fbpx

तीन हजारका दरले चौबिस विद्यार्थीलाई छात्रवृत्ति


Share This

नेपालबहस संवाददाता    

भद्रपुर । झापा गाउँपालिका–६ शरणामतिस्थित जनता माध्यमिक विद्यालयमा अध्ययनरत २४ विद्यार्थीलाई रु तीन हजारका दरले छात्रवृत्ति वितरण गरिएको छ ।

विद्यालयमा स्थापित रमा–पदम स्मृति अक्षयकोषबाट २० विद्यार्थी र वैदेशिक रोजगार छात्रवृत्तिवापत चार गरी २४ विद्यार्थीलाई आज छात्रवृत्ति वितरण गरिएको हो ।

विद्यालयमा कनकाई नगरपालिका–३ का प्रतिमान उप्रेती र गङ्गादेवी उप्रेतीद्वारा आमाबुबाको नाममा ‘रमा–पदम स्मृतिकोष’ स्थापना गरिएको थियो ।

त्यस्तै वैदेशिक रोजगारीका लागि कतार पुगेका शरणामतिका युवाले प्रवासी शरणामति युवा समूह विसं २०६५ मा गठन गरेर ‘वैदेशिक रोजगार छात्रवृत्ति कोष’को स्थापना गरेका थिए ।

विपन्न तथा जेहेन्दार विद्यार्थीलाई प्रोत्साहनस्वरूप दुवै अक्षयकोषबाट प्रत्येक वर्ष छात्रवृत्ति प्रदान गरिँदै आएको विद्यालय व्यवस्थापन समितिका अध्यक्ष हिम कार्कीले बताए ।

तपाईको प्रतिक्रिया

सम्बन्धित समाचार