साल्ट ट्रेडिङ कर्पोरेशनको ५६ औं वार्षिकोत्सव सम्पन्न


Share This

नेपालबहस संवाददाता    

काठमाडौं । साल्ट ट्रेडिङ कर्पोरेशनको ५६ औं वार्षिकोत्सव सम्पन्न गरेको छ । वार्षिकोत्सवसँगै कर्पोरेशनले नेपाल वनस्पति घ्यू उद्योगबाट तोरीको तेल उत्पादन गर्ने भएको छ । हेटौँडामा बन्द अवस्थामा रहेको नेपाल बनस्पती घ्यू उद्योगमा स्थानीय किसानहरुबाट तोरी खरिद गरि निकट भविष्यमा प्रशोधित तोरीको तेल उत्पादन गरिने लक्ष्य राखिएको आज आयोजित समारोहमा जानकारी दिएको छ ।

बन्द अवस्थाको सो उद्योगलाई नियमित गरी कर्पोरेशनले छिट्टै तोरीको तेल उत्पादन गर्न लागेको हो । विराटनगरस्थित मोरङ सुगर मिल्स लिमिटेडमा कृषि औजारहरु खरीद गरी उखुखेतीलगायत अन्य खेतीमा आधुनिकरण गर्न शुरु गरेको कर्पोरेशनले जनाएको छ । कर्पोरेशनको ५६ औं वार्षिकोत्सका अवसरमा आयोजित कार्यक्रममा सो जानकारी दिइएको हो ।

पछिल्लो समय कर्पोरेशनले बिक्री वितरण गर्दै आएको आयोडिनयुक्त नुनको प्रयोग गर्ने घर परिवारको सङ्ख्या ९१ प्रतिशत माथि पुगेको छ । नेपाल नुनलाई आयोडिनयुक्त गर्ने विश्व संस्थाको सदस्य राष्ट्र हो । सो संस्थाले आयोडिनयुक्त नुनको प्रयोग ९० प्रतिशत भन्दामाथि बनाउने लक्ष्य निर्धारण गरेको छ ।

सन् १९८५ मा नेपालमा आयोडिनयुक्त नुनको अभावले लाग्ने गलगाँड रोगीको सङ्ख्या ४४.२ थियो । यो सङ्ख्या सन् २००७ मा शुन्यमा झरेको थियो । उद्योग, वाणिज्य तथा आपूर्तीमन्त्री मातृका यादवले कर्पोरेशनलाई आगामी दिनमा सेवामूलक संस्थाको रुपमा विकसित गर्नुपर्ने खाँचो औँल्याए ।

“कर्पोरेशनले आफ्नो उद्देश्यअनुसार आम जनतालाई सुपथ एवं सहज रुपमा गुणस्तरीय उपभोग्य वस्तु बिक्री वितरण गर्ने कार्य राम्रो छ, आगामी दिनमा अझ प्रभावकारी बनाउन जरुरी छ ”, उनले भने ।

सञ्चालक समितिका अध्यक्ष लक्ष्मीदास मानन्धरले सार्वजनिक निजी साझेदारीमा सञ्चालनमा रहेको कर्पोरेशनले नाफामूलकभन्दा सेवामूलक व्यापारमा जोड दिएको वताए ।

कर्पोरेशनका प्रमुख कार्यकारी अधिकृत उर्मिला श्रेष्ठले विगत अगामी वडा दशै, तिहार तथा छठपर्वलाई ध्यानमा दिई सबै प्रदेशमा सुपथ मूल्यका पसलमार्पmत दैनिक उपभोग्य वस्तु बिक्री वितरण गर्ने जानकारी दिइन् । साथै उनले ‘रासायनिक मलका अतिरिक्त गहुँको बीउ प्रशोधन गरि किसान समक्ष पु¥याएका जानकारी दिइन् ।

कर्पोरशनले स्थापना गरेको बालहितकारी पुरस्कार यस वर्ष मानव सेवा आश्रम भरतपुर चितवनलाई प्रदान गरेको छ । सो पुरस्कारको राशि रु ७५ हजार सहित सम्मानपत्र रहेको छ । आश्रमका जिल्ला संयोजक रामजी अधिकारीले पुरस्कार ग्रहण गर्दै सस्थाले विभिन्न कारणले सडक पेटीमा आउन बाध्य भएका बालबालिकालाई सडकपेटीबाट उठाई सेवा गरिराखेको बताए ।

यस वर्षको हेमबहादुर मल्ल उत्कृष्ट सेवा पुरस्कार रश्मी श्रेष्ठ अधिकृतस्तर र लक्ष्मण गजुरेल (काठमाडौँ) लाई प्रदान गरिएको छ । प्रमााणपत्र सहित सो पुरस्कारको राशि क्रमशः रु २५ हजार र रु २० हजार छ । ईश्वरलाल श्रेष्ठ उत्कृष्ट सेवा पुरस्कार अधिकृतस्तरमा पंकज जोशी, सहायकस्तरतर्फ केशवमान श्रेष्ठ र बद्रीमान महर्जनलाई प्रदान गरिएको छ । सो पुरस्कारको राशि क्रमशः रु ३५ हजार , रु ३० हजार र २५ हजार छ । यसैगरि २० वर्ष सेवा पुरा गरेको कर्मचारीहरुलाई पनि सम्मान गरेका थिए ।

तपाईको प्रतिक्रिया
Road Show Real State

सम्बन्धित समाचार