशासनयन्त्र चुस्त बनाउने काम अब गठित आयोगले गर्ने बताए । वर्तमान सरकार आफ्नो घोषित लक्ष्यमा दृढतापूर्वक अगाडि बढ्न चाहेको र नेपाल सरकारका सचिवहरूलाई पनि यसैअनुसार निर्देशन गएको उनको भनाइ छ । संसदमा आफुले गरेको सम्बोधन र नेपाल सरकारको नीतिगत प्राथमिकता तथा न्यूनतम कार्यक्रममा जे जति कुरा भनिएका छन् ति नफेरिने र कर्मचारी प्रशासनले पनि ती विषयलाई केन्द्रमा राखेर काम गर्नुपर्ने उनले बताए ।
यसबीचमा राजनीतिक समीकरणमा फेरबदल आएको भए पनि सरकारको नीति नफेरिने भन्दै उनले सामाजिक न्याय, सुशासन र समृद्धिको प्राथमिकतालाई दृढताका साथ अगाडि बढाउन निर्देशन दिए । यसमा सरकार दृढ भएर अगाडि जान्छ । मन्त्रीहरू फेरिन्छन तर सरकारको नीतिगत प्राथमिकता फेरिँदैन, त्यसैले आफ्नो काममा दत्तचित्त भएर लागेर परिणाम दिनुपने प्रचण्डको भनाइ छ । खाग रिएको चौमासिक समीष्ाँले पनि सरकराको प्रशासनिक कामले गति लिन नसकेको देखिएको छ ।
प्रधानमन्त्री तथा मन्त्रिपरिषद्को कार्यालयका सहसचिव महादेव पन्थले प्रतिवेदन प्रस्तुत गर्दै चौमासिक समीक्षामा प्रधानमन्त्री कार्यालय मातहतका निकायहरूको वार्षिक बजेट र दोस्रो चौमासिकसम्मको खर्च प्रगति, वार्षिक कार्यक्रम र माइलस्टोनको प्रगति, कार्यालयबाट सम्पादित कामहरू र मुख्य प्रगति विवरण, अघिल्लो बैठकका निर्णय र त्यसको कार्यान्वयनको अवस्था, समस्या तथा चुनौतीहरू, सुधारका लागि गर्नुपर्ने कामहरूबारे जानकारी दिएका थिए ।
समीक्षामा बेरूजु फछ्र्योटमा विगतभन्दा राम्रो प्रगति भएको, जिआइएस नक्सांकन अनलाइन प्रकाशनको काम गरिएको, प्रधानमन्त्रीले नेपाल सरकारका सचिवहरूलाई दिएको निर्देशन, प्रतिनिधिसभामा प्रधानमन्त्रीको सम्बोधन र नेपाल सरकारको नीतिगत प्राथमिकता र न्यूनतम कार्यक्रम सम्बोधन गर्नेगरी एकीकृत कार्ययोजना निर्माण गरी कार्यान्वयनमा ल्याइएको, राष्ट्रिय स्वास्थ्य संकट व्यवस्थापन समन्वय केन्द्र स्थापनाका लागि निर्देशिका मस्यौदा गरिएकोलगायत विषय समेटिएको थियो ।
विद्यालयस्तरीय शैक्षिक सुशासनको अवस्थाको अनुगमन, राष्ट्रिय नीति अनुसन्धान प्रतिष्ठानको काममा प्राथमिकता र गुणात्मक प्रगति, राजस्व संकलन र अनुसन्धानका क्षेत्रमा विगतभन्दा ५२ प्रतिशतले प्रगति भएको समीक्षामा उल्लेख छ । राष्ट्रिय गौरवका आयोजना र ठूला राजमार्गहरूको निर्माण कार्यमा तीव्रताका लागि नियमित अनुगमन गरिएको उल्लेख छ ।
यस्तै खर्च कटौतीको मापदण्ड तयार र कार्यान्वयनको प्रक्रियामा लगिएको, राष्ट्रिय तथा आन्तरिक सुरक्षा र राष्ट्रिय हितसम्बन्धी सूचना संकलन, विश्लेषण र नियन्त्रणसम्बन्धी नीति मापदण्ड र योजनासम्बन्धी प्रतिवेदन तयार पारिएको, राहदानी विभाग, राष्ट्रिय परिचयपत्र, सवारी चालक अनुमतिपत्र कार्यालयलगायत सरकारी सेवाप्रदायक कार्यालयमा हुने ढिलासुस्ती र कठिनाइको नियमित अनुगमन गरी समस्या समाधानको पहल गरिएका विषय रहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआज सन्दिप लामिछाने बिरुद्ध मुद्धाको अन्तिम सुनवाई हुदैँ
चैत २२, २०७९ बुधबार
ठोरी आसपासमा आतंक मच्याउने बाघलाई नियन्त्रणमा लिन सेना सफल
चैत २२, २०७९ बुधबार
मन्त्री नियन्त्रित कार्यविधिमा डराए प्रधानमन्त्री, औचित्यहीन निर्देशन
चैत २१, २०७९ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार