बारा २ को उपनिर्वाचनमा तीन खेलाडीसँग उपेन्द्रको भीडन्त

१६ चैत, काठमाडौं । जनता समाजवादी पार्टी (जसपा) का अध्यक्ष उपेन्द्र यादवको आगामी बैशाख १० मा हुने उपनिर्वाचनमा बारा क्षेत्र नम्बर २ मा नेकपा एमालेबाहेक नै मधेश केन्द्रित दलका दई हस्तीहरुसँग भीडण्त हुने देखिएको छ । नेपाली कांग्रेस, नेकपा माओवादी र नेकपा एकीकृत समाजवादीबाट साझा उम्मेदवार बन्न लागेका यादवालाई चुनाव जित्न चार प्रतिद्वन्द्वीसँग प्रतिस्पर्धा गर्नुपर्ने भएकाले सहज भने देखिएको छैन् । सरसर्ती हेर्दा चुनाव जित्न उपेन्द्रले नेकपा एमाले, जसपा र जनमताका उम्मेदवारलाई पराजित गर्नुपर्छ ।

बारा–२ मा आगामी वैशाख १० गते संघीय सांसदको लागि उपनिर्वाचन हुने पक्क भइसकेको छ । उपनिर्वाचन नजिकिएसँगै गठबन्धनको आधिकारिक उम्मेदवार खोजेकका उपेन्द्रलाई मधेशका अन्य दल जनमात पार्टी र लोकतान्त्रिक समाजवादी (लोसपा) ले छक्ने प्रयास गरेका छन् । बारा–२ बाट संघीय सांसद निर्वाचित रामसहाय यादव उपराष्ट्रपतिमा चयन भएपछि त्यहाँ उपनिर्वाचन हुन लागेको हो । जसपाले बारा क्षेत्र नम्बर २ को उपनिर्वाचनमा अध्यक्ष उपेन्द्र यादवलाई उम्मेदवार बनाउन सिफारिस गििसकेको छ । सो पार्टीको बारा क्षेत्र नम्बर २ क्षेत्रीय समितिले सो क्षेत्रको उपनिर्वाचनमा अध्यक्ष यादवको नाम सिफारिस गरेको हो ।

यता, संघमा नै उपराष्ट्रपतिमा जसपालाई चुनौति दिएको जनमत पार्टीले शिवचन्द्र कुशवाहलाई पार्टी प्रवेश गराएर बारा–२ बाट उपेन्द्र यादवसँग भिडाउने भएको छ । सीके राउतले ४ मंसिरको चुनावमा सप्तरी २ मा उपेन्द्र यादवलाई १८ हजार ६३ मतान्तरले पराजित गरेका थिए । उपराष्ट्रपतिको मनोनयनकै क्रममा रामसहायलाई सत्तारुढ गठबन्धनको उम्मेदवार हुनबाट रोक्न चाहेका राउतले आफ्नो दलबाट ममता झालाई उम्मेदवार बनाएका थिए । तर राउत सफल भएनन्, सत्ता गठबन्धन दलको समर्थनमा उपेन्द्रले बाजी मारे । रामसहाय उपराष्ट्रपति चुनिए र बारा–२ मा उपनिर्वाचनका लागि खाली भयो ।

यसअघिको चुनावमा रामसहायप्रसादले १३ हजार ८२२ मत ल्याएर चुनाव जितेका थिए । तत्कालिन समयमा माओवादीका उम्मेदवार रहेका कुशवाह ३५४ मतान्तरले पराजित भएका थिए । त्यतिबेला रामसहाय जसपा–एमाले गठबन्धनको उम्मेदवार थिए भने शिवचन्द्र कांग्रेस–माओवादी–एकीकृत समाजवादी–लोसपासहितका गठबन्धनको उम्मेदवार थिए । १० वैशाखको उपनिर्वाचनमा आफ्नो दल माओवादी केन्द्रले समेत उपेन्द्रलाई सघाउने संकेत पाएपछि शिवचन्द्र कुशवाह जनमत प्रवेश गरेका हुन् । ०५२ सालमै भूमिगत भएर माओवादीको राजनीति गरेका कुशवाह २०६४ सालको संविधानसभा निर्वाचनमा निर्वाचित भएका थिए । २०७० सालमा भने उनले माओवादीबाट टिकट पाएनन्, सद्भावनामा गएर चुनाव लडेका थिए । पछि नयाँ शक्ति पार्टी हुँदै फेरि माओवादी केन्द्रमा फर्किएका थिएका थिए ।

यस्तै जसपाका अध्यक्ष यादवलाई एमालेको टक्कर पनि गतिलै छ । यो क्षेत्रमा एक्लै चुनाव लड्दा एमाले बलियो छ । यो क्षेत्रमा एमालेले उम्मेदवार तय गरिसकेको छैन । तर बारा–२ का कतिपय नेता कार्यकर्ताले पूर्वखेलकुदमन्त्री पुरुषोत्तम पौडेललाई उम्मेदवार बनाउनुपर्ने धारणा राखेका छन् । मिसन ग्रास रुट अभियानका क्रममा पर्सा बारामा पुगेका केन्द्रीय नेताहरुसँग स्थानीय नेता कार्यकर्ताले पुरुषोत्तमलाई नै टिकट दिन आग्रह गरेका थिए । प्रदेश कमिटी सदस्य एवं बारा–२ को क्षेत्रीय अध्यक्ष राजेश साहले पार्टीले पुरुषोत्तम पौडेललाई टिकट दिए आफूहरुले जिताएर देखाउने भन्दै नेताहरुलाई दावाव दिएका थिए ।

बारा–२ मा पर्ने पाँचवटा पालिकामध्ये महागढीमाई नगरपालिका, पचरौता, देवताल र करैयामाई गाउँपालिकामा एमालेले धेरै मत पाउने र सुवर्ण गाउँपालिकामा जसपासँग प्रतिस्पर्धा हुने स्थानीयहरु बताउँछन् । अध्यक्ष यादव यसअघिको चुनावमा सप्तरी २ बाट पराजित भएका थिए । बारा २ बाट विजय रामसहाय यादव उपराष्ट्रपतिमा चयन भएपछि सो क्षेत्र खाली भएपछि यहि क्षेत्रबाट उनले संसद छिर्न कोसिस गरेका हुन् । यादवबिरुद्ध लोसपाले पनि उम्मेदवार दिने तयारी गरेको छ । लोसपाबाट राजेन्द्र महतोलाई उम्मेदवार बनाउने निर्णय नै भइसकेको छ ।

बिहीबार काठमाडौंमा बसेको लोसपा केन्द्रीय कार्यकारिणी समितिको बैठकले बारा २ को उपनिर्वाचनमा महतोतलाई उठाउने सर्वसम्मत निर्णय गरेको हो । महतो सम्भवत शुक्रबार नै चुनावी तयारीका लागि बारा २ मा पुग्ने तयारमिा छन् । उनी मंसिर ४ को निर्वाचनमा सर्लाही २ माओवादीका उम्मेदवार महिन्द्र राय यादवसँग पराजित भएका थिए । बारा २ मै सीके राउत नेतृत्वको जनमत पार्टीबाट शिवचन्द्र कुशवाहा उम्मेदवार बन्ने जस्तै छ । बारा–२ मा उपेन्द्र यादवलाई सघाउने पार्र्टीको निर्णयप्रति कांग्रेसका कार्यकर्ता भने असन्तुष्ट देखिएका छन् ।

केन्द्रमा चारदलका शीर्ष नेताहरूले जसपाका अध्यक्ष यादवलाई साझा उम्मेदवारका रूपमा उठाउने आन्तरिक रूपमा तयारी गरिरहँदा केन्द्रले गरेको निर्णय तिनकै कार्यकर्ताहरूले मान्ने अवस्था जिल्लामा देखिँदैन । गएको प्रदेश तथा प्रतिनिधिसभा सदस्य निर्वाचनमा बाराको ४ वटा संघीय र ८ वटा प्रदेशसभा सदस्य निर्वाचन क्षेत्रमा शून्य अवस्थामा पुगेको कांग्रेसले यस पटक बारा–२ आफूले पाउनुपर्ने जिल्ला नेताहरुको दावी छ ।

बारा निर्वाचन क्षेत्र नं २ अन्तर्गत रहेका ५ वटा स्थानीय तहमध्ये महागढीमाई नगरपालिका र सुवर्ण गाउँपालिकाको प्रमुख, उपप्रमुख नेपाली कांग्रेसको नेतृत्वमा छ । क्षेत्रीय सभापति यादवले कांग्रेसले आफ्नो उम्मेदवार उठाए उपेन्द्र यादवको हार हुने दाबी नै गरेका छन् । मधेस प्रदेशमा चुनावी गठबन्धन सफल नभएकाले केन्द्रमा सरकार बनाउन भएको गठबन्धनलाई चुनावी गठबन्धन भन्न नमिल्दैन उनको तर्क छ । बारा–२ मा कांग्रेस एक्लै लड्दा जित सुनिश्चित भएको दाबी उनीहरुको छ ।