दूध दुहुने उपकरण ‘मिल्किङ पार्लर’ को प्रयोग बढ्दै


Share This


नेपालबहस संवाददाता    

ललितपुर । नेपालमा पशुपालन व्यावसायिक बढ्दै जाँदा किसानले एकै पटकमा धेरै गाईको दूध दुहुुने उपकरण ‘मिल्किङ पार्लर’ को प्रयोग गर्न थालेका छन् ।

चार पाँच वर्ष पहिलेदेखि नेपालमा व्यावसायिक किसानले मिल्किङ पार्लरको प्रयोग शुरु गरेको पशु उत्पादन निर्देशनालयमा कार्यरत डा सुरेन्द्र झा बताए ।

उनी भन्छन्,व्यावसायिक रुपमा धेरै गाई पाल्ने किसानले यसको प्रयोग गर्न थालेका छन् । बजारमा फरक–फरक क्षमताका यन्त्र पाइन्छ । नेपालमा भने एक पटकमा १० वटा गाई दुहुने यन्त्रको प्रयोग बढ्दै छ । यी उपकरणका कारण जनशक्ति बचत हुने बताइएको छ ।

दूध सफा बनाउनका लागि पनि मिल्किङ पार्लरले सहयोग गर्ने छ । डा झा भन्छन, “किसानले गोठको अरु काम सकेर दूध दुहुँदा हात सफा नहुन सक्छ तर मेसिनले गर्दा दूध सफा हुने बढी सम्भावना हुन्छ ।”

धेरै पशु पाल्नेका लागि मिल्कङ पार्लर सजिलो भएको किसानले बताउँदै आएका छन् । हातले दुहुँदा किसानले दूध सबै दुहुन नसके पनि उपकरणले सबै निखार्छ । पशुपालनमा प्रयोग हुने उपकरण ग्रामीण क्षेत्रसम्म भने फैलन सकेको छैन ।

तपाईको प्रतिक्रिया