fbpx

हनुमन्ते र मनोहरामा करिडोर बन्छ, अनि भक्तपुर सफा हुन्छ !


Share This

नेपालबहस संवाददाता    

भक्तपुर । भक्तपुर जिल्लालाई आगामी पाँच वर्षभित्र पूर्ण सरसफाइयुक्त जिल्ला बनाउने योजनासहित पाँचवर्षे खानेपानी तथा सरसफाइ रणनीतिक योजना सार्वजनिक गरेको छ ।

जिल्ला खानेपानी, सरसफाइ तथा स्वच्छता समन्वय समिति भक्तपुरले नेपालमै पहिलो पटक यसप्रकारको रणनीति सार्वजनिक गरेको हो । प्रतिनिधिसभा सदस्य एवं पूर्वमन्त्री महेश बस्नेतले प्रदेश सांसदहरुले रणनीतिक योजना सार्वजनिक गरेका हुन ।

उनले सन् २०३० सम्म पूर्णसरसफाइ युक्त देश बनाउने सरकारको लक्ष्य पूरा गर्न नेपालमै पहिलो पटक भक्तपुरले जिल्लालाई आगामी पाँच वर्षभित्र पूर्ण सरसफाइयुक्त बनाउने रणनीति बनाएको बताउँदै यसलाई पूरा गर्न जिल्लाको चारवटै नगरपालिका सक्रिय हुनुपर्ने बताए ।

“हाम्रो पहलमा ७२ करोडको लागतमा हनुमन्ते र मनोहरामा ढल विछ्याउने काम भइरहेको छ, जग्गा विवाद, खोला अतिक्रमण र खोला नै व्यक्तिको नाममा नामसारी भएका कारण २५ किलोमिटरमध्ये दुई वर्षमा ११ किलोमिटरमा मात्रै ढल राख्ने काम भएको छ, अझै १४ किमी बाँकी नै छ, हनुमन्ते करिडोर निर्माण शुरु भएको छ यस वर्ष ८१ करोडको लागतमा हनुमन्ते करिडोर बन्दैछ, त्यसका लागि यस वर्ष रु एक अर्ब बजेट थपिँदै छ, आगामी तीन वर्षभित्र करिडोर निर्माण सकिन्छ, त्यसपछि भक्तपुर सफा हुन्छ ।” उनले भने ।

कार्यक्रममा प्रदेश ३ का प्रदेश सदस्य शशिजङ्ग थापाले प्रत्येक नागरिकले आफ्नो घरभित्रको फोहर आफँै सफा गर्ने र त्यसको सही व्यवस्थापन गर्नसके सफाइ अभियान चलाउँनै नपर्ने जिकिर गरेका थिए ।

तपाईको प्रतिक्रिया