नयाँ वर्षमा कोशी टप्पुमा ५ सय भन्दा बढी पर्यटक


Share This


नेपालबहस संवाददाता    173 Views

१८ पुस, काठमाडौं । अंग्रेजी नयाँ वर्ष २०१८ को अवसरमा कोशी टप्पु वन्यजन्तु आरक्षमा ५०० भन्दा बढी आन्तरिक तथा बाह्य पर्यटक पुगेका छन् ।

१ नं प्रदेशको प्रसिद्ध पर्यटकीय क्षेत्रका रुपमा रहेको कोशी टप्पुमा हिजो मात्र ५०० भन्दा बढी पर्यटक आएको आरक्षका प्रशासन प्रमुख नवीन अधिकारीले बताएका छन् ।

आरक्षमा पिकनिक मनाउन र अवलोकन गर्नका लागि सो संख्यामा पर्यटक आएका हुन् । आरक्षमा अन्य बेलामा दैनिकरुपमा १०० देखि २०० सम्म दैनिक पर्यटक आउने गरेकामा नयाँ वर्षको अवसरमा ५०० भन्दा बढी पर्यटक आएको आरक्षका नायब सुब्बा सुरेन्द्र खड्काले जानकारी दिए।

आरक्ष परिसरमा रहेको कृत्रिम अर्ना (मूर्ति) तथा आरक्षको संग्रहालयमा रहेको अर्नाको सिंग अवलोकन गर्न, विभिन्न किसिमका चराचुरुंगी अवलोकन गर्न तथा मनोरञ्जनका लागि बढी मात्रामा नेपाली तथा भारतीय पर्यटक आएको आरक्षले जनाएको छ ।

आरक्षमा आएका पर्यटकलाई लाग्ने प्रवेश शुल्क लिएर प्रवेश अनुमति दिएको आरक्षले जनाएको छ ।

तपाईको प्रतिक्रिया

सम्बन्धित समाचार