fbpx

मापदण्ड विपरित संचालनमा रहेको स्वास्थ्य केन्द्र बन्द

helambu-ga-pa
काठमाडौं । सिन्धुपाल्चोकको हेलम्बु गाउँपालिकाले मापदण्ड विपरीत सञ्चालनमा आएका स्वास्थ्य केन्द्रहरू बन्द गराएको छ। महाङ्काल स्वास्थ्य सेवा समिति र मंगल स्वास्थ्य केन्द्रलाई बन्द गरिएको छ । विगत १५ वर्षदेखि संचालित ति स्वास्थचौकीहरु गाउँपालिकाले बन्द गराएको हो । सरकारले तोकिएको कानुन मिचेर सञ्चालित भएका स्वास्थ्य केन्द्र बन्द गराएको गाउँपालिकाले जनाएको छ। मानव स्वास्थ्यमाथि खेलवाड नहाेस् भन्ने हेतुले गाउँपालिकाले साे कदम चालेकाे हाे । थप पढ्नुहोस्

मुक्तिनाथ बैंकका कार्डहोल्डरलाई चिरायु अस्पतालमा विशेष छुट

muktinath-bank
काठमाडौं । मुक्तिनाथ विकास बैंक लि र चिरायु नेशनल अस्पताल तथा मेडिकल इन्ष्टिच्युट, बसुन्धाराबीच बैंकका ग्राहकहरुलाई अस्पतालको तोकिएका शुल्कमा विशेष छुट दिने सम्बन्धी समझदारीपत्रमा हस्ताक्षर भएको छ । उक्त सम्झौता पत्रमा चिरायु अस्पतालको तर्फबाट सञ्चालन निर्देशक चण्डेश्वर वैद्य र मुक्तिनाथ विकास बैंक लि.का तर्फबाट बजारीकरण विभाग प्रमुख बसन्त बक्सीले हस्ताक्षर गरे । यस सम्झौता पश्चात मुक्तिनाथ विकास बैंकका भिसा डेबिट कार्डवाहक ग्राहकहरूले चिरायु अस्पताल बसुन्धारामा उपचार गराउँदा तोकिएका विभिन्न सेवाहरुमा १५ प्रतिशतसम्म छुट पाउने व्यवस्था गरिएको छ । थप पढ्नुहोस्

डडेल्धुरा अस्पतालका चिकित्सकमाथि फेरि आक्रमण, आकस्मिक बाहेकका सेवा बन्द !

डडेल्धुरा । डडेल्धुरा अस्पतालमा ड्युटीमा खटिएका चिकित्सकमाथि पुनःआक्रमण भएको छ । शव परीक्षण गरिरहेका चिकित्सकलाई ढिलो गरेको भन्दै हातपात गरिएको बताइएको छ । यसअघि पनि सुत्केरीको मृत्युपश्चात् डडेल्धुरा अस्पतालमा कार्यरत चिकित्सकमाथि हातपात हुनुका साथै अस्पतालमा तोडफोड भएको थियो । सो घटनापश्चात् चिकित्सक करीब एक हप्तापछि काममा फर्किएका थिए । अहिले डडेल्धुरा अस्पताल अन्य जिल्लाको पनि ‘रिफरल सेन्टर’ बनिरहेको थियो । थप पढ्नुहोस्

मिर्गौला पिडितलाई नेविसंघकोआर्थिक सहयोग

nsu-
काठमाडौं । नेपाली कांग्रेसको भातृ संस्था नेपाल विद्यार्थी संघ(नेविसंघ) ले एक मिर्गौलाका बिरामीलाई आर्थिक सहयोग गरेको छ । गिरिजाप्रसाद कोइरालाको ९६ औं जन्मजयन्तिको अवसर पारी नेविसंघले जोरपाटीस्थित मेडिकल कलेजमा उपचार गराइरहेका संखुवासभाको धर्मदेवी नगरपालिकाका ३२ वर्षीय पुष्प खत्रीलाई ५१ हजार सहयोग गरेको हो । पुष्पका दुबै मिर्गौला फेल भएका छन् । नेबिसंघ धनकुटा बहुमुखी क्याम्पस इकाइ सभापति करुणा कटवालको समन्वयमा संकलित रकम नेविसंघका पूर्वमहामन्त्री कुन्दनराज काफ्लेले हस्तान्तरण गरेका हुन् । थप पढ्नुहोस्

बुद्धशान्तिले २५ शय्याको अस्पताल बनाउन ५० लाख विनियोजन 

भद्रपुर । झापाको बुद्धशान्ति गाउँपालिकाले २५ शय्याको अस्पताल निर्माण गर्ने भएको छ । निर्माणका लागि गाउँपालिकाले बजेट विनियोजनसमेत गरेको छ । गाउँपालिकाका अध्यक्ष रमेश भुजेलले आगामी आर्थिक वर्ष २०७६/०७७ मा अस्पताल बनाउन रु ५० लाख विनियोजन गरेको जानकारी दिए । चालू आवमा आवमा यही शीर्षकमा रु ३० लाख बजेट छुट्याइएको थियो । इलामको पहाडी र झापाको समथर भू–भागलाई जोड्ने सुन्दर र सानो गाउँपालिका बुद्धशान्तिमा हाल ठूला अस्पताल बनेका छैनन् । सामुदायिक र निजी क्षेत्रबाट सञ्चालित पोलिक्लिनिक मात्र सञ्चालनमा छन् । थप पढ्नुहोस्

तीन दिनदेखि अस्पतालमा पानीको अभाव, सरसफाइमा समस्या !

हुम्ला । जिल्ला अस्पतालमा तीन दिनदेखि खानेपानीको अभाव भएको छ । जिल्लाको एक मात्र अस्पतालमा तीन दिनयता पानीको अभाव भएपछि सरसफाइमा समस्या देखिएको छ । खानेपानीको अभावमा बिरामी तथा अन्य सरसफाइमा समस्या हुनुका साथै अस्पतालमा रहेको शौचालयसमेत दुर्गन्धित हुने सम्भावना बढी देखिएको डाक्टर नवीन रोकायाले जानकारी दिए । उनका अनुसार जिल्ला अस्पतालमा कार्यरत कर्मचारीले १५ मिनेटको बाटो भएर तल्लो बजारदेखि माथिल्लो बजारमा रहेको तीन धारामा गएर पानी ल्याउनुपर्ने अवस्था रहेको छ । थप पढ्नुहोस्

गर्मीयाम शुरु भएसँगै अस्पतालमा बिरामीको चाप

बैतडी । बैतडी जिल्लामा गर्मीयाम सुरु भएसंगै बिरामीको चाप बढ्दै गएको छ । जिल्ला अस्पतालमा हाल दैनिक ८० देखि १०० सम्म बिरामी आउने गरेका छन् । अहिले प्रायः ज्वरोका बिरामी उपचारका लागि आउने गरेका उक्त अस्पतालका चिकित्सक जगदिशचन्द्र विष्टले जानकारी दिए । गर्मीयाम शुरु भएसँगै बिरामीको चाप बढेको उनको भनाइ थियो । बिरामीमध्ये वृद्धवृद्धा र बालबालिकाको सङ्ख्या बढी छ ।  को समयमा सुक्ष्म जीवाणु बढी सक्रिय भएर मानिसमा सङ्क्रमण गर्ने भएकाले यो समयमा बिरामीको चाप बढेको चिकित्सक विष्टले बताए । थप पढ्नुहोस्

वीर अस्पतालमा रेशम चौधरीमाथि किन भयो यस्तो अमानवीय व्यवहार ?

काठमाडौं । हामी नेपाली हाम्रो समाज हर कुरामा उखानसंग जोडेर कुरा गरिने परम्परा जस्तै भनेको छ । त्यहि समाजका हामी पनि उखान बिना अछुतो कहाँ छौ र नेपाली समाजमा एउटा भनाइ छ, ‘खाने बेलामा कैदीले पनि सुख पाउँछ । तर, निलम्बित सांसद रेशम चौधरीमाथिको व्यवहार हेर्ने हो भने अमानवियताको पनि पराकाष्टा नाघेको छ । टिकापुर हत्याकाण्डका आरोपी चौधरी जिल्ला अदालत कैलालीको आदेशमा जेलमा छन् । उनीसहित ११ जनालाई गत फागुनमा जिल्ला अदालत कैलालीले सर्वश्वहरणसहित जन्मकैदको फैसला सुनाएको थियो । थप पढ्नुहोस्

चार वर्षदेखि आइसियू सेवा सञ्चालनमा आएन

mahakali_zonal_hospital
कञ्चनपुर । बिरामीको सुविधाका लागि चार वर्षअघि कञ्चनपुरको भीमदत्तनगरस्थित महाकाली अञ्चल अस्पतालमा स्थापना गरेको सघन उपचार कक्ष(आइसियू) सेवा अझै सञ्चालनमा आउनसकेको छैन । आर्थिक वर्ष २०७१/७२ मा करोड खर्च गरेर अञ्चल अस्पतालमा आइसियू सेवा जडान गरिएको भए पनि त्यसका लागि आवश्यक चिकित्सक तथा जनशक्ति नहुँदा सेवा थन्किएको छ । “आइसियू त स्थापना भए तर चिकित्सकसहितको जनशक्ति नहुँदा सञ्चालनमा ल्याउन नसकिएको हो”, महाकाली अञ्चल अस्पतालका सूचना अधिकृत केशवदत्त अवस्थीले भने, “पटक–पटक सञ्चालन गर्न पहल भए पनि केही भएन । थप पढ्नुहोस्

कुमारी बैंक र ह्याम्स्बीच किन भयो सम्झौता ?

kumari-bank
काठमाडौं । आफ्ना ग्राहकहरुलाई स्वदेशमै गुणस्तरीय स्वास्थोपचारमा सहुलियत दिने उद्देश्यले कुमारी बैंक लिमिटेड र हस्पिटल फोर अड्भान्स्ड एण्ड मेडिसिन सर्जरी (ह्याम्स्)बीच स्वास्थ्य सेवामा छुट सम्बन्धी सम्झौता भएको छ । कुमारी बैंकका नायब प्रमुख कार्यकारी अधिकृत राजीव गिरी र ह्याम्स्का अध्यक्ष आर.एस्. भण्डारी ज्यूको हस्ताक्षर भएको उक्त सम्झौता–पत्र अनुसार हस्पिटलका विभिन्न स्वास्थोपचार सेवा शुल्कमा ग्राहकवर्गले कुमारी बैंकको डेबिट तथा क्रेडिट कार्ड मार्फत भुक्तानी गर्दा आकर्षक छुट प्राप्त गर्न सक्नेछन् । थप पढ्नुहोस्
1 2 3 28