प्रकाण्डलाई २४ घण्टाभित्र हाजिर गराउन सर्वोच्चको आदेश


Share This


नेपालबहस संवाददाता    168 Views

काठमाडौं । विप्लव समूहका प्रवक्ता खड्गबहादुर विश्वकर्मा प्रकाण्डलाई सर्वोच्च अदालतले २४ घण्टाभित्र हाजिर गराउन आदेश दिएको छ ।

उनका भाइ वीरेन्द्र विश्वकर्माले दिएको बन्दी प्रत्यक्षीकरण रिटमा आइतबार सुनुवाइ गर्दै न्यायाधीश ईश्वरप्रसाद खतिवडाको इजलासले प्रकाण्डलाई बाटोको म्यादबाहेक २४ घण्टाभित्र हाजिर गराउन आदेश दिएको हो ।

सर्वोच्चले बन्दी प्रत्यक्षीकरणको रिट किन जारी हुनु नपर्ने हो त्यसको प्रमाणसहित बन्दीलाई सशरीर अदालत उपस्थित गराउन आदेश दिएको छ । प्रकाण्डलाई हाल काभ्रेको एक क्रसर उद्योगमा विस्फोटन गराएको आरोपमा अनुसन्धान गर्न भन्दै जिल्ला प्रहरी कार्यालय काभ्रेले हिरासतमा राखेको छ ।

यसअघि चन्दा संङ्कलनको आरोपमा पक्राउ परेका उनलाई गत शुक्रबार सर्वोच्चले बन्दी प्रत्यक्षीकरण रिट जारी गर्दै रिहा गर्न आदेश दिएको थियो ।

तर रिहा गर्न आदेश दिएलगत्तै क्रसरमा विस्फोट गराएको आरोपमा प्रहरीले फेरि पक्राउ गरेको थियो । सोमबार नै जिल्ला प्रहरी कार्यालय काभ्रेले प्रकाण्डमाथि अनुसन्धानका लागि जिल्ला अदालतबाट ३ दिनको म्याद लिएको छ ।

यो पनि हेर्नुस

पार्टीको नीति अनुसार चन्दा उठाएको हुँ : प्रवक्ता प्रकाण्ड

अदालतको आदेश : प्रकाण्ड थप दुई दिन थुनामा

प्रकाण्डलाई संगठित अपराध अभियोगमा काभ्रे अदालतमा पेश

सर्वोच्चबाट रिहा भए लगत्तै प्रकाण्ड पक्राउ !

अन्ततः राती ९ बजे प्रकाण्ड फेरी प्रहरीको कब्जामा !

प्रकाण्डलाई थप दिन थुनामा राख्न काभ्रे अदालतको आदेश

प्रकाण्डलाई रिहाइको माग गर्दै फेरि सर्वोच्चमा रिट, गैरकानुनी रुपमा पक्राउ गरेको दावी

 

 

 

तपाईको प्रतिक्रिया