fbpx

महालक्ष्मी र नेपाल मेडिसिटी अस्पतालबीच सेवाशुल्कमा छुट दिने सम्झौता


Share This

नेपालबहस संवाददाता    

काठमाडौं । महालक्ष्मी बिकास बैंक लिमिटेडले आफ्ना ग्राहकलाई स्वदेशमै गुणस्तरीय स्वास्थ्य सेवा प्रदान गर्ने हेतुले नेपाल मेडिसिटी अस्पतालसँग मिति आइतबार सम्झौता भएको छ ।

उक्त सम्झौता अनुसार बैंकका डेबिट कार्ड (VISA)  प्रयोग गर्ने ग्राहकले नेपाल मेडिसिटीमा उपचार गराउँदा सेवाशुल्कमा छुट पाउने भएका छन् । बैंकका प्रमुख कार्यकारी अधिकृत कृष्णराज लामिछाने ज्यू र अस्पतालका महाप्रबन्धक बिजय रिमाल ज्यूले उक्त पत्रमा हस्ताक्षर भएको छ ।

सम्झौता अनुसार यस किसिमको सहकार्यबाट बैंकका ग्राहक वर्गले उपचार खर्चमा ७ % छुट पाउनु हुनेछ । यसका साथै बैंकका कर्मचारी तथा कर्मचारीका परिवारले नेपाल मेडिसिटीको सेवाशुल्कमा १०% छुट प्राप्त गर्न सक्ने भएका छन् ।

देशका ७३ वटा शाखाहरुबाट बंैकिङ्ग सेवा प्रदान गर्दै आएको महालक्ष्मी विकास बैंक लि. को हालसम्मका करिब ४ लाख ४० हजार ग्राहक वर्गहरुले नेपाल मेडिसिटीमा उपचार गराई सेवाशुल्कमा छुट प्राप्त गरी लाभान्वित हुन सक्नु हुनेछ ।

सोका लागि ग्राहकले अनिवार्य रुपमा बैंकको डेबिट कार्ड (VISA) लिनु पर्नेछ । बैंकले आगामी दिनहरुमा उक्त अस्पतालसँग संस्थागत सामाजिक उत्तरदायित्व अन्तर्गत विभिन्न स्वास्थ्यसँग सम्बन्धीत कार्यक्रमहरु गर्दै जाने सहमति गरेको छ ।

तपाईको प्रतिक्रिया