राष्ट्रिय खेलकूद परिषद्रद्धारा क्रिकेट टोलीलाई बिदाइ

काठमाडौं । संयुक्त अरब इमिरेट्स(युएई)मा हुने एक दिवसीय र टी–ट्वान्टी सिरिजमा सहभागिता जनाउने नेपाली राष्ट्रिय क्रिकेट टोलीलाई आज बिदाइ गरिएको छ । यही माघ ११ देखि २० गतेसम्म आयोजना हुने उक्त प्रतियोगितामा सहभागी टोलीलाई राष्ट्रिय खेलकूद परिषद्का सदस्य–सचिव केशवकुमार विष्टले सफलताको शुभकामना दिँदै बिदाइ गरेका हुन् । नेपालले युएईसँग तीन वटा एक दिवसीय र तीन वटा टी–ट्वेन्टी सिरिज खेल्नेछन् । थप पढ्नुहोस्

युएई भ्रमणका लागि सन्दीप नेपाल आए

काठमाडौं । बङ्गलादेशमा जारी बङ्गलादेश प्रिमियर लिग खेलिरहेको नेपाली युवा स्पिनर सन्दीप लामिछाने आज नेपाल आएका छन् । अष्ट्रेलियामा जारी बिग बासका केही खेल खेलेर बङ्गलादेश गएका सन्दीप भोलिदेखि हुने नेपाली राष्ट्रिय टोलीको युएई भ्रमणका लागि स्वदेश फर्किएका हुन् । बङ्गलादेशमा सिलेट सिक्सर्सबाट बीपिएलका छ खेल खेलेर सन्दीप आज अपराह्न काठमाडौं आइपुगेका हुन् । उनले सिलेटका लागि छ खेलबाट चार विकेट लिएका थिए । यमी माघ ११ गतेदेखि नेपालले गर्ने युएई भ्रमणको लागि सन्दीप आएका हुन् । युएई भ्रमणमा नेपालले घरेलु टोलीसँग समान तीन एक दिवसीय र तीन टी–२० सिरिज खेल्नेछ । थप पढ्नुहोस्

राष्ट्रिय क्रिकेट टीममा चार युवाको प्रवेश

काठमाडौं । एकै पटकमा नेपालको राष्ट्रिय क्रिकेट टीममा चार युवा क्रिकेटर प्रवेश गरेका छन् । यूएईविरुद्ध एक दिवसीय र टी–२० सिरिज खेल्ने नेपाली टोली घोषणा हुँदा युवा क्रिकेटरहरु पवन शरार्फ, सन्दीप जोरा, भीम सार्की र अविनाथ बोहोरा अटाएका हुन् । प्रदिप ऐरी र विनोद भण्डारी राष्ट्रिय टोलीमा कायमै रहे । ज्ञानेन्द्र मल्ल उपकप्तान रहेको टोलीमा बसन्त रेग्मी, दिपेन्द्र सिंह ऐरी, करण केसी, ललितनारायण राजवंशी, रोहितकुमार पौडेल, सन्दिप लामिछाने र सोमपाल कामी छन् । अस्वस्थताका कारण ब्याट्सम्यान शरद भेषावकरले नाम फिर्ता लिएका छन् । थप पढ्नुहोस्

टि–२० स्म्यासको उपाधि घरेलु टोली थाइल्याण्डलाई 

काठमाडौं । थाइल्याण्ड टि–२० स्म्यासको उपाधि घरेलु टोली थाइल्याण्डले जितेको छ। आज भएको फाइनल खेलमा नेपाल थाइल्याण्डसँग ७० रनले स्तब्ध हुन पुग्यो। बैंककको ट्रेडथाइ क्रिकेट मैदानमा टस हारेर पहिले ब्याटिङ गरेको थाइल्याण्डले निर्धारित २० ओभरमा १ विकेट गुमाउदै १२१ रन बनायो। उसका लागि नाटाकान चानतमले ६९ रनमा अविजित रहिन भने चानिन्दा सुटिरुङ १९ रनमा नट आउट रहिन्। त्यस्तै नारुमोल च्वाइवाइले २७ रङ जोडिन्। अघिल्ला खेलमा उत्कृष्ट बलिङ गरेको नेपालले फाइनलमा भने खराब बलिङ गर्‍यो। थाइल्याण्डको १ विकेट पनि रन आउटको रूपमा झरेको थियो । थप पढ्नुहोस्

इल्याण्डमा नेपाली महिला क्रिकेट टिमले उपाधिका लागि घरेलु टोलीसँग खेल्दै

 काठमाडौं ।  नेपाली राष्ट्रिय महिला क्रिकेट टोलीले थाइल्यान्डमा जारी थाइल्यान्ड ट्वेन्टी–ट्वेन्टी स्मास क्रिकेटको फाइनलमा शनिबार घरेलु टोलीसँग खेल्दैछ । शुक्रबार भएको सेमिफाइनलमा नेपालले इन्डोनेसियालाई ९२ रनले हरायो ।अर्को सेमिफाइनलमा थाइल्यान्डले यूएईलाई ४९ रनले हरायो । शनिबार हुने खेलले उपाधि विजेताको टुंगो लाग्नेछ । नेपाली टोलीले प्रतियोगितामा अहिलेसम्मका सबै खेल जितेको छ ।आगामी महिना थाइल्यान्डमै हुने विश्वकपको एसियाली छनौट पूर्व थाइल्यान्ड क्रिकेट बोर्डले यो प्रतियोगिता आयोजना गरेको हो । थप पढ्नुहोस्

नेपालीको थाइल्याण्डमा शानदार प्रदर्शन, इन्डोनेसिया ९२ रनले पराजित

काठमाडौं । नेपाली महिला क्रिकेट टोली थाइल्याण्डमा जारी टि ट्वेन्टी स्म्यास क्रिकेटको फाइनलमा प्रवेश गरेको छ। आज बिहान सम्पन्न खेलमा इण्डोनेसियालाई ९२ रनको फराकिलो अन्तरले पराजित गर्दै नेपाल फाइनलमा पुगेको हो। नेपालले दिएको १ सय २० रनको लक्ष्य पछ्याएको इण्डोनेसिया २७ रनमा समेटियो। टस हारेर पलिले ब्याटिङ गरेको नेपालले निर्धारित ओभरमा तीन विकेट गुमाएर ११९ रन बनाएको थियो। नेपालका लागि सर्वाधिक ४८ रन सीता रानामगरले बनाएकी थिइन्। त्यस्तै इन्दु बर्माले नटआउट ३७ रनको योगदान गरिन् । थप पढ्नुहोस्

महिला क्रिकेट : सेमिफाइनलमा नेपालले इण्डोनेसियासँग प्रतिस्पर्धा गर्ने

काठमाडौं । थाइल्याण्डमा जारी महिला टी–२० स्म्यास २०१९ महिला क्रिकेट प्रतियोगिताको सेमिफाइनल खेलमा नेपालले इण्डोनेशियाका सामना गर्ने भएको छ ।बैंककको ट्रेडथाई क्रिकेट मैदनमा भोलि नेपालले फाइनलमा पुग्ने लक्ष्यका साथ इण्डोनेसियासँग प्रतिस्पर्धा गर्दैछ । नेपाल समूह चरणको खेलमा लगातार चार खेल जितेर समूह ‘ए’ को विजेता बन्दै सेमिफाइनल प्रवेश गरेको हो । यता इण्डोनेसिया भने समूह ‘बी’ को उपविजेताका रुपमा सेमिफाइनलमा प्रवेश गरेको थियो । थप पढ्नुहोस्

समूह विजेता बन्दै नेपाल सेमिफाइनलमा

काठमाडौं। थाइल्याण्डमा जारी महिला टी–२० स्म्यास महिला क्रिकेट प्रतियोगितामा नेपाल लगातार चार खेल जितेर समूह विजेता बन्दै सेमिफाइनल प्रवेश गरेको छ । प्रतियोगिताअन्तर्गत समूह चरणको अन्तिम खेलमा आज घरेलु टोली थाइल्याण्डलाई नौ विकेटले पराजित गर्दै नेपाल विजयी भएको हो । थाइल्याण्डको बैंककस्थित ट्रेडथाई क्रिकेट मैदानमा घरेलु टोलीले दिएको २० रनको सामान्य लक्ष्य नेपालले एक विकेट गुमाएर ३.३ ओभरमा पूरा ग¥यो । नेपालका लागि ममताकुमारी चौधरीले आठ रन बनाउँदा नेरी थापाले पाँच र डोली भट्टले दुई रन बनाए । थप पढ्नुहोस्

समूह चरणको अन्तिम खेलमा नेपालले थाइल्याण्डसँग खेल्ने

काठमाडौं । थाइल्याण्डमा जारी महिला टी–२० स्म्यास–२०१९ क्रिकेट प्रतियोगिताअन्तर्गत समूह चरणको अन्तिम खेलमा नेपालले आयोजक थाइल्याण्डको ‘ए’ टोलीसँग प्रतिस्पर्धा गर्ने भएको छ । थाइल्याण्डको बैंककस्थित ट्रेडथाई क्रिकेट मैदानमा बुधबार हुने समूह चरणको अन्तिम खेलमा दुवै टोली जित निकाल्ने उद्देश्यसाथ मैदानमा उत्रदैछन् । अघिल्ला तीन खेलमा लगातार जित निकालेको नेपालले थाइल्याण्डलाई हराउँदै समूह विजेता बन्ने लक्ष्यसहित मैदानमा उत्रनेछ । थाइल्याण्ड भने प्रतियोगितामा सान्त्वना जितको खोजीमा हुनेछ । थप पढ्नुहोस्

मलेसियाविरुद्ध नेपालको शानदार जित, सरिताले लिइन् ४ विकेट

काठमाडौं । नेपालले मलेसियालाई ६ विकेटले पराजित गरेको छ। थाइल्याण्डमा जारी थाइल्याण्ड महिला टी ट्वान्टी स्म्यास क्रिकेटमा आज आफ्नो दोस्रो खेलमा मलेसियाले दिएको ६२ रनको लक्ष्य १६ दशमलव २ ओभरमा चार विकेट गुमाएर लक्ष्य भेट्टायो। नेपालका लागि सर्वाधिक रन रोमा थापाले अविजित २० रन बनाइन, त्यस्तै सिता रानामगरले १६ रनको योगदान गरिन। यसअघि टस जितेर पहिले व्याटिङ गरेको मलेसियाले १९ ओभर ३ बलमा अलआउट हुँदै ६१ रनमा समेटियो। मलेसियाका लागि सर्वाधिक १२ रन सियो तिजिनले बनाउँदा युर्सरिना याकुबले ११ रनको योगदान गरिन । थप पढ्नुहोस्
1 2 3 37