नवनियुक्त आईजीपी बसन्तबहादुर कुँवरले लगाए दर्ज्यानी चिह्न

१२ चैत, काठमाडौं । नेपाल प्रहरीका नवनियुक्त महानिरीक्षक ‘आईजीपी’ बसन्तबहादुर कुँवरले आइतबार दर्ज्यानी चिह्न लगाएका छन् । आइतबार गृहमन्त्रालयमा आयोजित कार्यक्रममा गृह सचिव विनोद प्रकाश सिंहले कुँवरलाई आईजीपीको दर्ज्यानी चिह्न लगाइदिएका हुन् ।

दर्ज्यादी चिन्ह ग्रहणपछि प्रहरी महानिरीक्षक कुँवरले प्रहरीमा अबको सुधार आफूले गर्ने प्रतिवद्धता जनाएका छन् ।  उनले आफूले निष्पक्ष काम गर्ने र कानुन कार्यान्वयनमा नडगमगाउने प्रतिवद्धता जनाएका हुन्। मुलुकभर शान्ति सुरक्षा कायम गर्न अन्य सुरक्षाका निकायहरूसँग समन्वय गरेर अघि बढ्ने उनको भनाइ छ।

गत शुक्रबारको मन्त्रिपरिषद बैठकले कुँवरलाई नेपाल प्रहरीको सर्वोच्च पद आईजीपीमा नियुक्त गर्ने निर्णय गरेको थियो । धिरजप्रताप सिंहले अवकाश पाएसँगै उनलाई आईजीपी बनाइएको हो।