fbpx

वायुसेवा निगममा रोजगारीको अवसर, माग्यो १७४ कर्मचारी

काठमाडौं । नेपाल वायुसेवा निगमले सिनियर पाइलटसहित विभिन्न तहका १७४ जनशक्तिको स्थायी पदपूर्तिका लागि दरखास्त आह्वान गरेको छ । लोक सेवा आयोगको स्वीकृतिमा निगमले शुक्रबार पदपूर्तिको सूचना प्रकाशित गरेको हो। सूचना अनुसार सिनियर क्याप्टेन १३ जना माग गरिएको छ । यस्तै, जुनियर क्याप्टेन १५ जना माग गरिएको छ। जुनियर को–पाइलट १३ जना माग गरिएको छ। यस्तै, प्रशासनतर्फ १० जना अधिकृत माग गरिएको छ। प्रशासनकै वरिष्ठ सहायक तह ५ मा ३४ जना माग गरिएको छ। सहायक चौथो तहमा १८ जना माग गरिएको छ । वायुयान मर्मत सम्भारका लागि १४ जना टेक्निसियन निगमले माग गरेको छ । थप पढ्नुहोस्

केन्द्रीय सदस्य वडाबाटै निर्वाचित हुनुपर्छ : कांग्रेस नेता केसी

चितवन ।  नेपाली कांग्रेसका केन्द्रीय सदस्य अर्जुननरसिंह केसीले पार्टीको महाधिवेशनमा केन्द्रीय सदस्य पनि वडाबाटै निर्वाचित भएर आउनुपर्ने बताएका छन् । नेपाल प्रेस युनियनले आज आयोजना गरेको पत्रकार सम्मेलनमा उनले महासमितिले दिएको सुझाव सबैले पालना गर्नुपर्ने बताए । उनले वडा तहबाटै निर्वाचित हुने विषयमा पार्टी सभापतिले समेत सम्बोधन गर्नुभएकाले यसलाई कसैले हटाउन नसक्ने बताए । वडा तहबाटनै निर्वाचित भएर केन्द्रीय समिति बन्यो भने पार्टी चलायमान हुने र कार्यकर्ताको भावनाको कदर हुने उनको भनाइ थियो । थप पढ्नुहोस्

समायोजनमा गएका कर्मचारीको केन्द्रमा सरुवा हुने बाटो बन्द

काठमाडौं । समायोजन भएर प्रदेश र स्थानीय तहमा गएका निजामती कर्मचारीको संघमा सरुवा हुने बाटो बन्द भएको छ । संसदको राज्य व्यवस्था समितिले संघीय निजामती विधेयकको छलफलका क्रममा समायोजन भई प्रदेश र स्थानीय तहमा पुगेका कर्मचारीको संघमा सरुवा हुने व्यवस्था नराखी प्रतिवेदन तयार पारेको हो । समायोजनमा गएका कर्मचारीको संघमा सरुवा हुने प्रावधान विधेयकमा राख्नुपर्ने भनी संशोधन दर्ता गएका कांग्रेस सांसदहरुले आजको छलफलमा यो विषय नउठाएपछि समितिले उक्त प्रावधान नराखी प्रतिवेदन तयार पारेको छ । थप पढ्नुहोस्

युवाको वैदेशिक रोजगारमा आकर्षण

सिरहा । कृषि र पशुपालनलाई मुख्य पेसा बनाइ जीविका चलाउँदै आएका जिल्लाका युवा समुदायमा पछिल्लो समयमा वैदेशिक रोजगारीप्रति आकर्षण बढेपनि तिनको जीवनशैलीमा कुनै परिर्वतन आउन सकेको छैन । थोरै जग्गा भएका व्यक्ति जीविका चलाउन कृषि पेसाले नधानिने भएपछि केही वर्षयता वैदेशिक रोजगारीका लागि खाडी मुलुक मलेसिया, दुबई, कतार, साउदी जाने क्रममा तीव्रता आएको छ । कृषि व्यवसायबाट छ महीनामात्र खान पुग्ने भएकाले यहाँका पासवान समुदायका विपन्न व्यक्तिले अधिया र मजदुरी गरेर वर्षभरिका अन्न र कपडाको जोहो गर्दैआएका थिए । थप पढ्नुहोस्

विकास तथा समृद्धिमा सहयोग पु¥याउन समझदारी पत्रमा हस्ताक्षर

विराटनगर । प्रदेश नं १ को विकास तथा समृद्धिमा सहयोग पु¥याउने उद्देश्यले प्रदेश सरकार र नेपाल उद्योग वाणिज्य महासङ्घबीच सार्वजनिक, निजी र साझेदारी सम्बन्धी पत्रमा हस्ताक्षर भएको छ । आर्थिक मामिला तथा योजनामन्त्री इन्द्रबहादुर आङ्बो र महासङ्घका अध्यक्ष भवानी राणाले मंगलबार सो समझदारी पत्रमा हस्ताक्षर  गरे । थप पढ्नुहोस्

प्रधानमन्त्री रोजगार कार्यक्रम तीनै तहका सरकारको साझा : अर्थमन्त्री खतिवडा

काठमाडौं । अर्थमन्त्री डा. युवराज खतिवडाले प्रधानमन्त्री रोजगार कार्यक्रम तीनै तहका सरकारको साझा कार्यक्रम हरेको बताएका छन्। अाज घोषणा गरिएको प्रधानमन्त्री रोजगार कार्यक्रममा सम्बोधन गर्दै मन्त्री खतिवडाले तीनै तहका सरकारको साझा कार्यक्रम रहेको भन्दै यसलाई सफल बनाउनु पर्ने बताए। प्रधानमन्त्री रोजगार कार्यक्रम सार्वजनिक गरेको दिन श्रमिकको दिन भएको मन्त्री खतिवडाको भनाइ छ। युवा शक्तिलाई श्रम बजारमा प्रयोग गर्दामात्रै दीगो विकास हुने भएकोले यो कार्यक्रम प्रभावकारी हुने खतिवडाको भनाइ छ । थप पढ्नुहोस्

प्रधानमन्त्री रोजगार कार्यक्रम घोषणा हुँदै, विदेशिनुपर्ने अवस्थाको हाेला त अन्त्य ?

काठमाडौं । आन्तरिक श्रम बजारमा रहेको रोजगारीको सम्भावनालाई व्यवहारमा रुपान्तरण गर्न सरकारले बुधबारदेखि प्रधानमन्त्री रोजगार कार्यक्रम सञ्चालन गर्न लागेको छ । पूँजीगत खर्चको निश्चित प्रतिशत रोजगारी प्रवद्र्धनमा छुट्टयाउनुपर्ने कानूनी व्यवस्था गरेर भएपनि रोजगारीको थप अवसर सिर्जना गर्ने सरकारको तयारी छ । थप पढ्नुहोस्

छ सय ६२ सहसचिवको समायोजन

काठमाडौं । सरकारले ६ सय ६२ सहसचिवको समायोजन गरेको छ । सङ्घीय मामिला तथा सामान्य प्रशासन मन्त्रालयका प्रवक्ता सुरेश अधिकारीले ‘कर्मचारी समायोजन अध्यादेश २०७५’ अनुसार अनलाइन फाराम भरेका आधारमा ६६२ सहसचिवलाई समायोजन गरिएको बताएका छन् । उनले ती सहसचिवको मन्त्रिपरिषद्ले स्वीकृत गरेपछि समायोजन गरिएको बताए । उनका अनुसार आवेदन दिएको आधारमा सङ्घमा ५६० र प्रदेशमा १०२ सहसचिवको समायोजन गरिएको बताए । यसअघि सरकारले सचिव र ८४८ उपसचिवको समायोजन गरिसकेको छ । थप पढ्नुहोस्

अब अधिकृतस्तरमा बढुवा हुन स्नातक आवश्यक

काठमाडौं । अब स्नातक तह उत्तीर्ण नगरी बढुवाबाट अधिकृतस्तरमा पुग्न नसकिने नयाँ व्यवस्था गर्न थालिएको छ । सङ्घीय मामिला तथा सामान्य प्रशासन मन्त्रालयले संसद्मा पेश गरेको ‘सङ्घीय निजामती सेवाको गठन, सञ्चालन र सेवाका सम्बन्धमा व्यवस्था गर्न बनेको विधेयक’मा अब कुनै किसिमबाट पनि अधिकृतस्तरमा बढुवा हुनका लागि न्यूनतम शैक्षिक योग्यता स्नातक तह उत्तीर्ण गर्नुपर्ने व्यवस्था गरिएको मन्त्रालयका प्रवक्ता सुरेश अधिकारीले जानकारी दिए । यसअघि अधिकृतस्तरमा बढुवा हुनका लागि स्नातक तह उत्तीर्ण गर्नुपर्ने व्यवस्था रहेको थिएन । थप पढ्नुहोस्

प्रधानमन्त्री रोजगार कार्यक्रम घोषणा हुँदै

काठमाडौं । सरकारले यही फागुन १ गते प्रधानमन्त्री रोजगार कार्यक्रम घोषणा गर्ने भएको छ । श्रम, रोजगार तथा सामाजिक सुरक्षा मन्त्री गोकर्ण विष्टले  अाज  पत्रकार सम्मेलन गरी यही फागुन १ गते बुधबार काठमाडौंमा एक कार्यक्रममा बीच प्रधानमन्त्री केपी शर्मा ओलीले सो कार्यक्रम घोषणा गर्ने औंपचारिक जानकारी गराएका हुन् । उनले संविधानले परिकल्पना गरेको समाजवादउन्मुख अर्थतन्त्र निर्माण गर्ने परिकल्पनालाई सरकार पार्न सरकारले सबै नागरिकलाई रोजगारीको न्यूनतम व्यवस्था गर्न पनि प्रधानमन्त्री रोजगार कार्यक्रम सुरु गर्न लागेको पनि जानकारी दिए । थप पढ्नुहोस्
1 2 3 19