fbpx

भूकम्प : चार वर्षमा पाँच ग्रामीण सडकको ६१.९ किमी पुनःनिर्माण

काठमाडौं । भूकम्पले क्षतिग्रस्त पाँच ग्रामीण सडकको ६१.९ किमी पुनःनिर्माण सम्पन्न भएको केन्द्रीय आयोजना कार्यान्वयन एकाई 'अनुदान व्यवस्थापन तथा स्थानीय पूर्वाधार' ले जनाएको छ । निर्माण सम्पन्न भएका सडकमा भक्तपुरको तेलकोट–घट्टेडाँडा ७.६ किमी, ललितपुरको ठैब–गोदामचौर २.६ किमी, काभ्रेपलाञ्चोकको खोपासी–ढुँगखर्क १४ किमी, दोलखाको सुनखानी–साङ्बा २७.४ किमी र काठमाडौँको साँखु–पालुवारी–नगरकोटको १०.१ किमीको काम सकिएको हो । थप पढ्नुहोस्

यसरी रातरात कालोपत्रे हुँदै छ, त्रिभुवन अन्तर्राष्ट्रिय विमानस्थल [फोटो फिचर]

काठमाडौं । मुलुकको एकमात्र अन्तराष्ट्रिय विमानस्थलको पूर्णरुपमा मर्मत गर्ने काम तिव्र रुपमा भइरहेको छ । विगत चार दशकदेखि सामान्य मर्मत गरेर सञ्चालन गरिँदै आएको विमानस्थलको धावनमार्गको कालोपत्र पूर्णरुपमा फेरेर नयाँ राख्ने काम चैत १८ गतेदेखि भइरहेको हो । अहिले रातको समय पारेर धमाधम विमानस्थल कालपत्रे गर्ने काम भइरहेको छ । सन् १९७५ मा निर्माण गरिएको विमानस्थलको धावनमार्गको पिच त्यसपछि पहिलोपटक पुरै फालेर नयाँ फेर्न लागिएको बिमानस्थलले जनाएको छ । झण्डै ४ दशकभन्दा बढी समयसम्म सामान्य मर्मत गरेर मात्रै काम चलाइँदै आएकोमा पूर्ण रुपमा नयाँ कालोपत्रे हुनेछ । थप पढ्नुहोस्

बाह्र वर्षपछि सडक विवाद मिल्यो

जाजरकोट । निर्माणकार्य थालिएको १२ वर्षपछि जाजरकोट–जुम्ला सडकको विवाद मिलाउन कर्मचारीसहित प्रदेशसभा सदस्य गाउँमा पुगेका छन् । विभिन्न स्वार्थका कारण सडक जथाभावी निर्माण हुँदा यातायातका हलुका सवारीसाधन चल्न धौधौ परेको यस सडक खण्डमा विवाद सल्ट्याउन कर्मचारी लिएर प्रदेशसभा सदस्य गणेशप्रसाद सिंह गाउँ पुगेका हुन् । थप पढ्नुहोस्

हवाई इन्धनको मूल्यो घट्यो, अन्तर्राष्ट्रिय उडानतर्फ ५० अमेरिकी डलर कायम !

काठमाडौं । नेपाल आयल निगमले अन्तर्राष्ट्रिय उडानतर्फ हवाई इन्धनको मूल्य प्रतिकिलोलिटर ७५ अमेरिकी डलरले घटाएको छ । निगम सञ्चालक समितिको सोमबार बसेको बैठकपछि जारी गरेको प्रेस विज्ञप्तिमा हवाई इन्धनको मूल्य घटाउने निर्णय गरेको र उक्त घटाइएको दर आज राति १२ बजेपछि लागू हुने जनाइएको छ । मूल्य घटाएपछि हवाई इन्धनको मूल्य प्रतिकिलोलिटर एक हजार ५० अमेरिकी डलर कायम भएको छ । यसअघि प्रतिकिलोलिटर एक हजार १२५ अमेरिकी डलर रहेको थियो । थप पढ्नुहोस्

पाँच वर्षदेखि किन अलपत्र छ विष्णुमती कोरिडोर ?

bisnumati-karidor
काठमाडौं । भूकम्पअघि नै कालोपत्र गर्ने गरी ठेक्का गरिएको विष्णुमती कोरिडोरको करीब ६ किमी सडकको काम अहिलेसम्म नसकिँदा बालाजु–टेकु बाटो अवरुद्ध भएको छ । डल्लु पुलबाट टेकुपुलसम्मको यो सडक बन्द हुँदा बालाजुबाट कालीमाटी निस्कने यात्रु चक्रपथ घुमेर जान बाध्य छन् । अरु साना सडक पनि बेलाबखत अबरूद्ध हुने भएकाले यात्रु मारमा पर्ने गरेको काठमाडौँ महानगरपालिका–१९ का अध्यक्ष शशीलाल श्रेष्ठले जानकारी दिएका छन् । सडकको चौडाइ ८.५, सडकको पूर्वतिर पैदलमार्ग १.५ मिटर र नदीतिर बगैँचा बनाउनुपर्ने थियो । थप पढ्नुहोस्

नेपाल एयरलाइन्सले भारतको नयाँ दिल्लीमा उडान थप्यो

काठमाडौं । राष्ट्रिय ध्वजावाहक नेपाल वायुसेवा निगम नेपाल एयरलाइन्सले भारतको नयाँ दिल्लीमा उडान थप गरेको छ । भारतीय वायुसेवा प्रदायक कम्पनी जेट एयरले काठमाडौँ उडान स्थगित गरेका कारण निगमले दिल्ली उडान थपेको हो । निगमले आगामी वैशाख १८ देखि काठमाडौँ नयाँदिल्ली सातामा १४ उडान भर्ने जनाएको छ । उक्त गन्तव्यमा अहिले निगमले सातामा ११ उडान भर्दै आएको छ । यात्रुको सुविधाका लागि व्यावसायिक योजनाअन्तर्गत दिल्ली उडान थपिएको निगमका सहायक प्रवक्ता नवराज कोइरालाले जानकारी दिए । आर्थिक समस्याका कारण जेट एयरले एक साताअघि काठमाडौँ–दिल्ली उडान बन्द गरेको थियो । थप पढ्नुहोस्

राप्ती लोकमार्ग सडक दैनिक नौ घण्टा बन्द हुने

काठमाडौं । राप्ती लोकमार्गअन्तर्गत तुलसीपुर–सल्यान खण्डमा दैनिक नौ घण्टा सडक अवरुद्ध हुने भएको छ । राम्री घुम्तीमा तेइस विद्यार्थीको मृत्यु भएकाले त्यसलाई विस्तार गर्न तुलसीपुर उपमहानगरपालिका–३ को उक्त स्थानमा शनिबारदेखि वैशाख २५ गतेसम्म दैनिक नौ घण्टा सडक बन्द गर्ने सहमति भएको तुलसीपुर ट्राफिक प्रहरी कार्यालयका प्रमुख चन्द्र केसीले बताए । उनका अनुसार बिहान ११ बजेदेखि ४ बजेसम्म र राति १ बजेदेखि बिहान ५ बजेसम्म सडक बन्द गरेर काम गर्ने सहमति भएको हो ।सडक विस्तार गर्ने स्थल साँघुरो हुँदा बन्द गरेरै काम सुरु गर्न लागिएको हो । थप पढ्नुहोस्

जेट एयरवेजका उडान स्थगित, नेपालबाट दिल्ली हवाई भाडा झण्डै तीनगुणा महङ्गो !

काठमाडौं । भारतीय विमानसेवा कम्पनी जेट एअरवेजले आफ्ना सम्पूर्ण उडान अनिश्चितकालका लागि स्थगित गरेसँगै नेपालबाट भारतका विभिन्न गन्तव्यको हवाई भाडा अकासिएको छ। काठमाडौंदेखि नयाँ दिल्लीसम्मको भाडा तीन गुणासम्म बढेको पर्यटन व्यवसायीहरूले बताएका छन् । जेट एअरवेज सञ्चालनमा रहँदासम्म सालाखाला १८-१९ हजार नेपाली रूपैँयामा पाइने काठमाडौं-दिल्लीको दुईतर्फी टिकटको मूल्य अहिले ६५ हजारको हाराहारीमा पुगेको व्यावसायीहरूले बताएका हुन्। झण्डै १ । थप पढ्नुहोस्

बुधबार साँझदेखि जेटका सबै उडान बन्द

काठमाडौं । चरम आर्थिक संकटमा परेको २५ वर्ष पुरानो भारतीय एयरलाइन्स जेट एयरवेजलाई ऋणदाताहरुले थप रकम उपलब्ध नगराउने जनाएसँगै बुधबार साँझदेखि जेटका सबै उडान बन्द भएका छन् । रोयटर्सका अनुसार, जेटलाई तत्काल उडान सुचारु गर्न आपत्तकालिन कोषकालागि ४ सय करोड भारु आवश्यक थियो। तर, ऋणदातासँग बुधबार साँझ भएको संचालकहरुको बैठकमा उनीहरुले थप रकम उपलब्ध गराउन इन्कार गरेपछि जेटका सबै उडान बन्द भएका हुन् । १ सय १५ वटासम्म विमान भएको यो कम्पनीसँग बुधबार ५ वटा मात्रै जहाज थिए । थप पढ्नुहोस्

बेमौसमी बर्षाले ३५ लाखको सामग्री बगायो

पुल निर्माण
स्याङ्जा । स्याङ्जा र पर्वत जोड्ने गरी निर्माण हुन लागेको सेतीखोला पुलका सामग्री बगाएर क्षति पु¥याएको छ । आउँदो असार मसान्तभित्र सम्पन्न गर्ने तयारीका साथ निर्माण हुदै गरेको पुलको सामग्री बाढीले बगाएपछि पुल बेलैमा सम्पन्न नहुने देखिएको छ । मुक्तिनाथ निर्माण सेवा र सुयान विल्र्डसले संयुक्तरुपमा निर्माण गर्दै आएको पुल पर्वतको विहादी गाँउपालिका र स्याङ्जाको गल्याङ नगरपालिका जोड्ने पूल हो । पुलको सबै काम सकिएको थियो, सुयान विल्र्डसका प्रोपाईटर सुदन श्रेष्ठले भने,“बैशाख ७ गते ढलानको तयारी थियो, सबै सामाग्री बाढीले बगाईदियो । थप पढ्नुहोस्
1 2 3 54