fbpx

कांग्रेस जिल्ला सभापतिहरु केन्द्रीय समितिको निर्णयविरुद्ध भेला गर्दै

काठमाडौं । केन्द्रीय सदस्य सीधै महाधिवेशन प्रतिनिधि बन्ने पार्टी केन्द्रीय समितिको निर्णयविरुद्ध कांग्रेसका जिल्ला सभापतिहरूले भेला बोलाएका छन्। सभापति शेरबहादुर देउवा र नेता रामचन्द्र पौडेलले महासमिति बैठक समापन समारोहमा गरेको प्रतिबद्धता २१ फागुनको केन्द्रीय समिति बैठकले उल्ट्याएपछि असन्तुष्ट सभापतिहरूले २० र २१ चैतमा काठमाडौंमा भेला डाकेका हुन्। २९ मंसिरदेखि ८ पुससम्म चलेको महासमिति बैठकमा अधिकांश जिल्ला सभापतिले केन्द्रीय नेताहरू पनि महाधिवेशन प्रतिनिधिका लागि बुथबाटै चुनिएर आउनुपर्ने आवाज उठाएका थिए । थप पढ्नुहोस्

काठमाडौंका होडिङ बोर्ड मानवीय सुरक्षाका लागि जोखिम

काठमाडौं: हावाहुरीको मौसम शुरू भएसँगै काठमाडौं महानगर क्षेत्रभित्रका कतिपय स्थानमा अव्यवस्थित रूपमा राखिएका होडिङ बोर्ड र प्रचार सामग्रीले मानवीय सुरक्षामा खतरा पुग्ने देखिएको छ। महानगर क्षेत्रका नयाँ सडक, असन, सुन्धारा, ठमेल, लैनचौर, रत्नपार्क, त्रिपुरेश्वर, टेकु, कलङ्की बानेश्वर, कोटेश्वर र चावेल लगायतका क्षेत्रमा राखिएका व्यावसायिक विज्ञापन र होडिङ बोर्डलाई हावाहुरीले हल्लाउँदा बोर्ड खस्ने र त्यसले मानवीयसुरक्षामा असर पुग्ने खतरा देखिएको छ । थप पढ्नुहोस्

प्रतिबन्धित समूहका महासचिव विप्लव पक्राउ परे जन्मकैद सजाय हुने

काठमाडौं । प्रतिबन्धित नेपाल कम्युनिस्ट पार्टी 'नेकपा'का महासचिव नेत्रविक्रम चन्द ‘विप्लव’ पक्राउ परेमा प्रचलित कानुनअनुसार उनीमाथि जन्मकैद सजाय हुने भएको छ । फागुन २८ को मन्त्रिपरिषद् बैठकले विप्लव नेतृत्वको नेकपामाथि प्रतिबन्ध लगाउँदै उनका सबै गतिधिधि नियन्त्रणमा संगठित र फौजदारी अपराधसम्बन्धी कानुन आकर्षित हुने घोषणा गरिसकेको छ । थप पढ्नुहोस्

बालुवाटारमा हडपिएको २८४ रोपनी जग्गा सरकारले फिर्ता ल्याउने

काठमाडौं । पहुँचवाला व्यक्तिले विभिन्न बहानामा हडप्दै आएको ३७ अर्ब रुपैयाँबराबरको २८४ रोपनी जग्गा सरकारले आफ्नो नाममा ल्याउने भएको छ। झन्डै ३० वर्षअघि २०४७ सालदेखि हडपिएको राजधानीको व्यस्त र भीभीआईपी बसोबास गर्ने क्षेत्रका रूपमा परिचित बालुवाटार क्षेत्रको सो जग्गा सरकारको नाममा ल्याउन लागिएको हो। गत २८ फागुनमा बसेको मन्त्रिपरिषद् बैठकले व्यक्ति विशेषले हडपेको त्यति ठूलो परिमाणको जग्गा सरकारको नाममा ल्याउन सबै खाले प्रक्रिया पूरा गर्ने निर्णय गरेको थियो । थप पढ्नुहोस्

नेकपा एकता जिल्ला र स्थानीय तहमा एकै चरणमा

काठमाडौं । सत्तारूढ नेकपाले जिल्ला र स्थानीय तहमा पार्टी एकता एकै चरणमा सक्ने तयारी थालेको छ।  जिल्ला कमिटीको अध्यक्ष र सचिवको टुंगो लगाउने जिम्मेवारी पार्टी केन्द्रको भए पनि स्थानीय तहको एकता सम्बन्धित जिल्ला कार्यदल र प्रदेश कमिटीले टुंग्याउने गरी प्रक्रिया अगाडि बढाएको नेकपाले जनाएको छ। अन्नपूर्ण पोस्ट दैनिकले समाचार छापेको छ । पार्टी एकता भएको दस महिना बितिसक्दा पनि तल्लो तहको एकता प्रक्रिया टुंग्याउन नसक्दा नेकपाका आठ लाख बढी नेताकार्यकर्ता जिम्मेवारीविहीन छन्। नेकपाको एकता ३ जेठमा भएको थियो । थप पढ्नुहोस्

एसईई परीक्षामा ४ लाख ७५ हजार सहभागी हुँदै

काठमाडौं । चैत १० गतेबाट संचालन हुने यस वर्षको माध्यमिक शिक्षा परीक्षा 'एसईई' मा ४ लाख ७५ हजार ३ जना परीक्षार्थी परीक्षामा सामेल हुने भएका छन् । आजको नेपाल समाचारपत्र दैनिक लेख्छ–मुलुक संघीयतामा गैसकेको अवस्थामा पहिलो पटक परीक्षा व्यवस्थापन, संचालन,अनुगमन उत्तरपुस्तिका खरिद लगायतसम्पूर्ण काम प्रदेश सरकारले गर्ने भएको छ । राष्ट्रिय परीक्षा बोर्डले प्रश्नपत्र छपाई, उत्तरपुस्तिका परीक्षण र परीक्षाफल प्रकाशित गर्ने काम गरेको छ । राष्ट्रिय परीक्षा बोर्डका अध्यक्ष प्राडा चन्द्रमणी पौडेलले परीक्षा व्यवस्थापनको सम्पूर्ण काम प्रदेश सरकारले गर्ने स्पष्ट पारे । थप पढ्नुहोस्

सुकुम्बासीका नाममा कार्यकर्तालाई जग्गा बाँड्ने सरकारको तयारी

काठमाडौं । काठमाडौं ९ सुकुमवासी र अव्यवस्थित बसोवास गर्नेका नाममा जग्गा वितरण गर्दा विगतमा विवाद आएको जान्दाजान्दै सरकारले फेरि जग्गा बाँड्ने तयारी गरेको छ । राजनीतिक पार्टीले विगतमा पटकपटक सुकुमवासीका नाममा आफ्ना कार्यकर्तालाई जग्गा बाँड्दा विवाद आएको थियो । अहिले विवाद आउन नदिन सरकारले कानुन संशोधन गरेर जग्गा बाँड्ने चलाखी गरेको हो । कानुनी प्रक्रिया पूरा गर्न सरकारले भूमिसम्बन्धी ऐन, २०२१ लाई आठौं पटक संशोधन गर्न विधयेक तयार पारेको छ । उक्त विधयेक गत फागुन १९ मा मन्त्रिपरिषद्ले निर्णय गरी फागुन २९ मा संसद्मा दर्ता भएको छ । थप पढ्नुहोस्

महत्त्वपूर्ण राजनीतिक घटनाक्रममा कांग्रेस नेतापिच्छे फरक फरक धारणा !

काठमाडौं । नेपाली कांग्रेसमा महत्त्वपूर्ण राजनीतिक घटनाक्रम र सरकारका निर्णयप्रति संस्थागत धारणा बनाउन तत्काल केन्द्रीय कार्यसम्पादन समिति गठन हुनुपर्ने माग उठेको छ। नेताहरूका फरक–फरक र छरपष्ट विचारले पार्टीलाई कमजोर बनाउन थालेको भन्दै मंगलबार केन्द्रीय कार्यसमिति बैठकमा केन्द्रीय सदस्यहरूले यस्तो माग गरेका हुन्। नेता गगन थापाले नेतैपिच्छेको फरक–फरक बोलीले पार्टीको विश्वसनीयता कमजोर बन्न थालेको बताए । थप पढ्नुहोस्

४ करोड ८४ लाख रुपैयाँ बक्यौता नबुझाइ एयरलाइन्सहरु बेपत्ता

काठमाडौं । नागरिक उड्डयन प्राधिकरण र त्रिभुवन अन्तर्राष्ट्रिय विमानस्थलले नेपालमा उडान रोकेका १७ वटा विदेशी एयरलाइन्सबाट बक्यौता उठाउन सकेका छैनन् । ती एयरलाइन्सले त्रिभुवन अन्तर्राष्ट्रिय विमानस्थललाई बुझाउन बाँकी रहेको ४ करोड ८४ लाख रुपैयाँ उठाउन कडाइका साथ पहल पनि भएको छैन । नेपालका कार्यालय बन्द गरिसकेका ती विदेशी एयरलाइन्स सम्पर्कविहीन छन् । बक्यौता रकम जहाज अवतरण 'ल्यान्डिङ', पार्किङ 'विसान', एयर नेभिगेसज 'सञ्चार तथा उड्डयन सहाय सेवा', विमानस्थल विकास शुल्क, घरभाडासहितको रकम हो । थप पढ्नुहोस्

मापदण्ड विपरित संचालनमा रहेका पेट्रोलपम्प हटाउने काम सुरु

petrol-pump-nepal
काठमाडौं । काठमाडौँ महानगरपालिकाले सहरका साँघुरा क्षेत्रमा रहेका पेट्रोलपम्प हटाउन स्थलगत अध्ययन शुरु गरेको छ । नेपल आयल निगम, महानगरीय ट्राफिक प्रहरी महाशाखा र महानगरको कार्यदलले अध्ययन शुरु गरेको छ । असुरक्षित स्थान वा मानवीय क्षति हुनसक्ने, भीडभाड तथा सवारी जाम गरिरहेका पम्पलाई हटाउन लागिएको हो । एक हप्तामा कार्यदले प्रतिवेदन तयार गर्ने कार्यदलका संयोजक एवं महानगरपालिकाका सहरी सुव्यवस्थापन विभागका प्रमुख हरि कुँवरले जानकारी दिए । थप पढ्नुहोस्
1 2 3 60