चितवनमा बृहत् कृषि मेला

काठमाडौं । गत वर्ष काठमाडौंमा आयोजना गरिएको कृषिसम्बन्धी बृहत् मेला यस वर्ष चितवनमा गरिने भएको छ । आयोजक संस्था मिडिया स्पेस सोलुसन्सले काठमाडौँमा मेला आयोजना गर्दा अवलोकनका लागि मात्रै आउनेको सङ्ख्या बढेको भन्दै यस वर्ष वास्तविक कृषकसम्म पुग्नुपर्ने ध्येयले चितवनमा आयोजना गर्न लागिएको संस्थाका प्रबन्ध निर्देशक श्रीजल भट्टराईले जानकारी दिए । चितवनको भरतपुरमा यही माघ ११ देखि १३ गतेसम्म आयोजना गर्न लागिएको तेस्रो नेपाल एग्रिटेकको तयारी अन्तिम चरणमा पुगेको छ । प्रदर्शनीमा नेपाल, भारत, चीनलगायत १८ देशका कृषिसम्बन्धी कम्पनीका १५० भन्दा बढी कक्ष रहनेछन् । थप पढ्नुहोस्

 बैतडीमा खडेरीले खेतीयोग्य जमीन बाँझै

 बैतडी । लगातारको खडेरीले बैतडीका विभिन्न स्थानका खेत बाँझै रहेका छन् । समयमा हिउँदे वर्षा नहुँदा खेत बाँझै छोड्नुपरेको किसानको गुनासो छ । सिँचाइको सुविधा नभएका ठाउँमा हिउँदे वर्षा नभएकाले गएको चार वर्षयता हिउँदेबाली लगाउन नपाएको पञ्चेश्वर गाउँपालिका ३ का बलराम तिरुवाले बताए । पञ्चेश्वरको वडा नं १, २, ३, ४ र ६ मा अधिकांश खेत बाँझै रहेका पञ्चेश्वर गाउँपालिकाका अध्यक्ष गोरखबहादुर चन्दले जानकारी दिनुभयो । चार वर्षयता किसान खेत बाँझै छोड्न बाध्य रहेका छन् । थप पढ्नुहोस्

संस्थानद्धारा एक करोड बढीको धान खरिद

वीरगञ्ज। नेपाल खाद्य संस्थान कार्यालय वीरगञ्जले रु. एक करोड १३ लाख ७७ हजार ४०० मूल्य बराबरको चार हजार ६२४ दशमलव २३ क्विन्टल धान खरिद गरेको छ । सरकारले प्रतिक्विन्टल रु दुई हजार ४६० रुपैयाँ ५७ पैसामा धान खरिद गर्ने समर्थन मूल्य तोकेपछि संस्थानले अहिले दैनिक ३०० देखि ४०० क्विन्टल धान खरिद गर्दै आएको छ । चालु आर्थिक वर्षमा १५ हजार क्विन्टल सोना मन्सुली धान खरिद गर्ने लक्ष्य लिएकामा संस्थानले हालसम्म ३३ प्रतिशत लक्ष्य प्राप्ति गरी उक्त मूल्य बराबरका धान खरिद गरेको शाखा प्रमुख अम्विकाप्रसाद घिमिरेले बताए । थप पढ्नुहोस्

गठ्ठाघरमा तरुल मेला शुरु, उपभोक्ताको घुइचो

भक्तपुर । काठमाडौंको कालीमाटी पछिको दोस्रो ठूलो तरकारी बजारको रुपमा भक्तपुरको गठ्ठाघरमा सञ्चालित भक्तपुर तरकारी बजारमा तरुल मेला शुरु भएको छ । आगामी माघदेखि पूर्णरुपमा सञ्चालनमा आउने तरकारी बजारमा माघे सङ्क्रान्तिलाई लक्षित गरी पुस २५ गतेदेखि शुरु भएको तरुल मेलामा तरुण किन्न जाने उपभोक्ता एवं व्यापारीको भीड लागेको छ । भक्तपुरकै ठूलो तरकारी बजारका रुपमा स्थापना भएको यो बजारमा तरुल किन्न कालीमाटीसम्म पुग्न नपर्ने र सस्तोमै लोकल तरुलसमेत पाइने थाहा पाएर तरुल किन्न आएको सानोठिमीका तरकारी व्यापारी कृष्णलाल श्रेष्ठले बताए । थप पढ्नुहोस्

दुईतिहाइको कम्युनिष्ट शासन : गाँसगाँसमा कर, दुधे बालकले खाने दुधमाथि २३ करोड कर

काठमाडौं । गरिबको आँशु पुछ्ने भनी जनवादी गीत गाएर नथाक्नेबाटै आज तिनै जनताले खाने हरेक गाँस र पानीको घुड्कोमा पनि कर लगाई रहेकाछन् । हुँदाहुँदा बालबालिकाले खाने दुधमापनि रु २३ करोड जति राजश्व असुल गरेर बहादुरी प्रदर्शन गरेको छ वर्तमान सरकारले । करबडा भन्ने उपनामले निजी क्षेत्रमा कुख्याती कमाउन थालेका वर्तमान अर्थमन्त्री डा. यूवराज खतिवडाले अब गरिबका गाँसगाँस र बालबच्चाले खाने दुधको घुड्का घुड्काका कर लगाउन थालेका छन् । थप पढ्नुहोस्

निजी कलेजको भर्ना अवैधानिक : उपकुलपति ढकाल

चितवन । कृषि तथा वनविज्ञान विश्वविद्यालयका उपकुलपती प्रा .डा ईश्वरीप्रसाद ढकालले विश्वविद्यालयबाट अस्थायी सम्बन्धन पाएका निजी क्याम्पसको भर्ना प्रक्रिया वैधानिक नभएको बताएका छन् । सो विश्वविद्यालयबाट सम्बन्धन प्राप्त गरेका आठमध्ये सात वटा क्याम्पसले पत्रिकामा विज्ञान प्रकाशन गरेर भर्ना प्रक्रिया अघि बढाएका छन् । उनीहरुले विश्वविद्यालयले हालै विश्वविद्यालय र आङ्गिकका लागि खुलाएको भर्नाको मेरिटका आधारमा भर्ना लिनका लागि सूचना प्रकाशन गरेका हुन् । थप पढ्नुहोस्

एक महीनामा एक करोडको सुन्तला बिक्री

सुरेन कुँवर रत्ननगर । तामिन कृषि बहुउदेश्य सहकारीले एक महीनामै रु एक करोड बराबरको सुन्तला बिक्री गरेको छ । चितवनको इच्छाकामना गाउँपालिका–५ स्थित उक्त सहकारीले गत मङ्सिर २० देखि पुस १९सम्ममा उक्त मूल्य बराबरको सुन्तला बिक्री गर्न सफल भएको हो । “मङ्सिर २० गतेबाट सुन्तला बिक्री गर्न शुरु गरेका थियौँ, अहिलेसम्म रू एक करोडको सुन्तला बिक्री भएको छ” सहकारीका अध्यक्ष हरिबहादुर नेपालले भने । उनका अनुसार सहकारीमा आबद्ध ८५ कृषक सदस्यले ८० बिघा जमीनमा सुन्तला खेती गरेका छन् । गत वर्ष सहकारीले रु दुई करोड बराबरको सुन्तला बिक्री गरेको थियो । थप पढ्नुहोस्

भारतले ढिलो पानी छाड्दा गहुँखेती प्रभावित

वीरगञ्ज । भारतीय पक्षले गण्डक नहरमा ढिलो गरी पानी छोड्दा पर्सा, बारा तथा रौतहट जिल्लामा यसवर्ष गहुँखेती प्रभावित हुने किसानको गुनासो रहेको छ । भारतीय पक्षले गण्डक नहरमा डिसेम्बर २५( ९ पुस) १०० भित्र पानी छोडी सक्नुपर्नेमा भारतीय पक्षको नहरको मूलढलानमा ढिलो गरी पानी दिएकाले दुई हप्ता ढिलो पानी आएको स्वीकार्दै नारायणी सिँचाइ व्यवस्थापन डिभिजन कार्यालय वीरगञ्जका प्रमुख राजेन्द्रप्रसाद साहले भने, “गहुँको बीउ छर्ने समयमा पानी नछाड्दा केही मात्रामा गहुँखेती भने प्रभावित भएको छ । थप पढ्नुहोस्

किसानमारा कम्युनिष्ट नीति : पाँच महिनामै आयो २८ करोडको तरकारीको बिऊ

काठमाडौं । नेपाली किसानको हातबाट बिऊको अधिकार खोसी बहुराष्ट्रिय कम्पनीहरुलाई नेपालको बिऊमाथि कव्जा गर्ने प्रयास बामपन्थी सरकारको आगमनसँगै तीव्र हुन थालेको छ । किसानको भोट लिएर बनेको वर्तमान कम्युनिष्ट सरकार भने बहुराष्ट्रिय कम्पनीहरु पोस्ने र नेपाली किसानलाई सोस्ने काममा लागेको छ । रैथाने जातका बिऊहरु नष्ट गर्ने, किसानलाई महँगोमा बिऊ किन्न बाध्य पार्ने कुटिल सोचका कारण मुलुक दिनप्रतिदिन तरकारीको बिऊमा पनि परनिर्भर हुँदैछ । थप पढ्नुहोस्

मुल्य प्रतिक्विन्टल ५ सय ३६ रुपैयाँ उखुको मूल्य निर्धारण

काठमाडौं । सरकारले आर्थिक वर्ष २०७५/०७६ का लागि उखुको मूल्य निर्धारण गरेको छ । मन्त्रिपरिषद् बैठकले यही पुस १३ र १६ गते गरेका निर्णय सार्वजनिक गर्न आयोजित पत्रकार सम्मेलनमा सरकारका प्रवक्ता गोकुलप्रसाद बाँस्कोटाले उखुको न्यूनतम खरीद मूल्य प्रतिक्विन्टल ५३६ रुपियाँ ५६ पैसा निर्धारण गरेको जानकारी दिए । उनका अनुसार सरकारले उखु किसानलाई प्रतिक्विन्टल ६५ रुपियाँ २८ पैसासमेत अनुदान दिने निर्णय गरेको छ । थप पढ्नुहोस्
1 2 3 31