साइकलबाट लडेर एक जनाको मृत्यु

सुधा देव

१५ चैत,सप्तरी । सप्तरीको छिन्नमस्ता गाउपालिका-५ लोखरमका एकजना वृद्धको साइकलबाट लडेर मृत्यु भएको छ । छिन्नमस्ता गाउपालिका-१ बरहि वीरपुरस्थित नहरचोक नजिक साइकलयात्री ६९ वर्षीय पदमलाल दासको मृत्यु भएको जिल्ला प्रहरी कार्यालय सप्तरीका प्रहरी प्रवक्ता नरेशकुमार सिंहले जानकारी दिए ।

साइकलबाट लडेर गम्भीर घाइते दासलाई उपचारको लागि राजविराजस्थित गजेन्द्रनारायण सिह अस्पताल लगे पनि उपचार हुन नसकेपछि थप उपचारको लागि विराटनगरस्थित नर्सिङ होम अस्पतालमा उपचारको क्रममा मृत्यु भएको प्रहरी प्रवक्ता सिंहले जानकारी दिए ।