साइबर अपराधमा समातिएका चिनियाँले प्रहरीकै अगाडी देखाए उदण्ड

१५ चैत, काठमाडौं । विभिन्न अपरामा समातिएका चिनियाँ नागरिकले प्रहरी कार्यलयमा नारावाजीका साथै सुतेर उदण्ड देखाएका छन् । उपत्यका अपराध अनुसन्धान कार्यालयले काठमाडौंको विभिन्न ठाउँमा कार्यालय नै राखेर साइबर अपराध गरेको आरोपमा बुधबार १९ जनालाई समातरे पत्रकार सम्मेलनमार्फ सार्वजनिका गरेको छ । पक्राउ पर्नेमध्ये ९ जना चिनियाँ नागरिक छन् ।

उनलीहरुले पत्रकार सम्मेलनमा विरोध जनाए । उनीहरुले उपत्यका अपराध अनुसन्धान कार्यालय, बानेश्वर परिसरमै नाराबाजी मात्रै गरेनन्, कार्यालय परिसरमा सुतिदिए सांकेतिक बिरोध गर्दै प्रहरमिाथि मुख छाडेका थिए । हत्कडीसहित बाहिर ल्याइएका उनीहरुले कार्यालय अगाडि सुतेर विरोध जनाउदै पोटो खिच्न खोज्ने पत्रकारलाई समेत दुव्र्यवहार गर्न खोजेका थिए । चिनियाँ भाषामा बोलेकाले उनीहरुले मनलाग्दी गालीगरे ।

प्रहरीका अनुसार पक्राउ परेर हत्कडी लगाएपछि उत्तेजित हुने चिनियाँ नागरिकको पुरानै व्यवहार हो । यसअघि पनि पक्राउ परेकाहरुले प्रहरी र अरुलाई आक्रमण गर्न खोन्जेदेखि नबुझिने भाषमा गाली गर्ने गर्दै आएका थिए । केसै कसैले त मार्शल आर्ट्स पनि देखाएका थिए । बैंक खाता भाडामा लिएर नेपालमा चिनियाँ गिरोहको ठगी धन्दा, डेढ महिनामा कम्तीमा २ करोड ठगी गरेको प्रारम्भिक अनुमान छ । उनीहरु सबलेै अनलाइन व्यापारका नाममा नेपालमा बसेर नेपालीलाई ठगी गर्दै आएका थिए ।

पक्राउ पर्ने नेपालीमा ५ जना महिला र ५ जना पुरुष रहेका छन् । अनलाइन व्यापारमा लगानी गरेबापत ३० प्रतिशत कमिसन पाउने लोभमा गिरोहले एकै व्यक्तिलाई ४८ लाख रूपैयाँसम्म ठगेको काठमाडौं उपत्यका अनुसन्धान कार्यालयका प्रमुख मनोज केसीले जानकारी दिए । ‘अनलाइन व्यापारको नाममा सामान खरिद गर्न लगाएर सामान बिक्री भएजस्तो गरेर सुरूसुरूमा कमिसन पनि पठाउने रहेछन् । तर, लगानी बढ्दै जाँदा कमिसन बन्द भएपछि पीडित आफू ठगिएको थाहा पाउने अवस्था देखियो’, एसएसपी केसीले भने ।

उनका अनुसार केही समयअघि एक व्यक्ति अनलाइन व्यापार ४८ लाख रूपैयाँ ठगीमा परेको भएको भन्दै उजुरी लिएर आएका थिए । ५० हजार रूपैयाँबाट लगानी सुरू गरेका ती व्यक्तिले सुरूसुरूमा कमिसन खुरुखुरु पाएपछि ४८ लाख रूपैयाँ लगानी भइसकेको पत्तै नपाएको प्रहरीलाई सुनाएका थिए । त्यसपछि अनुसन्धानका क्रममा उनलाई ठगी गर्ने गिरोह भेटिएको प्रहरीको भनाई छ । प्रहरीले ती पीडितले रकम जम्मा गरेका चारवटा बैंक खाताबाट अनुसन्धान गरेको थियो ।

‘ती चारवटा खातामा डेढ महिनाको अन्तरमा एक करोड ६४ लाख रूपैयाँभन्दा बढीको कारोबार देखिन्छ । २०÷२२ जनाले उनीहरूको खातामा पैसा जम्मा गरेको देखिएकाले पीडितको संख्या ठूलो भएको हुन सक्ने हाम्रो अनुमान छ’, एसएसपी केसीले भने । प्रहरीका अनुसार ९ जना चिनियाँले काठमाडौंको विभिन्न तीन ठाउँमा कार्यालय खोलेर ठगी गर्ने गरेका थिए ।

उनिहरूले एक वेबसाइटको लिंक ह्वाट्सअपमा विभिन्न व्यक्तिलाई पठाएर अनलाइन व्यापारमा लगानी गरे तुरुन्तै ३० प्रतिशत मुनाफा पाइने भन्दै काउन्सेलिङ गर्ने गरेका थिए । इच्छुकलाई उनीहरूलाई कसरी व्यापार गर्ने भनेर सिकाउन लिंकसमेत पठाउने गरेको र त्यस लिंक खोलेर हेर्दा सिकाइने पनि गरेको प्रहरीको अनुसन्धानबाट खुलेको छ ।

‘सामान खरिदका लागि पैसा बुझाएको, किनेको सामान खरिद भएको, खरिद गर्नेले बुझेको, कमिसन प्राप्त भएको सबै कुरा वेबसाइटमा देखाएर गिरोहले प्रलोभनमा पार्ने गरेको देखियो’, केसीले भने, ‘धेरै रकम लगानी भएपछि सफ्टवेयरमा प्रहरी छिरेर घटनाबारे आफूलाई थाहा भएको जसरी थर्काउने गरेको पाइयो । त्यसपछि डिपोजिट गरेको रकम र कमिसन दुवै गुमेको अवस्था पीडितले थाहा पाएका रहेछन्’, एसएसपी केसीले जानकारी गराए ।

चिनियाँ गिरोहले एक नेपाली व्यक्तिलाई सम्पर्क गरेर विभिन्न व्यक्तीको नाममा नेपाली खाता बनाउन लगाउने गरेको प्रारम्भिक अनुसन्धानबाट खुलेको छ । ‘खाता खोले मासिक १० हजार रूपैयाँ पाइने भनेर प्रलोभन देखाइने रहेछ । मासिक १० हजार रूपैयाँ पाइने लोभमा नेपालीले अनलाइन बैंकिङको युजरनेम र पासवर्डसमेत गिरोहलाई बुझाएको देखियो । कतिपय अवस्थामा सम्बन्धित खातावालाले नै पैसा निकालेर आफूलाई खाता खोल्न लगाउने नेपालीलाई बुझाउने गरेको पाइएको छ’, एसएसपी केसीले भने ।

२०७७ को वैशाख अन्तिमतिर स्वदेश फिर्तीको माग राख्दै प्रदर्शन गर्ने क्रममा पुगेका प्रहरीलाई चिनियाँले हातपात गरेका थिए । पछि प्रहरीले कुटपिटमा संलग्न चार चिनियाँ नागरिकलाई पक्राउ गरेर अभद्र व्यवहार सम्बन्धी कसुरमा मुद्दा चलाएको थियो । ‘यसपालि पनि उनीहरुले आफूले केही नगरे जस्तो देखाएर सहानुभूति मात्रै बटुल्न खोजेका हुन्’, स्रोत भन्छ । उपत्यका अपराध अनुसन्धान कार्यालय, बानेश्वरका प्रहरी वरिष्ठ उपरीक्षक (एसएसपी) मनोज केसीका अनुसार ह्वाट्स एपमा अनलाइनमार्फत विजेनशमा संलग्न भए ३० प्रतिशतसम्म फाइदा हुने भन्दै यो गिरोहले नेपाली नागरिकलाई ठगेको पाइएको छ ।

ह्वाट्स एपमार्फत टेलिग्राममा खाता खोल्न लगाएर अपरेशन टिचर नामक च्यानलमार्फत ठगी भएको भेटिएको उनले बताए । ‘पैसा हाले पश्चात सामान अनलाइनमार्फत बिक्री हुन्छ, त्यसवापत आउने फाइदाको रकम कम्पनीको खातामा रहनेछ र बिक्री गरेको १४ दिनमा मुनाफाको ३० प्रतिशतसहित रकम आउने भनिएको रहेछ’, केसीले भने, ‘यसरी नेपालीबाट लाखौं ठगिएको पाइएको छ ।’ पीडितले एनआईसी एसिया बैंकमा राजकुमार लामा, बुद्धिराज श्रेष्ठ, इन्द्र तामाङ र प्रयास भण्डारीको नाममा खोलिएको खातामा पैसा पठाएको भेटिएको छ ।