रशिद खान चम्किएपछि अफगानिस्तानले बंगलादेशलाई हरायो

दुबई । लेग स्पिनर रशिद खान अलराउण्डर भएर चम्किएपछि एसिया कप क्रिकेटमा अफगानिस्तानले बंगलादेशलाई १ सय १६ रनले हराएको छ । बिहीबार राती भएको खेलमा २५६ रनको लक्ष्य पछ्याएको बंगलादेश रशिदको बलिंग आक्रमणमा ४२ ओभर १ बलमा सबै विकेट गुमाएर १ सय १९ रनमै समेटियो । रशिदकै बलिंगकै कारण बंगलादेशका शकिब अल हसनले ३२ र मोहमदुल्लाहले २७ रन मात्रै बनाउन सके । रशिदले ९ ओभर बलिंग गर्दा १३ रन खर्चिदै २ विकेट लिएका थिए । उनले ३ ओभर मेडन राखेका थिए । अफगानिस्तानको जितमा उनले ३२ बलमा ५७ रन बनाएका थिए । एकाएक व्याटिंगमा चम्किएका उनले ८ चौका र १ छक्का प्रहार गरे । थप पढ्नुहोस्

एसिया कपका लागि भारतका ३ खेलाडी परिवर्तन

काठमाडौं । एसिया कप क्रिकेटको सुपर फोर राउण्डका लागि भारतले ३ जना खेलाडी बिहीबार परिवर्तन गरेको छ । पाकिस्तानविरुद्धको समूह चरणको खेलमा घाइते भएका हार्दिक पाण्ड्यालार्ई टिम बाहिर राखिएको छ । उनलाई गम्भीर चोट लागेकाले तत्काल भारतीय टिममा फर्कने सम्भावना छैन । पाण्ड्याको ठाउँमा दीपक चाहरलाई खेल्नका लागि दिल्लीबाट दुबई पठाइएको छ । यसैगरी लेग स्पिनर अक्षर पटेलको ठाउँमा रवीन्द्र जडेजा खेल्ने भएका छन् । अक्षरको औलामा चोट लागेको छ । यसैगरी तिब्र गतिका बलर शार्दुल ठाकुरको ठाउँमा सिद्धार्थ कौललाई भारतीय टिममा समावेश गरिएको छ । थप पढ्नुहोस्

भारतले पाकिस्तानलाई हरायो, बन्यो समुह बिजेता !

दुबई । एसिया कप क्रिकेटमा भारतले पाकिस्तानलाई हराएको छ । समुह चरणको अन्तिम खेलमा बुधबार राती भारतले पाकिस्तानलाई ८ विकेटले हराएको हो । टस जितेर पहिले व्याटिंग गरेको पाकिस्तानले ४३ ओभर १ बलमा सबै विकेट गुमाएर १ सय ६२ रन बनाएको थियो । पाकिस्तानका लागि बाबर अजामले सर्वाधिक ४७ र सोयब मल्लिकले ४३ रन मात्रै बनाए । भारतका भुवनेश्वर कुमार र केदार जादवले समान तीन तीन विकेट लिए । १ सय ६३ रनको सामान्य लक्ष्य लिएको जवाफी व्याटिंग थालेको भारतले २९ ओभरमा मात्रै २ विकेट गुमाउर भेट्टायो । भारतका लागि कप्तान रोहित शर्माले ५२ र शिखर धवनले ४३ रन बनाए । थप पढ्नुहोस्

पाकिस्तान १ सय ६२ रनमै अलआउट, बदला लिने दाउमा भारत !

दुबई । एसिया कप क्रिकेटमा पाकिस्तान १ सय ६२ रनमै अलआउट भएको छ । भारतविरुद्ध टस जितेर पहिले व्याटिंग शुरु गरेको पाकिस्तान ४३ ओभर १ बलमा सबै विकेट गुमाएर अलआउट भएको हो । पाकिस्तानका लागि बाबर अजामले ४७ र सोयब मल्लिकले ४३ रन बनाउनु बाहेक अरुले गतिलो रन जोड्न सकेनन । ३ रन जोड्दा दुबै ओपनर गुमाएको पाकिस्तानका लागि मल्लिक र अजामले झण्डै शतकीय साझेदारी गरेका थिए । तर दुबै जना आउट भएपछि पाकिस्तानको पारी धर्मराएको थियो । पुछारका बलर फाहिम अशरफले २१ र मोहम्मद आमिरले १८ रन बनाएर पाकिस्तानलाई केही सम्मानजनक अवस्थामा पुर्याएका थिए । थप पढ्नुहोस्

एसिया कपमा हङकङको बहादुरी प्रदर्शन, पहिलो खेलमै भारत आच्छु आच्छु !

दुबई । छनौट प्रतियोगिताबाट च्याम्पियन बनेर एसिया कप खेलेको हङकङले पहिलो खेलमै बहादुरी प्रदर्शन गरेको छ । डिफेन्डिङ च्याम्पियन भारतविरुद्ध हङकङले अहिलेसम्मकै उत्कृष्ट प्रदर्शन गरिरहेको छ । जितका लागि पाएको २ सय ८६ रनको लक्ष्य पछ्याएको हङकङले कुनै विकेट नगुमाई झण्डै १ सय ७५ रन बनाएको छ । जुन भारतले अहिलेसम्मकै खराब बलिङ हो भने हङकङको ऐतिहासिक प्रदर्शन । यो समाचार तयार पार्दासम्म ३१ ओभरमा विना विकेट १ सय ६७ रन बनाएको छ । शिखर धवनको शतक मद्धतमा पुरा ५० ओभरमा ७ विकेट गुमाएर २ सय ८५ रन जोडेको भारतका लागि अमिताव रायडुले ६० रन बनाएका थिए । थप पढ्नुहोस्

विश्वकप छनोट खेल्ने नेपाली टोलीको घोषणा, रोहित छुटे !

काठमाडौँ । असोज १७ देखि २६ गतेसम्म मलेसियामा हुने आइसिसी टी–२० विश्वकप क्रिकेट छनोट प्रतियोगिताका लागि पारस खड्काको कप्तानीमा १८ सदस्यीय नेपाली टोलीको घोषणा गरिएको छ । प्रतियोगिताका लागि १४ नियमित तथा चार वैकल्पिक खेलाडी गरी १८ सदस्यीय टोली घोषणा गरिएको नेपाली टोलीका टोली व्यवस्थापक रमन सिवाकोटीले जानकारी दिएका हुन । कप्तान खड्का, आइसिसीका प्रतिनिधि अनिमूल इस्लाम र मुख्य प्रशिक्षक जगत टमाटा संलग्न छनोट समितिले १८ सदस्यीय टोली छनोट गरेको हो । टोलीको उपकप्तानको जिम्मेवारी ज्ञानेन्द्र मल्ललाई दिइएको छ । थप पढ्नुहोस्

श्रीलंका एसिया कपबाट बाहिरियो, अफगानिस्तानको पहिलो जित

दुबई । श्रीलंका एसिया कप क्रिकेटबाट बाहिरिएको छ । सोमबार राति भएको खेलमा कान्छो अफगानिस्तानसँग ९१ रनले पराजित भएसँगै श्रीलंका एसिया कपबाट बाहिरिएको हो । पाँच पटकको विजेता श्रीलंका पहिलो खेलमा बंगलादेशसँग पराजित भएको थियो । दुबईमा टस जितेर पहिला ब्याटिङ गरेको अफगानिस्तानले २४९ रन बनाएको थियो । २५० रनको लक्ष्य पछ्याएको श्रीलंका ४१।२ ओभरमा अल आउट हुँदै १५८ रनमा समेटिएको थियो । श्रीलंकाका लागि थिसेरा परेराले सर्वाधिक ५ विकेट लिएपनि खेलमा टोलीका जित दिलाउन सकेनन । थप पढ्नुहोस्

एसिया कपमा पाकिस्तानको विजयी शुरुवात, हङकङ निरीह बन्यो

दुबई । हङकङलाई पराजित गर्दै पाकिस्तानले एसिया कप क्रिकेटमा विजयी सुरुवात गरेको छ । दुबई अन्तर्राष्ट्रिय क्रिकेट स्टेडियममा पाकिस्तानले हङकङलाई ८ विकेटले पराजित गरेको हो । हङकङले दिएको ११७ रनको लक्ष्य पाकिस्तानले २३ ओभर ४ बलमा २ विकेट गुमाएर भेट्टायो । पाकिस्तानको जितमा इमाम उल हकले अविजित ५०, बाबर आजमले ३३ र फकर जमानले २४ रन बनाए । पाकिस्तानविरुद्ध हङकङका इसान खानले २ विकेट लिए । यसअघि टस जितेर पहिले ब्याटिङ गरेको हङकङ ३७.१ ओभरमा सबै विकेटको क्षतिमा ११६ रन मात्रै बनाएको थियो । थप पढ्नुहोस्

उन्नाइस वर्षमुनिको एकदिवसीय क्रिकेटमा नेपाल विजयी

  काठमाडौं । भारतको लखनउमा भइरहेको उन्नाइस वर्षमुनिको एकदिवसीय क्रिकेट शृङ्खलामा नेपाल विजयी भएको छ । आज भएको खेलमा नेपालले अफगानिस्तानलाई २५ रनले हराउँदै प्रतियोगितामा पहिलो जित निकालेको हो । लखनउस्थित एकना अन्तर्राष्ट्रिय क्रिकेट रङ्गशलामा भएको खेलमा नेपालले निर्धारित ५० ओभरको खेलमा सवै विकेट गुमाउँदै १८९ रन बनायो । एक सय ९० रनको विजयी लक्ष्य पछ्याउने क्रममा अफगानिस्तानको यू–१९ टोलीले ४७ दशमलव चार ओभरमा एक सय ६४ रन मात्र बनायो । यसअघि टस हारेर ब्याटिङ गर्ने क्रममा नेपालका लागि पवन सर्राफले अविजित ७८ रन जोडे । थप पढ्नुहोस्

एसिया कपमा बंगलादेशको विजयी शुरुवात, मुसाफिकर रहिमको शतक

दुबई । मुसाफिकर रहिमको शानदार शतक मद्धतमा बंगलादेशले एसिया कप क्रिकेटमा विजयी शुरुवात गरेको छ । शनिबार राती भएको उद्घाटन खेलमा बंगलादेशले श्रीलंकालाई १ सय ३७ रनको फराकिलो अन्तरले पराजित गरेको हो । टस जितेर पहिला ब्याटिङ शुरु गरेको बंगलादेशले ४९ ओभर ३ बलमा अलआउट हुनु अवाडी २ सय ६१ रन बनायो । उसका लागि पूर्व कप्तान मुशफिकर रहिमले १४४ रनको शानदार पारी खेले । १५० बल खेलेका उनले ११ चौका र ४ छक्का प्रहार गरेका थिए । कुनै बेला २ ओभर बनाउँदा ३ विकेट गुमाएको बंगलादेशको पाली रहिम र मोहम्मद मिथुनले उकासेका थिए । मिथुन व्यक्तिगत ६३ रनमा आउट भए । थप पढ्नुहोस्
1 2 3 19