fbpx

माथिको आदेश भन्दै वैदेशिक लगानी बन्द गर्ने विधेयक पारित !

१४ खर्बको वैदेशिक लगानी लक्ष्य धरापमा, सरकार भेनेजुयलाको बाटोमा काठमाडौं । सरकारले ठुलो तामझामका साथ आगामी चैत्र १५ र १६ गते नेपालमा अन्तर्राष्ट्रिय लगानी सम्मेलनको तयारी अन्तिम चरणमा पुर्याईरहदाँ वैदेशिक लगानीकर्तालाई बिच्काउने गरि संसदले उल्टो नीति पास गर्न लागेको छ । नेपाल सरकार, उद्योग, वाणिज्य तथा आपूर्ति मन्त्रालयले विदेशी लगानी तथा प्रविधि हस्तान्तरण सम्बन्धी कानूनलाई संशोधन तथा एकीकरण गर्न बनेको मस्यौदा बिधेयक, २०७५ प्रतिनिधिसभामा पेश गरेको थियो । थप पढ्नुहोस्

पर्याप्त ग्यास आयात, हल्लाको पछाडि नलाग: निगम

काठमाडौं । मागअनुसार खाना पकाउने ग्यासको आयात भइरहेकाले अनावश्यक भण्डारण नगर्न तथा गलत हल्लाको पछाडि नलाग्न नेपाल आयल निगमले उपभोक्तालाई आग्रह गरेको छ । पछिल्ला दिनमा ग्यासको कमिसन बढाउनुपर्ने माग राख्दै नेपाल ग्यास बिक्रेता सङ्घलगायतले विरोधका कार्यक्रम सार्वजनिक गरेको तथा निगम र व्यवसायीबीचको वार्तासमेत तार्किक निष्कर्षमा पुग्न नसकेको बेला निगमका तर्फबाट उक्त धारणा सार्वजनिक भएको हो । इण्डियन आयल रिफाइनरीमा खाना पकाउने ग्यास लोडिङ भइरहेको र आयात पनि निरन्तररूपमा भइरहेको उल्लेख गर्दै निगमले बजारमा कुनै पनि अभाव नरहेको जनाएको हो । थप पढ्नुहोस्

पेट्रोलियम पदार्थमा तत्काल मूल्यवृद्धि हुँदैन : निगम

काठमाडौं । अन्तर्राष्ट्रिय बजारमा पेट्रोलियम पदार्थको मूल्य वृद्धि भए पनि नेपाल आयल निगमले तत्कालका लागि मूल्य वृद्धि नगर्ने स्पष्ट पारेको छ । निगमका प्रवक्ता वीरेन्द्र गोइतका अनुसार इण्डियन आयल कर्पोरेसनले यही फागुन ४ गते पठाएको नयाँ मूल्यसूचीअनुसार पेट्रोलमा प्रतिलिटर ७७ पैसा र डिजलमा प्रतिलिटर एक रुपैयाँ ८४ पैसा मूल्य बढेर आएको छ । निगमले अन्तर्राष्ट्रिय बजारमा कच्चा तेलको मूल्य वृद्धि हुने क्रम जारी रहेको जनाएको छ । सर्वसाधारणको हितलाई ध्यानमा राखी निगमले हाललाई पेट्रोलियम पदार्थको साबिककै बिक्री मूल्यलाई यथावत् राखेको जनाएको छ । थप पढ्नुहोस्

एलपी ग्यास व्यवसायीहरु आन्दोलित, भोलीदेखि ग्यासको पीडीओ खरिद नगर्ने निर्णय

काठमाडौं । नेपाल एलपी ग्यास उद्योग संघले आन्दोलनका कार्यक्रम घोषणा गरेको छ । बुधबार काठमाडौमा पत्रकार सम्मेलन गर्दे संघले कमिसन वृद्धि, उद्योगहरुको यथार्थ सञ्चालन खर्च, उद्योगको कार्यगत नोक्सानी, बीमा खर्च लगायतका माग गर्दै संघले आन्दोलनको घोषणा गरेको हो । अहिले सञ्चालनमा रहेका ग्यास उद्योग नै पर्याप्त भएको भन्दै अब नयाँ उद्योग आवश्यक नरहेको पनि संघको भनाई छ । संघले कुनै अध्ययन र छलफल बिना नै तराईका केही उद्योगलाई फरक बिक्री मूल्य कायम गरिएकोले त्यसबाट भएको क्षतिपूर्ति दिलाएर तराईका सबै स्थानका लागि एउटै बिक्री मूल्य कायम गर्नुपर्ने माग गरेको छ । थप पढ्नुहोस्

मानवबस्तीमा सञ्चालित आसफाल्ट उद्योग बन्द गराउन मेयरलाई स्थानीयहरुको दवाव

ललितपुर । ललितपुरस्थित वागडोल मलपोखरीका स्थानीयबासीहरुले गैरकानूनी रुपमा मानवबस्तीमा सञ्चालित आसफाल्ट उद्योग बन्द गराउन चर्को दवाव दिएका छन्। उक्त उद्योगले निकाल्ने धुवाँ र ध्वनी प्रदुषणका कारण मानव स्वास्थ्यमा प्रतिकुल असर परेको भन्दै उनीहरुले विरोध जनाएका हुन् । उक्त आसफाल्ट उधोग ललितपुर महानगरपालिका वडा नं. ४ मा पर्छ । उद्योग विभागबाट साविक किर्तिपुर गाविसमा दर्ता भएको उद्योगले ललितपुरमा उद्योग राखेको छ, यो गैरकानुनी हो ।’ बागडोलको मलपोखरीमा नेपाल आदर्श कम्पनीले आसफाल्ट प्लान्ट सञ्चालन गरेको हो । उक्त कम्पनीका सञ्चालक हरिप्रसाद पाण्डे हुन् । थप पढ्नुहोस्

प्रणय दिवसमा चन्द्रागिरि जाने जोडिलाई ‘विशेष प्याकेज’

काठमाडौं । एकीकृत पर्यटकीय गन्तव्य चन्द्रागिरि हिल्समा आउँदो फागुन २ गते (फेब्रुअरी १४), बिहिबार मनोरन्जनात्मक कार्यक्रम हुने भएको छ । उक्त कार्यक्रम प्रणय दिवसको अवसरमा चन्द्रागिरि हिल्स लिमिटेडले आयोजना गर्न लागेको हो । कार्यक्रम दिउँसो १२ बजेदेखि ३ बजेसम्म चन्द्रागिरि हिल्स लिमिटेडको टप स्टेशनमा अवस्थित बार@२५२० मा संचालन हुने छ । प्रणय दिवसको अवसरमा आयोजना हुने कार्यक्रममा सहभागी हुन आउने पर्यटकले प्रति जोडी ३,९९९।– तथा प्रति व्यक्ति २,४९९।– को प्याकेज पनि प्राप्त गर्न सक्ने जनाएको छ । थप पढ्नुहोस्

किन १३ करोड मूल्य बराबरको चिनी भन्सारमै थन्कियो ?

वीरगञ्ज । साल्ट ट्रेडिङ कर्पोरेशनले भित्र्याएको करिब रु. १३ करोड मूल्य बराबरका २४ हजार ४५ मेट्रिक टन भारतीय चिनी सुख्खा बन्दरगाहको गोदाममा थन्किएको छ । सरकारले चिनी आयातमा परिणात्मक बन्देज  कोटा सिस्टम गाएपछि कर्पोरेशनले भित्र्याएको उक्त परिणामको भारतीय चिनी गोदाममा थन्किएको हो । परिणात्मक बन्देजका कारण पाँच महिना भइसक्दा पनि कर्पोरेशनले चिनी लग्न सकेको छैन । हिन्दूको महान् चाँड दशैँ, तिहार तथा छठ पर्वलाई लक्षित गरी कर्पोरेशनले भारतको गुजरात राज्यस्थित रेणुका सुगर मिलबाट सो परिणामको चिनी आयात गरेको थियो । थप पढ्नुहोस्

सर्वोत्तम सिमेन्टले मासिक २० करोड राजश्व तिर्ने

नवलपरासी । पश्चिम नवलपरासीको सुनवलमा रहेको सर्वोत्तम सिमेन्ट उद्योगले मासिकरूपमा करीब रु. २० करोड राजश्व तिर्ने योजना बनाएको छ । यस अघि मासिक करीब रु. आठ करोड राजश्व तिर्दै आएको उद्योगले क्षमता विस्तारसँगै अब मासिक करीब रु. २० करोड तिर्ने योजना रहेको उद्योग सञ्चालन एवं सौरभ गु्रपका अगुवा शशी न्यौपानेले जानकारी दिए । नेपालमा सिमेन्ट उत्पादन गर्ने उद्योगमध्ये दोस्रो ठूलो सिमेन्ट उद्योगका रूपमा दाबी गरिएको यस उद्योगले आफ्नो क्षमता विस्तार गरेको जनाएको छ । थप पढ्नुहोस्

कृषि, जडीबुटी र पर्यटन रोल्पा समृद्धिका आधार : अध्यक्ष ढकाल

काठमाडौं । आइएमई ग्रुपका अध्यक्ष एवम् नेपाल उद्योग वाणिज्य महासंघका उपाध्यक्ष चन्द्रप्रसाद ढकालले कृषि, जडीबुटी र पर्यटन रोल्पा समृद्धिका आधार भएको बताएका छन् । रोल्पा उद्योग वाणिज्य संघले आयोजना गरेको दोस्रोे रोल्पा महोत्सवलाई शुक्रवार सुलिचौरमा सम्बोधन गर्दै अध्यक्ष ढकालले उक्त कुरा व्यक्त गरेका छन् । सङघीय संसद प्रतिनिधि सभाका सभामुख कृष्णबहादुर महराको प्रमुख आगमनमा सम्पन्न उक्त कार्यक्रममा उर्जामन्त्री वर्षमान पुन, स्थानीय जनप्रतिनिधिहरु लगायत राजनितिक दलका प्रतिनिधि तथा स्थानीय उद्योगी व्यवसायीहरुले सम्बोधन गरेका थिए । थप पढ्नुहोस्

चर्को ब्याजदरप्रति महासङ्घको ध्यानाकर्षण

काठमाडौं । नेपाल राष्ट्रिय व्यवसायी महासङ्घले पछिल्लो समय बैंक तथा वित्तीय क्षेत्रमा बढाइएको चर्को ब्याजदरप्रति गम्भीर ध्यानाकर्षण भएको जनाएको छ । महासङ्घका अध्यक्ष नरेश कटुवालले आज एक विज्ञप्ति जारी गरी सरकारले विना धितो कारोवारको प्रकृति हेरेर सहुलियत दरमा ब्याजदर उपलब्ध गराउनुको साटो बैंक तथा वित्तीय क्षेत्रले लिँदै आएको ब्याज झण्डै दोब्बर बनाएकोमा उद्योगी व्यवसायी हतोत्साहित बन्न पुगेको बताए । थप पढ्नुहोस्
1 2 3 18