निर्मला हत्या प्रकरण : डीएनए रिपोर्ट नमिलेपछि दिलिपसिंह विष्ट रिहा


Share This

नेपालबहस संवाददाता    

बम दिदीबहिनी पनि छुटे

काठमाडौं । कञ्चनपुरकी बालिका निर्मला पन्त हत्या प्रकरणमा मुख्य अभियुक्त बनाइएका दिलिपसिंह विष्ट साधारण तारेखमा रिहा भएका छन् । जिल्ला प्रहरी कार्यालय कञ्चनपुरका एसपी कुवेरसिंह कडायतका अनुसार डीएनए रिपोर्ट नमिलेपछि उनी साधारण तारेखमा छुटेका हुन् ।

यस्तै निर्मलाकी साथी भनिएकी रोशनी बम पनि साधारण तारेखमा रिहा भएकी छन् भने उनी दिदी बबिता बम ३० हजार धरौटीमा रिहा भएकी छन् । कञ्चनपुरको तत्कालीन प्रहरी नेतृत्वले मुख्य अभियुक्त भनेर दिलिपसिंह विष्टलाई सार्वजनिक गरेको थियो ।

तत्कालीन प्रहरी प्रमुख एसपी डिल्लीराज विष्टले दिलिपसिंहलाई फसाउन खोजेको भन्दै कञ्चनपुरमा आन्दोलन चर्किएको थियो । आन्दोलनमा गोली चलाउँदा शनि खुनाको ज्यान गएको थियो ।

तत्कालीन एपपी डिल्लीराज विष्ट नेतृत्वको प्रहरीले अनुसन्धानमा त्रुटि गरेको भन्दै उनी निलम्बनमा परेका थिए ।

तपाईको प्रतिक्रिया

सम्बन्धित समाचार