fbpx

ट्रम्पलाई भेट्न पुटिन तयार, अमेरिकी पक्षबाट औपचारिक प्रतिक्रिया अझै आएको छैन

एजेन्सी । जी–ट्वन्टी सम्मेलनको अवसरमा ट्रम्पसँग भेट्न पुटिन तयार भएको तर यस सन्दर्भमा अमेरिकी पक्षबाट औपचारिक प्रतिक्रिया नआएको रूसी प्रशासन केन्द्र क्रेमलिनले मङ्गलबार जनाएको छ । रूसी समाचार संस्था आरआए नोभोस्ती न्यूज एजेन्सीले रूसी राष्ट्रपतिका प्रवक्ता दिमित्री पेश्कोभलाई उद्धृत गरी भनेको छ, “यदि दुई मुलुकका राष्ट्रप्रमुखबीचको भेटको पहल हुन्छ भने रूसी राष्ट्रपति यसका लागि खुसीसाथ तयार हुनुहुनेछ । थप पढ्नुहोस्

अमेरिकी थुनामा आप्रवासी बालकको मृत्यु

वासिङ्टन । संयुक्तराज्य अमेरिकाको टेक्सास राज्यमा अमेरिकी आप्रवासन थुनामा रहेका ग्वाटेमालाका १६ वर्षीय एक बालकको मृत्यु भएको छ । अमेरिकी भन्सार तथा सीमा सुरक्षा ९सीबीपी० का अनुसार टेक्सासको हिडाल्गो नजिक गत मे १३ मा अवैध रुपमा प्रवेश गरेका ती किशोरलाई सीमा सुरक्षा निकायले गिरफ्तार गरेको थियो । नाम नखुलाइएका ती बालकको रियो ग्रान्डे भ्याली सेक्टरको वेस्लाको स्टेशनमा मृत्यु भएको थियो । ती बालकको मृत्यु हुनुको कारण भने खुलेको छैन । गत डिसेम्बरयता अमेरिकी थुनामा मृत्यु हुने यी पाँचौं आप्रबासी बालक हुन् । थप पढ्नुहोस्

सैनिक कारबाहीमा १२ तालिबान लडाकूको मृत्यु

Afghan-battle
एजेन्सी । आतंककारी समूहविरुद्ध अफगानी सेनाले गरेको एक कारबाहीका क्रममा १२ जना तालिबान लडाकू मारिएका जनाइएको छ । अफगानिस्तानको उत्तरी कुन्दुज प्रान्तको खान अबाद जिल्लामा गरिएको सैनिक कारबाहीमा १२ जना तालिबान लडाकू मारिएको त्यहाँको प्रान्तीय सरकारले जनाएको छ । कुन्जुद प्रान्त सरकारका प्रवक्ता एस्मातुल्लाह मुरादीले मङ्गलबार बिहानीपख खान अबाद र छिमेकी अक्तास जिल्लामा सेनाले कारबाही गरेको जानकारी दिए । सैनिक कारबाहीका क्रममा १२ जनाको मृत्यु भएको पुष्टी भइसकेको र अरु एक दर्जनभन्दा बढी लडाकू घाइते भएको प्रवक्ता मुरादीले बताए । थप पढ्नुहोस्

नवजोत सिंह सिद्धूलाई कांग्रेसले कार्वाही गर्ने

एजेन्सी । कांग्रेस नेता तथा मन्त्री नवजोत सिंह सिद्धूलाई कांग्रेसले कार्वाही गर्ने भएको छ । सिद्धूको बयानबाट धेरैजसो मन्त्री उनको विपक्षमा गएपछि उनलाई पार्टीले कार्वाही गर्ने भएको हो । पंजाबको मामलामा आशा कुमारी पनि सिद्धूसंग रिसाएसंगै माहोल बिग्रिएको हो । सिद्धूलाई लोकसभा चुनावको परिणाम आएपछि कार्वाही हुने बुझिएको छ । सोमबारको मन्त्रिपरिषद बैठकमा मन्त्री सुखजिन्दर सिंह रन्धावा, पृप्त राजिन्दर सिंह बाजवा, साधू सिंह धर्मसोतले सिद्धूको बेतुके बयानबाजीप्रति असन्तुष्टि जनाएका हुन् । थप पढ्नुहोस्

भारतीय निर्वाचनका भित्री कुरा

प्रधानमन्त्री नरेन्द्र मोदी
भारतीय प्रधानमन्त्रीको शपथग्रहण यसपटक पनि २७ मईका दिन हुने सम्भावना छ, जुन दिन (२७ मई) १९६४ मा भारतका प्रधानमन्त्री जवाहरलाल नेहरुको निधन भएको थियो । प्रधानमन्त्री नरेन्द्र मोदीले अघिल्लो कार्यकालको शपथग्रहण त्यही दिन (नेहरु निधनको ठीक ५० वर्ष पुगेकै दिन) गरेका थिए । दुवै पक्षले यसपालीको निर्वाचनलाई जीवन–मरणको सवालका रुपमा लिए । प्रधानमन्त्री मोदीले १४२ वटा सडक कार्यक्रम र चुनावी सभा (¥याली) लाई संवोधन गर्न भ्याए । विपक्षी दलहरू ‘मोदी आँधी’ बाट सुरक्षित हुन (महा) गठबन्धन बनाए, आफ्ना सबै ताकत र सामथ्र्य यो निर्वाचनमा खन्याए । थप पढ्नुहोस्

चीनमा उत्तर कोरियाका हजारौं महिला देह व्यापारमा !

एजेन्सी । उत्तर कोरियाका हजारौं महिला तथा युवती चीनमा देह व्यापारमा संलग्न गराइने गरेको खुलासा भएको छ । बेलायतस्थित ‘कोरिया फ्युचर इनिसिएटिभ’ले उत्तर कोरियाका महिला तथा बालिकालाई चीनमा जबरजस्ती देहव्यापारमा लगाउनका लागि बिक्री गरिँदै आएको प्रतिवेदन सार्वजनिक गरेको हो । प्रतिवेदनमा चिनियाँ पुरुषले विवाह गरेर उत्तर कोरियाली युवतीलाई ल्याउने र जबरजस्ती देहव्यापारमा संलग्न गराउने गरिएको उल्लेख छ । यस्तो कार्यमा सग्लन समूहले देह व्यापारमा युवतीहरुलाई लगाए वापत बर्सेनि दश करोड डलर बराबरको कारोबार गर्ने गरेको समेत बताइएको छ । थप पढ्नुहोस्

चुनावी मतसर्वेक्षणका प्रक्षेपणहरुको नतिजा गलत छ : शशी थरुर

नयाँदिल्ली । भारतीय कांग्रेस पार्टीका वरिष्ट नेता शशी थरुरले चुनावी मतसर्वेक्षणका प्रक्षेपणहरु गलत रहेको भन्दै त्यसलाई अस्वीकार गरेका छन् । उनले आगामी बिहीबार सार्वजनिक हुने मतगणनालाई मात्र विश्वास गर्न सकिने बताए । “चुनावी मतसर्वेक्षण सबै गलत रहेको मेरो बुझाई छ । गतसाता अस्ट्रेलियामा सम्पन्न ५६ विभिन्न मतसर्वेक्षण सबै गलत साबित भएका थिए । भारतमा पनि धेरै मानिसले सर्वेक्षकलाई सबै कुरा बताउँदैनन् । वास्तविक परिणाम त आगामी बिहीबार मात्र थाहा हुनेछ,” थरुरले ट्वीट गर्दै भनेका छन् । थप पढ्नुहोस्

इराकमा अमेरिकी दूतावास नजिक बिस्फोट

एजेन्सी । इराकको राजधानी बग्दादमा रहेको अमेरिकी राजदूतावास नजिकको ग्रीन जोनमा आइतबार बिस्फोटको आवाज आएको छ । स्पुटनिक समाचार समितिका अनुसार बिस्फोटबाट कुनै क्षति भएको छैन । इराकी अधिकारीहरुले उक्त घटनाका बारेमा कुनै प्रतिक्रिया दिएका छैनन् । तर, अमेरिकी दूतावास नजिकै ठूलो बिस्फोटको आवाज आएको स्थानीय संचार माध्यमहरुले जनाएका छन् । संयुक्तराज्य अमेरिकाले केही सरकारी कर्मचारीलाई इराक तत्काल छाड्न आदेश दिएको केही दिनभित्रै उक्त बिस्फोटको आवाज आएको हो । अमेरिकी विदेश मन्त्रालयले पनि आफ्ना नागरिकलाई इराक भ्रमण नगर्न अनुरोध गरेको छ । थप पढ्नुहोस्

ब्राजिलमा गोली चल्यो, ११ जनाको मृत्यु

एजेन्सी । ब्राजिलको उत्तरी प्रान्त पारामा आइतबार अपराह्न एक समूहले गोली चलाउँदा कम्तीमा ११ जनाको ज्यान गएको छ । स्थानीय प्रहरीका अनुसार उक्त गोलीकाण्डमा अरु एक जना गम्भीर घाइते भएका छन् । स्थानीय समय अनुसार अपराह्न ४ बजे सात जना बन्दुकधारी बेलेम शहरको गुआमामा रहेको एक बारमा प्रवेश गरी गोली चलाएका थिए । हत्या भएकाहरुमा छ जना महिला र पाँच पुरुष छन् । प्रहरीले एक जना शंकास्पद बन्दुकधारीलाई पक्राउ गरेको छ । गोली चलाउने अरुहरु भने फरार छन् । घाइतेलाई प्रहरीले उद्धार गरी अस्पताल भर्ना गरेको छ । गोली चलाउनुको कारण भने अझै खुलेको छैन । थप पढ्नुहोस्

इरानलाई सिध्याउने ट्रम्पको धम्की

एजेन्सी । विश्वका दुई शक्तिशाली मुलुक आमेरिका र इरानबीचको तनाव बढ्दै गएको छ । यतीबेला दुई देशबीचको तनावले ठुलै रुप लिने आंकलन गर्न सकिन्छ । अमेरिकालाइ धम्क्याएको भन्दै राष्ट्रपति डोनाल्ड ट्रम्पले भर्खरै सामाजिक संजालमा कडा आक्रोश ब्यक्त पोखेका छन् । उनको आक्रोश यहाँसम्म छ की यदी इरान युद्ध चाहन्छ भने इरानलाइ सिध्याउने अभिव्यक्ति छ । ट्रम्पले आफ्नो ट्वीटरमा लेखेका छन्,‘यदि इरान लड्न चाहन्छ भने त्यो इरानको आधिकारिक रुपमा अन्त्य हो अमेरिकालाई कहिल्यै धम्की नदिनू ।’ यो ट्वीले पनि जनाउछकी इरान र अमेरिकाबीचको चर्काचकी सामान्य होइन । थप पढ्नुहोस्
1 2 3 136