यादवको संसदीय यात्रा रोक्न जनमत र लोसपालाई कांग्रेस बाधक
नेपालबहस संवाददाता
चैत १२, २०७९ आइतबार १७:२७:५३
१२ चैत, काठमाडौं । बारा क्षेत्र नम्बर २ बाट बैशाख १० मा हुने उपनिर्वाचनमार्फत प्रतिनिधिसभामा छिर्ने तयारीमा रहेका जनता समाजवादीका पार्टी (जसपा) का अध्यक्ष उपेन्द्र यादवलाई रोक्न लोकतान्त्रिक समाजवादी पार्टी (लोसपा) र जनमत पार्टी मलेर साझा उम्मेदवार दिने तयारी गरेका छन् । यादवलाई नेपाली कांग्रेसले साथ दिएपनि बारा २ मा जनमत र लोसपाले संयुक्त उम्मेदवार दिए यादवलाई उपनिर्वाचन जित्न कठिन हुने उनीहरुको अनुमन छ ।
नेताहरुका अनुसार कांग्रेसले सघाएपनि बारामा मधेश केन्द्रित दलकै प्रभाव बढी छ । यो निर्वाचन क्षेत्रमा लोसपा पनि बलियो छ । मधेशवादी दलबाट साझा उम्मेदवार आउँदा दल र जातियताको प्रभाव पनि पर्न सक्ने नेताहरुको अनुमान छ । नेपाली कांग्रेसले यादवलाई आधिकारी समर्थन भने दिएको छैन् । यद्यपी शनिबार धुम्बाराहीमा बसेको कांग्रेस पदाधिकारी बैठकमा पार्टी सभापति शेरबहादुर देउवाले बारा २ मा जसपाले कांग्रेसको साथ मागिरहेको बताएका थिए ।
यदवलाई कांग्रेसले सघाउँदा माओवादी र एकीकृत समाजवादीले पनि साथ दिने सम्भावना देखेपछि जनमत र लोसपाले मिलेर संयुक्त उम्मेदावरी दिन लागेको बताइएको छ । यही वैशाख १० मा लागेको उपनिर्वाचनमा बारा २ मा उम्मेदवारी दिने पक्कापक्की भएपछि उनका विरुद्धमा मधेशवादी अन्य दलहरुले साझा उम्मेदवार खडा गरेर उनका लागि अवरोध सिर्जना गर्ने तयारी दुइ दलको छ । उनलाई १० दलीय गठबन्धनबाट साझा उम्मेदवार बन्न नदिने रणनीति अनुरुप साझा उम्मेदवारी दिने विषयमा छलफल चलिरहेको एक नेताले बताएका छन् ।
उनका अनुसार जसपा र जनमतबाट राजेन्द्र महत्तो उम्मेदवार बन्न सम्भावना प्रवल देखिएको छ । उपनिर्वाचनमा बारा २ मा कुनै पनि अवस्थामा उम्मेदवारी दिने जनमत पार्टीका नेताहरूको भनाइ छ । लोसपाको शुक्रबार बसेको कार्यकारिणी बैठकले बारा २ मा उपनिर्वाचनमा भाग लिने निर्णय गरेको थियो । बारा २ जसपाका अध्यक्ष यादवविरुद्ध जनमत र लोसपाले मोर्चाबन्दी गर्ने बैठकको निर्णय छ । उता, जसपाका नेताहरू भने बारा २ मा सत्तारुढ १० दलीय गठबन्धनबाट यादवलाई साझा उम्मेदवार बनाउन प्रयास जारी नै रहेको बताएका छन ।
जसपाका नेताले जति प्रयास गरे पनि यादव बारा २ मा १० दलीय गठबन्धनबाट साझा उम्मेदवार बन्न नसक्ने जनमत पार्टीको दावी छ । ‘बारा २ मा हामी कुनै पनि अवस्थामा उम्मेदवार दिन्छौं । हामी मित्रवत् प्रतिस्पर्धा गर्छौं,’ जनमत पार्टीका चन्दन सिहंले नेपालबहससँग भने, ‘बारा २ मा हामीले पनि उम्मेदवारी दिने भएपछि उहाँ (यादव ) सत्तारुढ गठबन्धनबाट साझा उम्मेदवार बन्न सक्नुहुन्न ।’
यही चैत ३ गते सम्पन्न उपराष्ट्रपति निर्वाचनमा जसपाका नेताहरूले जसपाका उम्मेदवार रामसहाय यादवलाई सत्तारुढ गठबन्धनको तर्फबाट साझा उम्मेदवार बनाउन अन्तिमसम्म प्रयास गरेका थिए । यसमा नेपाली कांग्रेस र नेकपा माओवादीले जनमत पार्टीलाई मनाउने प्रयास गरेका थिए । तर जनमत पार्टीका अध्यक्ष सिके राउतले उपनिर्वाचनमा पार्टीबाट उम्मेदवारी दिलाएरै छाडे । रामसहाय यादव उपराष्ट्रपतिमा विजयी भए तर राउतले रामसहायलाई गठबन्धनको तर्फबाट साझा उम्मेदवार बन्न दिएनन् । यसपटक पनि त्यही घटना दोहोरिने सिंहले बताए । ‘उपराष्ट्रपतिको निर्वाचनमा हामीले जसरी मित्रवत् प्रतिस्पर्धा गरेका थियौं । त्यसरी उपनिर्वाचनमा पनि मित्रवत् प्रतिस्पर्धा गर्ने छौं,’ सिंहले भने, ‘गठबन्धन एउटा विषय हो तर चुनाव अर्को विषय हो । एउटै गठबन्धनमा बसे पनि मित्र मित्रवत् प्रतिस्पर्धा गर्न सकिन्छ ।’
उपराष्ट्रपति निर्वाचनअघि तराई मधेस केन्द्रित ३ दल जनमत, लोसपा र नागरिक उन्मुक्ति पार्टीले कार्यगत एकता गर्ने निर्णय गरेका थिए । यो कार्यगत एकता उपनिर्वाचन पनि कायम रहने जनमत तथा लोसपाका नेताहरू बताउँछन् । कांग्रेसको समर्थ पाउने सम्भावना बढेपछि उनीहरुबीच साझा उम्मेदवारको छलफल सुरु भएको छ । यसअघि अहिले जनमत र लोसपा दुवै पार्टीले बारा २ मा उम्मेदवारी दिने घोषणा गरेका थिए । यी दुई दल जसरी पनि बारा २ मा जसपा अध्यक्ष यादवलाई रोक्ने पक्षमा छन् । जसपा बारा समितिले समेत यादवलाई उम्मेदवार बनाउने निर्णय गरिसकेको छ ।
गत मंसिरमा सम्पन्न प्रतिनिधिसभा निर्वाचनमा यादवले सप्तरी २ मा उम्मेदवारी दिएका थिए । त्यस क्षेत्रमा जनमतका अध्यक्ष राउत विजयी भएपछि यादव संसदमा छिर्न पाएका छैनन् । आफू प्रतिनिधिसभामा प्रवेश गर्न यादवले बारा २ बाट चुनाव जितेका रामसहाय यादवलाई उपराष्ट्रपति बनाउन सफल भएका थिए । उनले सुरुदेखि नै सत्तारुढ गठबन्धनमा उपराष्ट्रपति पाउन मरिहत्ते गरेका थिए । चुनावलगत्तै बनेको माओवादी र एमालेबीचको गठबन्धनमा जसपाले उपराष्ट्रपति मागेको थियो ।
त्यति बेला एमालेका अध्यक्ष केपी शर्मा ओलीले प्रस्टसँग राष्ट्रपति र उपराष्ट्रपतिको विषयमा टुंगो लागिसक्यो । जसपाले उपराष्ट्रपति पाउँदैन भनेको थिए । ओलीको यस्तो अभिव्यक्तिपछि यादव एमालेसँग निकै चिढिए र त्यसपछि सरकारमा नजाने मनसिथतिमा पुगेका थिए । त्यो बेला प्रधानमन्त्री प्रचण्डलले जसपाका लागि २ वटा मन्त्रालय खाली राखेका थिए । तर यादवले सरकारमा कसैलाई पठाएनन् । एमाले–माओवादी गठबन्धन भत्काएर वर्तमान गठबन्धन बनाउन यादवको पनि भूमिका रहेको थियो ।
निर्वाचनको बेला कांग्रेस र माओवादीलाई धोका दिएर एमालेसँग मिलेका यादवका लागि यसपटक कांग्रेससहितको गठबन्धनले सहयोग गर्ने परिस्थिति निर्माण भएको स्रोतको दावी छ । गत मंसिर ४ मा भएको निर्वाचनमा सप्तरी २ बाट जनमत पार्टीका अध्यक्ष डा. सीके राउतले ३५ हजार ४२ मत र यादवले १६ हजार ९७९ मत ल्याएका थिए । बारा २ मा रामसहाय यादवले गठबन्धनका साझा उम्मेदवार माओवादी केन्द्रका शिवचन्द्र प्रसाद कुशवाहालाई पराजित गरेका थिए । त्यसवेला जसपाले एमालेसँग सहकार्य गरेको थियो ।
जसपाका यादव १३ हजार ८२२ मत ल्याएर विजयी हुँदा माओवादीका कुशवाहाले १३ हजार ४६८ मत ल्याएका थिए । तर, अहिले जसपा कांग्रेस नेतृत्वको दश दलीय गठबन्धनमा सामेल छ । गठबन्धनमा कांग्रेससहित नेकपा माओवादी केन्द्र, नेकपा एकीकृत समाजवादी, जनमत पार्टी, नागरिक उन्मुक्ति, जनता समाजवादी, लोकतान्त्रिक समाजवादी, राष्ट्रिय जनमोर्चा, नेपाल समाजवादी र आम जनता पार्टी सहभागी छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
छोटै समयमा प्रदीप अधिकारीले देखाएको आर्थिक लिला, यो घर कसरी ठडियो डीजी साप ?
चैत १४, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
नयाँ वर्षमा बन्दीपुरमा सडक खाना महोत्सव हुने
चैत १५, २०८० बिहिबार
परम्परागत होली पछ्याउँदै राना थारू समुदाय
चैत १५, २०८० बिहिबार
एसीसी प्रिमियर कप खेल्ने नेपाली राष्ट्रिय क्रिकेट टिमको बिदाइ
चैत १५, २०८० बिहिबार
नेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
नेपाल ए र आयरल्याण्ड वोल्भ्सबीचको सिरिजको नयाँ तालिका सार्वजनिक
चैत १५, २०८० बिहिबार