भारत र चीन जान लागेका प्रचण्डलाई ओलीले के भने ?



नेपालबहस संवाददाता
 




  •  
  •  
  •  
  •  
  •  
  •  
  •  
  •  
  •  

काठमाडौँ । प्रधानमन्त्री एवम् नेपाल कम्युनिस्ट पार्टी नेकपाका अध्यक्ष केपी शर्मा ओली र पार्टीका अर्का अध्यक्ष पुष्पकमल दाहाल ‘प्रचण्ड’ बीच पार्टीको तल्ला तहको एकता एवं सरकारको काम कारवाहीबारे छलफल भएको छ ।

प्रधानमन्त्री निवास बालुवाटारमा साँझ भएको छलफलमा प्रदेश र जिल्ला तहको पार्टी एकतालाई शीघ्र निष्कर्षमा पु¥याउने तथा जनवर्गीय सङ्गठनको एकतालाई टुङ्गोमा पु¥याउने विषयमा विचारविमर्श भएको थियो ।

प्रदेश, जिल्ला र जनवर्गीय सङ्गठनको एकताका लागि गठित अधिकांश कार्यदलले प्रतिवेदन बुझाएका छन् । तर पार्टीको सचिवालय बैठक बस्न नसक्दा ती प्रतिवेदन कार्यान्वयन हुन सकेको छैन । यस्तै छलफलमा सरकारको काम कारवाही र मुलुकको पछिल्लो राजनीतिक अवस्थाका बारेमा समेत कुराकानी भएको बुझिएको छ ।

बाहिर राजनीतिक विषयमा छलफल भएपनि प्रचण्ड केही दिनमै भारत र चीन जादैछन । दुबै देशबीचको सम्बन्धलाई सन्तुलनमा राख्न ओलीले नै प्रचण्डलाई भारत र चीन पठाउन लागेको श्रोतले जनाएको छ ।

तर कतिपयले भने ओलीको पछिल्लो गतिविधि र नागरिकमा बढ्दै गएको असन्तुष्टिलाई ध्यानमा राखेर सत्ताकै छिमेकी मूल्यांकनका लागि प्रचण्ड छिमेकी देशको भ्रमणमा लागेका हुन ।


  •  
  •  
  •  
  •  
  •  
  •  
  •  
  •  
  •