fbpx

बाढीले दाङमा यात्रुबाहक बस बगायो

दाङ । पश्चिम दाङको बबई गाउँपालिका–५ मा पर्ने टवाङ्खोलामा आएको बाढीले ना१ख १८६१ नम्बरको यात्रुबाहक बस बगाएको छ । स्थानीयवासी तथा प्रहरीले उद्धार गरेकाले बस बगाएपनि मानवीय क्षति भने नभएको इलाका प्रहरी कार्यालय खिलतपुरका प्रमुख प्रहरी निरीक्षक डाक्टरप्रसाद चौधरीले जानकारी दिए । बस बगालेबाट तुलसीपुरतर्फ आउँदै थियो । दुई दिनदेखि परेको अविरल वर्षाका कारण दाङको जनजीवन प्रभावित भएको छ । वर्षाका कारण तुलसीपुर, घोराही र लमही सडकखण्डमा पर्ने एक दर्जन खहरे खोलामा बाढी आउँदा यातायातका साधन सञ्चालन हुन सकेका छैनन् । थप पढ्नुहोस्

पहिरोले कर्णाली राजमार्ग अवरुद्ध, यात्रुलाई सास्ती

कालिकोट । गएरातिको पहिरोले कर्णाली राजमार्ग अवरुद्ध भएको छ । कर्णाली राजमार्गको जुम्ला–सुर्खेत सडक खण्ड अन्तर्गत कालिकोटको शुभकालिका गाउँपालिकास्थित गगने खोलामा भारी वर्षका कारण गए रातिदेखि निरन्तर पहिरो खस्दा कर्णाली राजमार्ग अवरुद्ध भएको हो । गगने खोलाको भिरमा बर्सेनि पहिरो खस्दा कर्णाली राजमार्ग अवरुद्ध हुँदै आएको छ । यो वर्षको सुरुवातमै त्यसै ठाउँमा पहिरो जाँदा अहिलेसम्म ७ पटक सडक अवरुद्ध भएको छ । ठुलो चट्टानबाट फुट्ने पहिरोले राजमार्ग पुरै भत्काई दिएर सडकको स्वरूप नै बिगारी दिएको छ । थप पढ्नुहोस्

अविरल वर्षा : मिर्चैयाका सडक तथा बाटो जलमग्न !

लहान । लगातारको अविरल वर्षाका कारण सिरहाको मिर्चैयामा पानी जमेकाले जनजीवन प्रभावित भएको छ । गत शनिबारदेखिको वर्षाका कारण मिर्चैयाको केन्द्रबिन्दु मानिने थाना चोक, बजार एरिया र कटारी चोकलगायतका स्थानमा पानी जमेकाले आवतजावतमा समस्या भइरहेको छ । नालाको उचित व्यवस्थापनको अभावमा पानीको निकास नहुँदा पूर्व पश्चिम राजमार्गमा समेत पानी जमेकाले सवारीसाधन आगमनमा समस्या भइरहेको हो । मिर्चैयाको थाना चोक एरिया र बजार एरियाको अधिकांश घरमा पानी पसेको छ । वर्षाले मिर्चैयाका सडक तथा बाटो जलमग्न र हिलाम्य भएको छ । थप पढ्नुहोस्

वर्षासँगै बाढी : रौतनी खोलाको पुल भाँच्चिदा आवागमन बन्द

चितवन । आइतबार रातिदेखि परेको वर्षासँगै आएको बाढीका कारण भरतपुर, माडी, ठोरी हुलाकी सडक अवरुद्ध बनेको छ । इलाका प्रहरी कार्यालय माडीले दिएको जानकारी अनुसार खहरे खोलामा आएको बाढीका कारण माडी नगरपालिका–३ र ६ जोड्ने रौतनी खोलाको पुल भाँच्चिदा सवारी आवागमन बन्द भएको हो । पुल भत्किँएसँगै भरतपुर माडी–ठोरी खण्डमा सवारी सञ्चालन हुन सकेका छैनन् । इलाका प्रहरी कार्यालयसँगै रहेको सो पुल बिहान ९ बजे भत्किएको प्रहरीले जनाएको छ । माडी क्षेत्रमा वर्षा नरोकिएका कारण खोलामा पानीको बहाब उच्च भएको छ । थप पढ्नुहोस्

विभिन्न ३ स्थानमा पहिरो खसेपछि नारायणगढ-मुग्लिन सडक अवरुद्ध

चितवन । नारायणगढ-मुग्लिन सडकखण्डको चारकिलो, जलविरे र टोपेखोलामा पहिरो खसेपछि बिहान ५ : १० बजेदेखि सो सडक एकतर्फी मात्र सञ्चालनमा आएकोमा पुनस् बिहान ८ बजे ठुलो चट्टान खसेपछि दुई तर्फी नै बन्द भएको छ । जिल्ला प्रहरी कार्यालय चितवनले दिएको जानकारी अनुसार बिहान ती स्थानमा ठुलो पहिरो गएकाले बाटो अवरुद्ध भएको हो । पहिरो पन्छाउन थालिएको भए पनि पानी परिरहेकाले पन्छाउन कठिन भएको नारायणगढ-मुग्लिन सडक आयोजनाले जनाएको छ । सरकारले उच्च जोखिममा रहेका भनिएको सडकखण्डमध्ये यो एउटा सडकखण्ड हो । थप पढ्नुहोस्

चाबहिल–बौद्ध, जोरपाटी–साँखु सडक कालमार्ग नामकरण गर्दै विरोध

काठमाडौं । चावहिल–बौद्ध, जोरपाटी–साँखु र जोरपाटी–सुन्दरीजल मूल सडकको दुरवस्थाविरुद्ध राजनीतिक दलका नेतासहित विभिन्न पेशा तथा क्षेत्रमा आबद्ध मानिस सडकमा ओर्लिएका छन् । नागरिक दवाव अभियानको नेतृत्वमा शुरु भएको कार्यक्रममा ऐक्यबद्धता जनाउँदै स्थानीयवासीले वर्षौंअघिदेखि सडक जीर्ण भई लाखौँ प्रयोगकर्ताले दुःख पाउँदा समेत सरोकार निकाय मूकदर्शक बनेको आरोप लगाए । थप पढ्नुहोस्

नारायणगढ-मुग्लिन : सडकको स्थितिबारे एसएमएस सेवा सुरु

काठमाडौं । नारायणगढ–मुग्लिन सडकखण्डमा अब बाटो अबरुद्ध भएर-नभएको जानकारी एसएमएसबाटै पाइने भएको छ । महानगरीय ट्राफिक महाशाखाले सडकको स्थितिबारे जानकारी दिने उद्देश्यले एसएमएस सेवा सुरु गरेको हो । महाशाखाका अनुसार लmत टाइप गरेर घद्धडद्धड मा पठाए सडकको स्थितिको बारेमा सूचना सर्वसाधारणले प्राप्त गर्न सक्ने बताइएको छ। ‘यो सडकखण्डमा पटकपटक पहिरो गएर सडक अबरुद्ध भइ सर्वसाधारणले दुःख पाउने गरेको हुँदा नारायणगढदेखि मौवा खोलासम्मको ताजा अपडेट लागि यो सेवा सुरु गरेको महाशाखाले बताएको छ । थप पढ्नुहोस्

सीता एयरको सुर्खेतबाट हुम्लाको सिमीकोट उडान सुरु

सुर्खेत। सीता एयरले कर्णाली प्रदेशको राजधानी सुर्खेतबाट दुर्गम जिल्लाहरुमा हवाई सेवा सुरु गरेको छ । शुक्रबारदेखि हुम्लाको सिमीकोट उडान गरेर सुरु गरेको हो । कर्णाली प्रदेशका मुख्यमन्त्री महेन्द्रबहादुर शाही र उद्योग, वन तथा पर्यटन मन्त्री नन्दसिंह बुढा सहित सीता एयरका बरिष्ठ महाप्रबन्धक घनश्याम आचार्य लगाएतको टोली उडेका थिए । महाप्रबन्धक आचार्यका अनुसार सीता एयरको डोर्निएर २२८ को जहाज बाट उडान गरिएको हो । अहिले भाडादर कायमका लागि नेपाल उड्डयन प्राधिकरणमा पेश गरिएको र स्वीकृत भए लगत्तै सार्वजनिक गर्ने बताए । थप पढ्नुहोस्

साझा यातायातले २४ नयाँ बस भित्र्याउँदै

ललितपुर । साझा यातायातले काठमाडौँ उपत्यका र उपत्यका बाहिर चल्ने गरी नयाँ २४ वटा बस थप गर्ने भएको छ । तीमध्ये चारवटा डिलक्स र २० वटा सिटी बस रहेको साझा यातायातका कामु कार्यकारी अधिकृत महेन्द्रराज पाण्डेयले बताए । बाँकी २० वटा बस पनि केही समयमै उपत्यका भित्रनेछन्, कामु कार्यकारी अधिकृत पाण्डेयले बताए । अहिले काठमाडौँ उपत्यका र उपत्यका बाहिर साझा यातायातको माग बढिरहेको छ । थप पढ्नुहोस्

पहिरो हटाएपछि पासाङ ल्हामु राजमार्ग खुल्ला

रसुवा । गए रातिको वर्षाले अवरुद्ध पासाङ ल्हामु राजमार्ग पहिरो पन्छाए पछि दिउँसो देखि संचालनमा आएको छ । जिल्ला प्रहरी प्रमुख शरदकुमार थापा क्षेत्रीका अनुसार राजमार्गको दर्जनौँ स्थानमा सडक माथिबाट पहिरो खसेकोमा पहिरो हटाएपछि दिउसो २ बजेदेखि संचालनमा आएको बताए । आज बिहान ६ बजेदेखि डोजर र सुरक्षाकर्मीको मद्दतले सडक खुलाई रोकिएको सबै सवारी साधन खुलेको हो । थप पढ्नुहोस्
1 45 46 47 48 49 60