fbpx

विप्लव माओवादीका प्रभावशाली कमाण्डरमाथि कर्तव्य ज्यान मुद्दा चलाइने

काठमाडौं । नख्खुस्थित एनसेलको मुख्यालयको गेट अगाडि गत फागुन १० गते गराइएको बम बिस्फोट घटनाको जिम्मा लिएका विप्लव माओवादीका पोलिटब्युरो सदस्य हेमन्तप्रकाश ओली ‘सुदर्शन’ पक्राउ परेका छन्। प्रहरीले उनलाई काभ्रेको खानीखोला गाउँपालिका–४ बरुणबेसीबाट शनिबार बिहान पक्राउ गरेको हो। नख्खु बिस्फोटको जिम्मेवारी लिएसँगै सुदर्शन प्रहरीको सर्वाधिक खोजीमा थिए। महानगरीय प्रहरी अपराध महाशाखा, काभ्रे प्रहरी र विशेष ब्युरोको टोलीले उनीसहित आठजना विप्लव समूहका नेता पक्राउ गरेको हो । मध्यकमाण्ड इञ्चार्ज रहेका सुदर्शन विप्लव माओवादीमा तेस्रो वरियताका नेता हुन् । थप पढ्नुहोस्

रौतहटमा होली खेल्ने क्रममा झडप ! ७ राउन्ड अश्रुग्याँस प्रहार

रौतहट । रौतहटको सिमरामा होली खेल्ने क्रममा २ समूहबीच झडप भएको छ । झडपलाई नियन्त्रणमा लिन अश्रुग्याँस प्रहार गर्नुपरेको प्रहरीले जनाएको छ । ईलाका प्रहरी कार्यालय चपुरका प्रहरी निरीक्षक 'इन्सपेक्टर' सन्तोष पाठकले होली खेल्ने क्रममा रौनियार र चौधरी पक्षबीच झडप भएको बताए । प्रहरीले झडपलाई नियन्त्रणमा लिन खोज्दा प्रहरीमाथि ढुंगामुढा प्रहार भएपछि अश्रुग्यास प्रहार गर्नुपरेको पाठकले बताए । ‘प्रहरीले ७ राउन्ड अश्रुग्याँस प्रहार गरेर स्थिति नियन्त्रणमा लिएको छ,’ उनले भने, ‘अहिले स्थिति नियन्त्रणमा छ । थप पढ्नुहोस्

नेपालमा लागुऔषधको विगविगी, यस्तो छ प्रहरीको तथ्याङ्क

काठमाडौं ।  नेपालमा पछिल्ला वर्षहरुमा लागुपदार्थ ओसारपसार र यसका प्रयोगकर्ताहरुको संख्या तिव्र गतिमा बढि रहेको छ । नेपालका ७७ वटै जिल्लाका प्रहरी कार्यालयको तत्थ्याङक हेर्ने हो भने लागुऔषधका मुद्धाहरुको ठुलै चाङ देखिन्छ । प्रहरीका अनुसार नेपालमा पछिल्ला ५ वर्षमा लागुऔषधका घटनाहरुले झनै उचाई लिएको छ । सन् २०१४ देखि २०१८ सम्मको ५ वर्षको अवधिमा लागुऔषधमा संलग्न विदेशी सहित १८ हजार भन्दा बढी मानिस पक्राउ परिसकेका छन् । थप पढ्नुहोस्

निर्मला हत्या प्रकरण : बर्खास्त प्रहरी उपरीक्षक विष्टसँग बयान लिने कार्य सकियो

कंञ्चनपुर । बलात्कारपछि हत्या गरिएकी कञ्चनपुरको भीमदत्त नगरपालिका–१३ की बालिका निर्मला पन्तको हत्या प्रकरणमा बर्खास्तमा परेका तत्कालीन प्रहरी उपरीक्षक डिल्लीराज विष्टको जिल्ला अदालत कञ्चनपुरमा आज बयान लिने कार्य सकिएको छ । मङ्गलबार अदालतमा निवेदनसहित उपस्थित भएका विष्टसँग यातनासम्बन्धी मुद्दा र प्रमाण नष्ट गरेको मुद्दामा बयान लिने कार्य गरिएको हो । बयान लिने कार्य सकिएपछि दुवै मुद्दाबारे थुनछेक बहस शुरु भएको छ । थप पढ्नुहोस्

अवाञ्छित गतिविधि गर्ने ८४ र नियम उल्लङ्घन गर्ने ५ सय १९ चालक नियन्त्रणमा

काठमाडौं । होलीको अवसरमा उच्छृङ्खल गतिविधि गर्ने ८४ जनालाई बुधबार प्रहरीले नियन्त्रणमा लिएको छ । उनीहरुलाई उपत्यकाका विभिन्न क्षेत्रबाट पक्राउ गरिएको हो । पक्राउ पर्नेमा काठमाडौँका ४५, ललितपुरका ३५ र भक्तपुरका चार जना रहेका छन् । होली विशेष सुरक्षा योजना बनाएर आज हरेक कार्यक्रमस्थलमा प्रहरी परिचालन गरिएको थियो । यसैबीच महानगरीय ट्राफिक प्रहरी महाशाखाले ५१९ सवारीसाधनट्राफिक नियम उल्लङ्घन गर्नेका चालकलाई नियन्त्रणमा लिएको प्रवक्ता जयराज सापकोटाले जानकारी दिए । भक्तपुरबाट १७ सवारीसाधनका चालकलाई नियन्त्रणमा लिइएको थियो । थप पढ्नुहोस्

दुर्घटनालाई ध्यानमा राखेर होलीमा कडाइ, ७७ स्थानमा ट्राफिक चेकिङ

काठमाडौं । होली पर्वमा हुने दुर्घटनालाई ध्यानमा राखेर ट्राफिक प्रहरीले उपत्यकाका ७७ स्थानमा विशेष जाँच गर्ने भएको छ । होली पर्वलाई दुर्घटनारहित बनाउन उपत्यकाका विभिन्न नाकासहित ७७ स्थानमा विशेष जाँचको व्यवस्था मिलाएको महानगरीय ट्राफिक प्रहरी महाशाखाले जानकारी गराएको छ । प्रहरी वरिष्ठ उपरीक्षक वसन्तकुमार पन्तले जाँड रक्सी सेवन गरी जथाभावी सवारी चलाउने, मोटरसाइकलमा तीन जना राख्ने, तिव्र गतिमा चलाउने, ठूलो आवाज निकालेर सवारी साधन चलाउनेलाई कारवाही गर्न विशेष जाँचको मिलाइएको जानकारी दिएका छन् । थप पढ्नुहोस्

सशस्त्र प्रहरीका ३७ जना डिएसपी एसपीमा बढुवा सिफारिस [सूची]

काठमाडौं । सशस्त्र प्रहरी बलका ३७ जना नायव उपरीक्षक 'डिएसपी'हरु सशस्त्र प्रहरी उपरीक्षक 'एसपी'मा बढुवाका लागि सिफारिस भएका छन् । सशस्त्र प्रहरी बलअन्तर्गतको बढुवा समितिको मंगलबार बसेको वैठकले ३७ जना डिएसपीलाई एसपीमा बढुवाका लागि सिफारिस गर्ने निर्णय गरेको हो । एसपीका लागि बढुवा सिफारिस हुनेमध्येमा दिलबहादुर पन्थ पहिलो नम्बरमा छन् । सशस्त्र प्रहरी बलको एसपीमा बढुवाका लागि सिफारिस भएकाहरुको सूची यसप्रकार छ । सूची हेर्न तलको लिंक क्लिक गर्नुस । थप पढ्नुहोस्

होली : विशेष सुरक्षाका लागी काठमाडौंमा २ हजार प्रहरी परिचालन

काठमाडौं । रङ्गको पर्व होलीलाई संस्कृतिअनुसार आपसी शुभकामना साटासाट गरेर शान्तिपूर्ण बनाउनका लागि नेपाल प्रहरीले विशेष प्रचारात्मक अभियान चलाएको छ । काठमाडौँ उपत्यकामा ३ दिनदेखि नै हरेक प्रहरी इकाइमार्फत समुदायसँग मिलेर प्रचारप्रसार अभियान चलाइएको महानगरीय प्रहरी परिसर काठमाडौँका प्रवक्ता होविन्द्र बोगटीले जानकारी दिए । उनका अनुसार समुदाय प्रहरी साझेदारी कार्यक्रमअन्तर्गत प्रहरी र समुदायले संयुक्त अभियानमार्फत प्रचारात्मक ¥यालीसहित माइकिङ, मोबाइलगस्ती गरेर सचेतना जगाइएको छ । तर उच्छृङखल देखिए कारवाही हुने उनले चेतावनी दिए । थप पढ्नुहोस्

‘होली विशेष सुरक्षा योजना’ : जबरजस्ती लोला हाने १०० मा फोन गर्नुस् !

काठमाडौं । रङ्गै रङ्गको पर्व होलीको अवसरमा महानगरीय प्रहरीले जबरजस्ती लोला हानेलाई नियन्त्रणमा लिएर कारवाही गर्ने भएको छ । होलीमा सरकारले सार्वजनिक बिदा दिएपनि काम विशेषले सडकमा निस्कनेहरुमाथि कसैले लोला हानेमा नियन्त्रणमा लिएर कारवाही गर्ने महानगरीय प्रहरी परिसर काठमाडौंका प्रमुख एसएसपी बसन्त लामाले जानकारी दिएका छन् । ‘कसैले इच्छा विपरित लोला हानेमा प्रहरी कन्ट्रोलको १०० नम्बरमा कल गर्नुस्’ एसएसपी लामाले भने, ‘प्रहरी तत्काल घटनास्थल पुग्छ, हामी पक्राउ गरेर कारवाही गर्छौं । थप पढ्नुहोस्

७० लाख बराबरको चोरीको सामान सहित ३ जना पक्राउ

काठमाडौं । उपत्यकाका विभिन्न ठाउँमा चोरी गर्ने ठुलो समुहलाई प्रहरीले पक्राउ गरेको छ । महानगरीय प्रहरी वृतm महाराजगंजको प्रहरी टोलीले चोरी गरिएका सामान सहित उनीहरुलाई पत्राउ गरको हो । पक्राउ पर्नेमा भारत मोतिहारी घर भई हाल काठमाडौं पुरानो बानेश्वर डेरा गरी बस्ने ३५ वर्षीय पारस प्रसाद, ३२ वर्षीय सन्तोष पोद्दार र रामेछाप सुनापाती–५ घर भएका ३२ वर्षीय ओमराज श्रेष्ठ रहेका छन्। समूहका अन्य चार जना भने फरार रहेको र प्रहरीले खोजी गरीरहेको बताएको छ । थप पढ्नुहोस्
1 2 3 49