सन्यासपछि अनिलले मनाङ छाडे : थ्रीस्टार रोजे, सम्झौता रकम गोप्य !

काठमाडौँ । राष्ट्रिय टोलीबाट सन्यास लिएका अनिल गुरुङले बर्षौ खेलेको मनाङ–मस्याङ्दी क्लब छाडेका छन । उनले लिग शुरु हुनु केही दिनअघि थ्री स्टार क्लबमा आबद्धता जनाएका छन । यही असोज १३ गतेदेखि शुरु हुने शहीद स्मारक ए डिभिजन प्रतियोगिताका लागि थ्रीस्टरले अनिललाई बिहीबार क्लबमा भित्र्याएको क्लबका महासचिव सञ्जिव शिल्पकारले जानकारी दिए । “अनिललाई यो सिजनका लागि हामीले क्लबमा अनुबन्ध गरेका छौँ, सम्झौता रकमबारे दुवै पक्षको सहमतिअनुसार सार्वजनिक गर्दैनौँ”, उनले भने । थप पढ्नुहोस्

च्याम्पियन्स लिगमा रियलको विजयी शुरुवात

एजेन्सी । गारेथ बेल र इस्कोले गोल गरेपछि साबिक बिजेता रियल मड्रिडले च्याम्पियन्स लिगमा विजयी शुरुवात गरेको छ । बुधबार राती भएको खेलमा रियलले रोमालाई ३ शुन्यले हराएको हो । रियलको जितमा बेल, इस्को र मारिएनोले गोल गरे । मारिएनोले भने अतिरिक्त समयमा गोल गरेका थिए । रोमा गत बर्ष सेमिफाइनल पुगेको टिम हो । बार्सिलोनालाई हराएर सेमीफाइनल पुगेको रोमालाई स्तब्ध पार्दै लिभरपुल फाइलन पुगेको थियो । लिभरपुललाई ३ एक गोलले हराउँदै रियलले लगातार तेश्रो पटक उपाधि जितेको थियो । तर यस बर्ष क्रिष्टियानो रोनाल्डो नभएका कारण रियल फाइनलसम्म पुग्ने कमैले अपेच्छा गरेका छन । थप पढ्नुहोस्

रोनाल्डोलाई रेड कार्ड, च्याम्पियन्स लिगमा जादु देखाउन असफल !

एजेन्सी । युरोपियन च्याम्पियन्स लिग फुटबलमा सर्वाधिक सफल खेलाडी कोही छन भने त्यो नाम हो, क्रिष्टियानो रोनाल्डो । जसले अहिलेसम्म समग्रमा पाँच पटक च्याम्पियन्स लिग जितेका छन भने पछिल्ला तीन उपाधिमा ह्याट्रिक नै गरेका छन । पाँच पटकसम्म बालोन डिओर जितेका रोनाल्डो भने नयाँ सिजनको च्याम्पियन्स लिगको पहिलो खेलमै रेड कार्ड खाएर मैदानबाट बाहिरिएका छन । यस सिजन रियल मड्रिड छाडेर युभेन्ट्स पुगेका रोनाल्डो विहीबार बिहान भ्यालेन्सियासँगको खेलमा रेड कार्ड खान पुगेका हुन । थप पढ्नुहोस्

च्याम्पियन्स लिगको पहिलो खेलमै म्यानचेस्टर सिटी पराजित

एजेन्सी । म्यान्चेष्टर सिटी युरोपियन च्याम्पियन्स लिग फुटबलकोे पहिलो खेलमै पराजित भएको छ । प्रिमियर लिग विजेता सिटी बुधबार राति भएको पहिलो खेलमा फ्रान्सको लियोसँग २–१ ले पराजित भएको हो । लियोका लागि गेन्ली कर्नेट र नबिल फिकरले गोल गरे । सिटीका लागि डेभिड सिल्भाले एक गोल गरेपनि टोलीलाई जित दिलाउन सकेनन । बुधबार राती भएको अर्को खेलमा युक्रेनको शख्तर डोनेस्कले जर्मनीको होफनहाईमसँग २–२ गोलको बराबरी खेलेको छ । थप पढ्नुहोस्

युभेन्ट्सका लागि रोनाल्डोको पहिलो गोल, हराए सिसौलीलाई !

टुरिन । युभेन्ट्सका लागि पहिलो गोल गर्दै रोनाल्डोले इटालिएन सिरी ए मा शानदार शुरुवात गरेका छन । उनले गोलका लागि चार खेलसम्म संघर्ष गर्नुपरेको थियो । शनिबार राती घरेलु मैदानमा सासौलीविरुद्ध रोनाल्डोले २ गोल गरे । पहिलो हाफ गोलरहित बराबरीमा सकिएकोमा रोनाल्डोले दुबै गोल दोश्रो हाफमा गरेका हुन । ५० औँ मिनेटमा गोलको खडेरी तोडेका रोनाल्डोले त्यसको १५ मिनेटपछि व्यक्तिगत दोश्रो गोल गरे । यसै सिजन स्पेनिस जाइन्ट रियल मड्रिड छाडेर युभेन्ट्स पुगेका रोनाल्डो युभेन्ट्सका सर्वाधिक महगा खेलाडी हुन । थप पढ्नुहोस्

असोज १३ गतेदेखि शहीद स्मारक ‘ए’ डिभिजन लिग, विजेतालाई ५० लाख

काठमाडौं । चार वर्षपछि हुन लागेको शहीद स्मारक ‘ए’ डिभिजन लिग फुटबल प्रतियोगिताको विजेता टोलीले रु ५० लाख पाउने भएको छ । आइतबार पत्रकार सम्मेलन गरी असोज १३ देखि प्रतियोगिता सुरु हुने जानकारी गराएको हो । यसअघि चार पटक मिति तोकेर पनि लिग हुन सकेको छैन । अखिल नेपाल फुटबल सङ्घ 'एन्फा'द्वारा विजेता टोलीलाई रु ५० लाख दिने निर्णय भएको एन्फाका महासचिव इन्द्र्रमान तुलाधरले जानकारी दिए । प्रतियोगितामा उपविजेता हुने टोलीले रु ३५ लाख पाउनेछन् भने तेस्रो हुनेले रु २५ लाख पाउनेछन् । चौंथोले रु १५ लाख, पाँचांैले रु सात लाख र छैटौंले रु पाँच लाख पाउनेछन् । थप पढ्नुहोस्

एथ्लेटिकोसँग रियल बराबरीमा रोकियो, शीर्ष स्थान गुम्यो

मड्रिड । स्पेनिस ला लिगा फुटबलमा रियल मड्रिड र एथ्लेटिको बिल्वाओले एक–एक गोलको बराबरी खेलेका छन । खेलको ३२ औं मिनेटमा मुनियनले गोल गर्दै घरेलु टोली एथ्लेटिको बिल्वाओलाई अग्रता दिलाएका थिए । तर, ६३ औं मिनेटमा इस्कोले रियल मड्रिडका लागि बराबरी गोल फर्काए । यसअघि गोल गर्दै आएका बेन्जेमा र बेलले गोल गर्न नसक्दा पनि रियल बराबरीमा चित्त बुझाउन बाध्य भएको हो । यसअघि तीन खेलमा शतप्रतिशत जित निकालेर शीर्ष स्थानमा रहेको रियल आजको बरबरीपछि शीर्ष स्थान गुमाएको छ । बराबरीपछि चार खेलबाट रियलको १० अंक छ । थप पढ्नुहोस्

साफ च्याम्पियनसिपको उपाधि माल्दिभ्सलाई

काठमाडौं । बाह्रौँ साफ च्याम्पियनसिपको उपाधि माल्दिभ्सले जितेको छ । बङ्गलादेशको ढाकास्थित बङ्गबन्धु रङ्गशालामा आज भएको फाइलनमा भारतलाई २–१ गोल अन्तरले पराजित गर्दै माल्दिभ्सले उपाधि जितेको हो । सेमिफाइनलमा पाकिस्तानलाई ३–१ गोलले पराजित गर्दै भारत फाइनल पुगेको थियो । यस्तै माल्दिभ्सले सेमिफाइनलमा नेपाललाई ३–० ले हराएको थियो । दुवै टोली समूह चरणमा समूह ‘बी’ मा रहेका थिए । समूह चरणमा भारतले माल्दिभ्सलाई २–० ले हराएको थियो । थप पढ्नुहोस्

फ्रेञ्च लिगमा सेन्ट इटिनमाथि पीएसजीको जित !

एजेन्सी । फ्रेञ्च लिग वान अन्तर्गत साविक विजेता पेरिस सेन्ट जर्मेन पीएसजीले सेन्ट इटिनलाई ४–० गोलको फराकिलो अन्तरले पराजित गरेको छ । पीएसजीलाई जिताउन इडिन्सन काभानी, एञ्जेल डिमारिया, मोउसा डियाबी र जुलियन ड्राक्सलरले गोल गरे । यो खेलमा सुपरस्टार नेइमार र केलियन एम्बाप्पे खेलेका थिएनन । तर पनि पिएसजीले शानदार जित पार्यो । पीएसजी यस सिजन पनि फ्रेन्च लिगको शीर्ष स्थानमा छ । थप पढ्नुहोस्

माघ ९ गतेदेखि अन्तर्राष्ट्रिय फुटबल प्रतियोगिता हुने

काठमाडौं । माघ महिनामा मदन भण्डारी स्पोर्ट्स एकेडेमीले अन्तर्राष्ट्रिय फुटबल प्रतियोगिताको आयोजना गर्ने भएको छ । माघ ९ गतेदेखि १९ गते सम्म काठमाडौंको दशरथ रंगशालामा प्रतियोगिता आयोजना गर्ने शुक्रबार आयोजित पत्रकार सम्मेलनमा जानकारी गराइएको छ । अन्तर्राष्ट्रिय फुटबल प्रतियोगितामा नेपालका २ र विदेशी ४ सहित ६ टिमको सहभागिता रहने छ । प्रतियोगितामा नेपालबाट रातो र निलो गरी २ टिमको सहभागिता हुनेछ । थप पढ्नुहोस्
1 2 3 37