fbpx

एसिया कपको फाइनल आज, भारतसँग बदला लिने बंगलादेशको दाउ !


Share This

नेपालबहस संवाददाता    

युएई । एसिया कप क्रिकेटको फाइनल आज हुदैछ । उपाधिका लागि आज दिउँसो भारत र बंगलादेश भिड्दैछन । खेल बेलुकी सवा ५ बजे अबुधाबीमा शुरु हुनेछ । भारतले सुपर फोरमा पाकिस्तान र बंगलादेशलाई हराएर फाइनल पुगेको हो । तर भारत अफगानिस्तानसँग बराबरीमा रोकिएको थियो ।

बंगलादेशले भने अफगानिस्तान र पाकिस्तानलाई हराएर भारतसँगै फाइनल भेट पक्का गरेको हो । प्रतियोगिताभर भारत अपराजित टिम हो । बंगालादेशले पनि श्रीलंका र पाकिस्तानलाई हराएर फाइनल पुगेको हो ।

बंगलादेशका मुसाफिकर रहिम निर्क उत्कृष्ट लयमा छन । उनले दुई प्रतियोगिताभर झण्डै दुई शतक बनाएका छन ।

बंगलादेशले बदला लिन सक्ला ?

रहिमकै प्रदर्शनको बलमा बंगलादेशले गत चैतमा भारतसँग व्यहोरेको हारको नमिठो बदला लिने सोच बनाएको छ । गत चैतमा बंगलादेशमै भएको निदहास ट्रफीमा भारतले अन्तिम ओभरमा चमात्कारिक प्रदर्शन गरेर उपाधि जितेको थियो ।

उत्कृष्ट प्रदर्शन गरेर जित नजिक पुगेको बंगलादेशको उपाधि उचाल्ने सपनालाई भारतका दिनेश कार्तिकले तुषारापात गरेका थिए । उनले ८ बलमा २४ रन जोडेका थिए । त्यसमा पनि अन्तिम बलमा जितका लागि ५ रन चाहिएकामा कार्तिकले छक्का हानेर भारतलाई ऐतिहासिक जित दिलाएका थिए ।

उनै कार्तिक अहिले भारतीय टिमको मध्यक्रमका मुख्य हतियार छन । शिखर धवन र रोहित शर्मा पनि राम्रो फर्ममा भएकाले भारतले सहजै उपाधि जित्ने अपेच्छा बनाएको छ ।

तपाईको प्रतिक्रिया