fbpx

यस्ता देखियो २१ औँ शताब्दीकै लामो खग्रास चन्द्रग्रहण !


Share This

नेपालबहस संवाददाता    

काठमाडौ । २१औँ शताब्दीकै सबैभन्दा लामो चन्द्रग्रहण शुक्रबार राति नेपालसहित विश्वका धेरै देशमा देखिएको छ । जसलाई धेरैले अनौठो पनि भनेका छन ।

शुक्रबार लागेको खग्रास चन्द्रग्रहण अंग्रेजी पात्रोअनुसार एक्काइसौँ शताब्दीको सबैभन्दा लामो चन्द्रग्रहण हो । राति १२ बजेर ९ मिनेटमा सुरु भएको ग्रहणले चन्द्रमालाई ढाक्दै जाने क्रममा १ बजेर १५ मिनेट जाँदा पूरै ढाकेको थियो ।

अवलोकनकर्ताले १ बजेर १५ मिनेटदेखि एक घण्टा ४३ मिनेटसम्म अर्थात् दुई बजेर ५८ मिनेटसम्म चन्द्रमालाई तामा रंगमा देखेका थिए । त्यसपछि ग्रहण क्रमशः कम हुँदै गएर राति ४ बजेर ४ मिनेटमा सकिएको थियो ।

चन्द्रग्रहण सुरु भएपछि पहिले कालो हुँदै बिस्तारै रातो भएको थियो । त्यसैले यसलाई ‘ब्लड मून’ पनि भनिन्छ । नासाले अनुसार यो २१ औँ शताब्दीकै लामो चन्द्रगहण ३ घण्टा ५५ मिनेटको भएको जनाएको छ ।

तपाईको प्रतिक्रिया