प्रशासकीय अधिकृतसहित वडाध्यक्ष र बिचौलिया घुससहित पक्राउ

१६ चैत्र, रुपन्देही ।  घुसको रकम लिदै गरेको अवस्थामा रुपन्देहीको शुद्धोधन गाउँपालिकाका प्रमुख प्रशासकीय अधिकृतसहित तीनजना पक्राउ परेका छन् । अख्तियार दुरुपयोग अनुसन्धान आयोगको टोलीले प्रमुख प्रशासकीय अधिकृत अनन्तपाणी मरासिनी, सोही गाउँपालिकाको वडा नम्बर ७ का वडाअध्यक्ष भीमबहादुर यादव र बिचौलिया विनोद भरलाई ५० हजार नगदसहित नियन्त्रणमा लिइएको हो ।

नदीजन्य पदार्थ उत्खनन् सम्बन्धमा घुस माग गरेको उजुरीको आधारमा उनीहरुलाई गाउँपालिकाको चमेना गृहबाट घुस रकमसहित बिहीबार बिहान साढे ११ बजे उनीहरुलाई पक्राउ गरिएको हो उनीहरुमाथि अख्तियारले थप अनुसन्धान अगाडी बढाउेन बताएको छ ।