मोदीले दिएको चन्दन भोलिबाट पशुपतिनाथमा चढाइने

काठमाडौं । भारतीय प्रधानमन्त्री नरेन्द्रदामोदरदास मोदीले चार वर्षअघि पशुपतिनाथ मन्दिरमा विशेष पूजा गर्दा दिएको श्रीखण्ड चन्दन हरि बोधिनी एकादशीका अवसरमा सोमबारदेखि चढाइने भएको छ । विसं २०७१ साउन १८ गते पशुपतिनाथ मन्दिरमा विशेष पूजा गरेपछि भारतीय प्रधानमन्त्री मोदीले दुई हजार ५०० किलोग्राम श्रीखण्ड चन्दन अर्पण गरेका थिए । पशुपतिनाथ र वासुकीनाथ मन्दिरलाई श्रीखण्ड चन्दन चढाएपछि सोमबारदेखि नै भक्तजनलाई पनि मोदीले नै अर्पण गरेको चन्दन वितरण गरिने पशुपति क्षेत्र विकास कोषका सदस्य सचिव डा प्रदीप ढकालले जानकारी दिएका छन् । थप पढ्नुहोस्

रारा बन्यो पहिलो मदिरा निषेधित नगरपालिका !

रारा । मुगु जिल्लाका चार वटा स्थानीय तहमध्ये छायानाथ रारा नगरपालिकालाई देशकै पहिलो मदिरा निषेधित नगरपालिका घोषणा गरिएको छ । नगरपालिकाका १४ वटै वडाका स्थानीयवासीको उत्साहका साथ संस्कृति, बाजा झाँक्रीसहित कार्यक्रम सहभागी थिए । नगरलाई मदिरा निषेधित नगर घोषणा गर्न दुई महीनादेखि स्थानीय प्रहरी प्रशासन तथा नगरपालिकाका सबै गाउँ बस्तीमा नियमित प्रचारात्मक अभियान थालिएको थियो । नगरपालिकालाई मदिरा निषेधित नगर घोषणा कार्यक्रममा नगरपालिकाभित्रका पाँँच हजार बढी सर्वसाधारणको सहभागिता थियो । थप पढ्नुहोस्

पूर्व अर्थमन्त्री अधिकारी अभिनन्दित

काठमाडौं । पूर्वउपपधानमन्त्री एवं अर्थमन्त्री भरतमोहन अधिकारीलाई आज नागरिक अभिनन्दन गरिएको छ । आज आयोजित नागरिक अभिनन्दन समारोहमा प्रदेश नं १ का प्रमुख प्रा डा गोविन्दबहादुर तुम्बाहाङले अधिकारीलाई अभिनन्दन गरेका थिए । अधिकारी सिद्धान्त निष्ट र इमान्दार नेता भएको उनले बताएका छन् । अधिकारीले तत्कालिन नेकपा (एमाले) गठनमा महत्वपूर्ण भूमिका निर्वाह गरेको उल्लेख गर्दै प्रदेश प्रमुख तुम्बाहाङले स्वच्छ छवि भएका राजनीतिक मार्गदिशा निर्देशनयुक्त नेता भएको बताए । थप पढ्नुहोस्

सबै धर्मावलम्बीको मठमन्दिर एउटै थलोमा !

चन्द्रकला भण्डारी/रासस भद्रपुर । भिन्नाभिन्नै धर्ममा आस्था राख्ने विभिन्न आठ जातीय समुदायको मठमन्दिर एकै स्थानमा छन् भन्दा पत्याउन गाह्रो हुन्छ तर झापाको भद्रपुर–२ कमलधापस्थित एउटै परिसरमा हिन्दू, किराँत, बौद्धलगायत अलगअलग धर्म मान्ने आठ जातिका मठमन्दिर सामूहिक रूपमा स्थापना गरिएका छन् । नेपाल धर्मनिरपेक्ष घोषणा हुनुभन्दा अघि विसं २०५० तिरै कमलधाप रामपोखरी सामुदायिक वनको पाँच बिघा सार्वजनिक जग्गामा ती मठमन्दिर र गुम्बा निर्माण भएका हुन् । थप पढ्नुहोस्

कुमालका दुःख : ‘खाए मकै, नखाए भोकै’

हरि बाँस्तोला/रासस पोखरा । मुलुकमा ठुल्ठूला परिवर्तन आए पनि कालीगण्डकी नदीको किनारस्थित कुमाल बस्तीमा अहिले पनि ‘खाए मकै, नखाए भोकै’ भन्ने उखान चरितार्थ हुँदै आएको छ । तनहुँ जिल्लाको दक्षिणी भेग घिरिङ गाउँपालिका–४ को उर्वरभूमि गड्यौलीटारमा सिँचाइ अभावका कारण स्थानीय बासिन्दा अहिले पनि मुख्य खाद्यान्न बाली मकैमा निर्भर रहँदै आएका हुन् । बिहान उठेदेखि साँझ सुत्ने बेलासम्म विशेषगरी मकैकै भात, ढिँडो, आँटो, रोटी, भुटुवा र जाँडसमेत बनाउनाका साथैं वृद्ध र बालबालिकाका लागि सातुजस्ता परिकार बनाएर खानु–खुवाउनु पुस्तौँदेखिको दैनिकी अहिले पनि कायमै छ । थप पढ्नुहोस्

ताहचलमा दुःख दिने तीन जना दलाल पक्राउ !

काठमाडौँ । ताहचलस्थित श्रम कार्यालयमा सेवाग्राहीलाई दुःख दिने तीन जना विचौलिया पक्राउ परेका छन् । पक्राउ पर्नेमा मोरङका २४ वर्षीय रोशन शिवाकोटी, झापाका ४५ वर्षीय हितबहादुर धिमाल र काठमाडौँका २२ वर्षीय ऋषि मोक्तान रहेका छन् । विभिन्न बहानामा सेवाग्राहीलाई दुःख दिएको आरोपमा पक्राउ गरेको नेपाल प्रहरी केन्द्रीय कार्यालयका प्रवक्ता उत्तमराज सुवेदीले जानकारी दिए । अनुुसन्धानका लागि उनीहरुलाई महानगरीय प्रहरी वृत्त कालीमाटीमा राखिएको छ । थप पढ्नुहोस्

लुम्बिनीको पहिलो त्रिपिटक वाचन सकियो !

रुपन्देही । लुम्बिनीमा पर्यटन प्रवद्र्धन र बुद्ध दर्शनको प्रचार गर्ने उद्देश्यले बुद्धको जन्मभूमि लुम्बिनीमा पहिलोपटक आयोजना गरिएको ऐतिहासिक अन्तर्राष्ट्रिय त्रिपिटक वाचन कार्यक्रम सम्पन्न भएको छ । लुम्बिनी विकास कोष, अखिल नेपाल भिक्षु महासङ्घ र थाई बौद्ध विहारको संयुक्त आयोजनामा सञ्चालित तीन दिने कार्यक्रममा १८ देशका एक हजार भिक्षु भिक्षुणी, उपासक उपासिकाले सामूहिक बुद्ध दर्शनकोमूल ग्रन्थ त्रिपिटक वाचन गरेका थिए । थप पढ्नुहोस्

अब चालकले सुन्तला र सहचालकले हरियो रङ्गको ज्याकेट लगाउनुपर्ने

काठमाडौँ । काठमाडौँ उपत्यकामा सञ्चालित माइक्रोबसका चालक तथा सहचालकले मङ्सिर १ गतेदेखि अनिवार्य रुपमा फ्लोरेसेन्ट ज्याकेट लगाउनुपर्ने भएको छ । महानगरीय ट्राफिक प्रहरी महाशाखामा सो शाखा, नेपाल यातायात व्यवसायी राष्ट्रिय महासङ्घ र माइक्रोबस व्यवसायी सङ्घका प्रतिनिधिहरुको संयुक्त बैठकले शनिबारदेखि अनिवार्य रुपमा फ्लोरेसेन्ट ज्याकेट लगाउनुपर्ने निर्णय गरेको हो । महाशाखाका प्रमुख एवं प्रहरी वरिष्ठ उपरीक्षक वसन्तकुमार पन्तले चालकलाई सुन्तला र सहचालकलाई हरियो रङ्गको ज्याकेट लगाउनुपर्ने निर्णय गरेको जानकारी दिए । थप पढ्नुहोस्

जुम्ला पुगेर प्रधानन्यायाधीशले भने-‘छिटोछरितो न्याय दिनु’

जुम्ला । प्रधानन्यायाधीश ओमप्रकाश मिश्रले छिटोछरितो न्याय सम्पादन गर्न उच्च अदालत सुर्खेत, जुम्ला इजलासका न्यायाधीशलगायत कर्मचारीलाई निर्देशन दिएका छन । न्यायालय निरीक्षण गर्न उच्च अदालत सुर्खेत, जुम्ला इजलास पुगेका उनले यस्तो निर्देशन गरेका हुन । उच्च अदालत सुर्खेत, जुम्ला इजलासका मुख्य न्यायाधीश तेजबहादुर कार्कीले मुद्दा व्यवस्थापन, अदालतको आन्तरिक काम कारवाहीका विषयमा प्रधानन्यायाधीशले जानकारी लिएको बताए । उच्च अदालत सुर्खेत, जुम्ला इजलास र सरकारी वकिल कार्यालयको समेत उनले निरीक्षण गरेका छन । थप पढ्नुहोस्

द्वन्द्वपीडितलाई जीवन धान्न र सन्तान पढाउन गाह्रो !

काठमाडौँ । सशस्त्र द्धन्द्ध सकिएको बर्षौसम्म पनि आफुले न्याय नपाएको उनीहरुका परिवारले गुनासो गरेका छन । गैरसरकारी संस्थाका प्रतिनिधि, अधिकारका क्षेत्रमा कार्यरत द्वन्द्वपीडित, नागरिक समाजका अगुवालगायतले विस्तृत शान्ति सम्झौता भएको बाह्र वर्ष पुग्न लाग्दासमेत द्वन्द्वपीडितले न्याय नपाएको गुनासो गरेका हुन । महिला अधिकार र कानून मञ्च तथा इन्टरनेशनल अलर्टले संयुक्तरुपमा आयोजना गरेको छलफल कार्यक्रममा उनीहरुले सरकार द्वन्द्वपीडितका विषयमा संवेदनशील हुनुपर्नेमा जोड दिएका हुन् । थप पढ्नुहोस्
1 2 3 122