fbpx

केसीको समर्थनमा टिचिङमा डाक्टरहरुको रिले अनसन


Share This

नेपालबहस संवाददाता    

काठमाडौं । नेपाल चिकित्सक संघको अगुवाइमा आजबाट डाक्टरहरु रिले अनसनमा बस्ने भएका छन् । डाक्टर गोविन्द केसीको माग सम्बोधन गर्न सरकारले कुनै चासो नभएको भन्दै बिहान १० बजेदेखि बेलुका ५ बजेसम्मम डाक्टरहरु त्रिवि शिक्षण अस्पतालमा रिले अनसन बस्न लागेका हुन् । १० माघमा सरकारलाई ७२ घण्टे अल्टिमेटम दिएको संघले आइतबार त्रिवि शिक्षण अस्पतालमै गरेको छलफलबाट आज कार्यालय समयमा रिले अनसन बस्ने कार्यक्रम तय गरेको हो ।

संघले प्रधानमन्त्री केपी शर्मा ओलीकै अग्रसरतामा केसीसँग गरिएको सम्झौताका सम्बन्धमा प्रधानमन्त्रीबाटै अलग परिस्थितिमा सम्झौता भएकोले संसदलाई आदेश गर्न नसक्ने भन्ने गैरजिम्मेवारपूर्ण अभिव्यक्ति आउनु, सरकारकै तर्फबाट केसीका सम्बन्धमा गलत प्रचार गरी सम्पूर्ण नागरिकहरुलाई दिग्भ्रमित पार्ने कोसिस भइरहेको दाबी गरेको छ । केसी अनसनमै रहेको बेला सरकारले चिकित्सा शिक्षा विधेयक प्रतिनिधिसभा बैठकबाट पारित गरेको छ ।

तपाईको प्रतिक्रिया

सम्बन्धित समाचार