fbpx

अठचालीस मेनपावरको कारोवार बन्द

menpower
काठमाडौँ । तोकिएको समयभित्र कम्पनीको विवरण अद्यावधिक नगरेपछि सरकारले ४८ मेनपावर कम्पनीको अनलाइन कारोवार बन्द गरेको छ । विवरण अद्यावधिक नगरेका कारण वैदेशिक रोजगार विभागले ती मेनपावरको अनलाइन कारोवार बन्द गरेको हो । विभागले पहिलो चरणमा गत वैशाख २३ देखि २९ गतेसम्म इजाजत प्राप्त मेनपावरको सम्पूर्ण विवरण वैदेशिक रोजगार सूचना व्यवस्थापन प्रणालीमा अद्यावधिक गर्न निर्देशन दिएकामा विवरण अध्यावधिक नगरिएकाले यही जेठ ३ गतेसम्म म्याद थप गरेको थियो । कारोवार बन्द भएसँगै ती कम्पनीले वैदेशिक रोजगारसँग सम्बन्धित कुनै पनि कार्य गर्न पाउने छैनन् । थप पढ्नुहोस्

रक्सी, चुरोट र सुर्ती नखाने स्याङ्जाका कर्मचारी

syangja
स्याङ्जा । जिल्लाका सरकारी कार्यालयका कर्मचारीले रक्सि, चुरोट र सुर्ती सेवन नगर्ने प्रतिबद्धता जनाएका छन् । प्रमुख जिल्ला अधिकारी कोशहरि निरौलाले उनीहरूलाई सेवन गर्नेछैन भन्ने ५ प्रतिबद्धताको शपथ खुवाएका छन्। शपथमा नेपाली सेना, सशस्त्र प्रहरी, नेपाल प्रहरी, पुतलीबजार नगरपालिका, स्थानीय तहका स्वास्थ्य प्रमुख, अस्पतालका प्रमुख तथा चिकित्सक, विभिन्न सरकारी कार्यालयका प्रमुख तथा सरोकारवाला निकायका प्रमुख तथा प्रतिनिधि सहभागी थिए  । थप पढ्नुहोस्

गैरसरकारी क्षेत्रकाे वैदेशिक सहयोग घटेर झन्डै आधा, सरकार भन्छ वैदेिशक सहयोगमा बृद्धि

baidesik-sahayata
काठमाडौं । गैरसरकारी क्षेत्रमा अन्तरराष्ट्रिय संस्था (आईएनजीओ) बाट आउने सहयोग र त्यस्ता संस्थाको संख्या समेत यस आर्थिक वर्षमा ह्वात्तै घटेको छ । अघिल्लो वर्ष ४० अर्ब सहयोग आएकोमा चालू आवमा १८ अर्ब घटेर  २२ अर्ब मात्रै प्राप्त भएको छ । यसैगरी, अघिल्लो वर्ष ६५ आईएनजीओबाट सहयोग आएकोमा यस आवमा ४० ओटाबाट मात्रै सहयोग प्राप्त भएको समाज कल्याण परिषद्ले जानकारी दिएको छ । २०७२ वैशाख १२ को भूकम्पपछि पुनर्निर्माणका लागि आव . ०७३/७४ मा ठूलो मात्रामा सहयोग आएको र त्यस सम्बन्धी धेरै काम सम्पन्न भइसकेकाले अब सो शीर्षकमा सहयोग घट्न थालेको परिषद्ले बताएको छ । थप पढ्नुहोस्

नेपाल रेडक्रसको प्रदेश संरचनामा नेतृत्व चयन (हेर्नुहाेस् नामावली)

red-cross
काठमाडाैं । नेपाल रेडक्रस सोसाइटीको ४ वटा प्रदेश समितिहरुको निर्वाचन सम्पन्न भएका छन् । प्रदेश नं. २ , गण्डकी, प्रदेश नं. ५ र प्रदेश नं. ६ मा पहिलो पटक निर्वाचनबाट प्रदेश समितिहरु यसै हप्ता गठन भएका र ती प्रदेश समितिहरुमा पदाधिकारी र सदस्यहरु निर्विरोध चयन भएका हुन् । नेपाल रेडक्रसको गण्डकी प्रदेशको सभा र प्रदेश कार्यसमितिको पहिलो निर्वाचन पोखरामा सम्पन्न भएको छ । नवनिर्वाचित समितिमा कास्कीका सूर्य प्रसाद ढकाल अध्यक्ष र महासचिवमा बलराम आचार्य निर्विरोध निर्वाचित भए । थप पढ्नुहोस्

नेपालको प्राथमिक शिक्षामा फड्को, विश्वमै उदाहरणीयः– युनिसेफ

काठमाडौं । संयुक्त राष्ट्रसड्घीय बाल कोष (युनिसेफ) ले नेपालको पूर्व प्राथमिक शिक्षाको भर्नादरमा उल्लेखनीय वृद्धि हुनु विश्वमा नै उदारहणीय भएको जनाएको छ । युनिसेफको पूर्व प्राथमिक शिक्षामाथिको विश्वव्यापी प्रतिवेदन ‘सिकाइका निम्ति तयार विश्वः प्रारम्भिक शिक्षालाई प्राथमिकता’ मा नेपालको भर्नादरमा पछिल्लो दुई दशकको प्रगतिको सह्राहना गरिएको छ । नेपाल सरकारले हरेक वर्ष वैशाखमा विद्यार्थी भर्ना र विद्यालय स्वागत कार्यक्रमलाई अभियानका रुपमा सञ्चालन गरेपछि प्राथमिक तहको पहुँचमा उल्लेखनीय वृद्धि भएको हो । थप पढ्नुहोस्

स्याङ्गजाली दुई सहसचिव अर्याल र पाण्डेको सगै सरुवा

काठमाडौं । कर्मचारी समायोजनबाट सरुवा भएका दुई सहसचिवलाई काठमाडौ महानगरपालिका प्रमुख प्रशासकीय अधिकृत यादवप्रसाद कोइरालाले बिदाई गरेका छन् । गएको भदौ १३ गतेको मन्त्रीपरिषद्को निर्णयअनुसार महानगरमा प्राबिधिक सहसचिव ई. भरत अर्याल र प्रशासनमा सहसचिबका रुपमा डा. टोकराज पाण्डेको पदस्थापन भएको थियो । दुबै स्याङ्गजामा जन्मेर निजामति सेवामा लागेका ई. अर्याल र डा. पाण्डेको मन्त्रीपरिषद्को निर्णयअनुसार पाण्डे, भूमि व्यवस्था, सहकारी तथा गरीबी निवारण मन्त्रालय मातहतको सहकारी बिभागमा र ई अर्यालको राष्ट्रिय पुननिर्माण प्राधिकरणमा सरुवा भएका छन् । थप पढ्नुहोस्

बचत कर्ताको रकम फिर्ता नगर्ने सहकारी कार्वाहीमा

शर्मिला पाठक काठमाडौं । काठमाडौं महानगरपालिकाले बचतकर्ताको रकम फिर्ता नगर्ने सहकारीलाई कार्वाही शुरु गरेको छ । कामपाले विगत दुई हप्तादेखि सबै सहकारीमा अनुगमन गरी नियम उल्लङ्घन गर्ने र बचतकर्तालाई ठगी गर्ने सहकारीलाई कार्वाही अघि बढाएको हो । कामपाका सहकारी विभाग प्रमुख नबराज ढकालका अनुसार अनुगमनका क्रममा अहिले सम्म १५ सहकारी कार्वाहीमा परेका छन् । ती सहकारीलाई कार्वाहीस्वरुप बचतकर्ताको रकम फिर्ता गर्न लिखित सहमति गरी समय तोकिएको छ । थप पढ्नुहोस्

गैरसरकारी संस्थाको सहयोगमा बिउ बैंक स्थापना

डोटी । खाद्य सङ्कट न्यूनीकरण गर्न दीर्घकालीन लक्ष्यका साथ एक गैरसरकारी संस्थाको सहयोगमा डोटीमा बिउ बैंक स्थापना गरिएको छ । हरेक वर्ष बढ्दै गएको खाद्य सङ्कटले समस्या उत्पन्न भइरहेका बेला उन्नत बिउबिजनको प्रवद्र्धन गरी उत्पादनमा वृद्घि गर्दै खाद्य सङ्कटको अवस्था आउन नदिन दीर्घकालीन लक्ष्यका साथ जैविक विविधता संरक्षण मञ्च लिबर्ड नामक एक गैरसरकारी संस्थाको आर्थिक सहयोगमा डोटीको जोरायल गाउँपालिका–१ गैरामा बिउ बैंक स्थापना गरिएको हो । थप पढ्नुहोस्

समवेदना सन्देशमा बधाई लेख्ने कर्मचारीलाई कारवाही गरिने

काठमाडौं । परराष्ट्र मन्त्रालयले इण्डोनेसियामा गएको सुनामीसम्बन्धी समवेदना सन्देश तयार गर्दा गल्ती गर्ने सम्बन्धित कर्मचारीमाथि कारवाही गर्ने भएको छ । बिहीबार परराष्ट्रमन्त्री प्रदीपकुमार ज्ञवालीको निजी सचिवालयले जारी गरेको विज्ञप्तिमा समवेदना सन्देशमा त्रुटि कसरी हुन गएको हो भन्नेबारे सम्बन्धित अधिकारीलाई स्पष्टीकरण सोधिएको र तथ्य पत्ता लागेपछि संलग्न कर्मचारीलाई उचित कारवाही गरिने जनाएको छ । थप पढ्नुहोस्

१० रुपैयाँमा कपडा किन्ने हो ?

नेपालमा रहेको विदेशी नागरिक तथा अन्य व्यक्तिहरुबाट सङ्कलन गरी ल्याइएको ती सामग्रीहरु खरीद गर्न आउनेको भीड नै लाग्दछ । रु १० देखि १०० सम्ममा आवश्यकताअनुसारका स्तरीय सामग्री खरीद गर्न सकिने भएकाले विभिन्न उद्योग कारखाना, कार्यालयमा कार्यरत कर्मचारीदेखि सर्वसाधारण समेत आउने गरेको संस्थाकी कार्यकारी सहायक प्रतिमा न्यौपाने बताउँछन् । ललितपुर । के तपाईँ एक पटक प्रयोग गरिसकेको वा प्रयोगमा नआएका लत्ताकपडा, पुस्तक, स्टेशनरीका सामग्रीहरु कहाँ व्यवस्थापन गर्ने भन्ने समस्यामा हुनुहुन्छ ? त्यसो भए होस्टेहैंसे नामक संस्थालाई खबर गरिदिनुहोस् । थप पढ्नुहोस्