fbpx

‘अन्तरजातिय बिहे गरे भनेर वर्षौंदेखि माइती बोल्दैनन्’


Share This

नेपालबहस संवाददाता    

काठमाडौं । अन्तरजातिय विवाह गरेका तर अन्य समुदायमा जन्मेका कतिपय महिलाहरूले अहिलेसम्म माइतीपक्षले आफूहरूलाई जातका आधारमा विभेद गरिरहेको दुखेसो पोखिरहेका छन्।

आफ्नो समुदायमा रहेका मानिससंग अन्तरजातिय विवाह गरेका कयौँ महिलाहरूले आफूहरू वर्षौंदेखि आफू जन्मेको घर फर्केर जान नपाएको बताएका छन्। जातीय विभेद गर्न नपाइने कानुन बने पनि मानिसहरूको मानसिकता अझै नबदलिएको मानवशास्त्रीहरू बताउँछन्।

झापाको अर्जुनधारा नगरपालिका ७ की राधिका थापाले अर्जुनधारा ५ का युवराज रसाइलीसँग केही महिनाअघि भागेर बिहे गरिन्। तर उनलाई माइतीपक्षले अहिलेसम्म बोलाएका छैनन्।

उनले भनिन, हामी भागेर बिहे गरेपछि प्रहरीमा लगियो। मैले श्रीमानसँगै जान्छु भने। अहिलेसम्म माइतीले बोलाएका छैनन्। बोलेका पनि छैनन्।

अन्तरजातीय विवाह

मेचीनगर नगरपालिका ११ की अञ्जु प्रसाईँले २०४७ सालमा मेचीनगर ११ कै केशर बर्देवासंग बिहे गरेपछि १० वर्षसम्म माइतीपक्षका कोहीसँग बोल्न समेत पाइनन्। अहिले पनि उनले माइती घरको आँगन टेक्न पाएकी छैनन्। तर उनको दाजुहरूसँग भने बोलचाल सुरु भएको छ।

प्रसाईँले भनिन्, सहज छैन अझै पनि। माइतीमा कोहीले बोल्ने कोही नबोल्ने भएपछि झन् समस्या हुँदो रहेछ। झन् चाडबाडका बेला आफूजस्ता कयौँ महिला नयाँ नयाँ कपडामा सजिएर माइत गएको देख्दा आफूहरूलाई निकै पीडा हुने गरेको दलित भनिएको समुदायको पुरुषसँग २०५७ सालमा बिहे गरेकी सीता ढुंगानाले बताइन्।

उनले भनिन्, हामीलाई पनि त माइत जान मनलाग्छ। मेरा बुवा छन् भेट्न मन लाग्छ। तर, अहँ, अहिलेसम्म त्यो वातावरण बनेन।राजीखुशीका साथ दलित भनिएका समुदायका पुरुषसँग बिहे गरेर छोराछोरी हुर्काएर ठूला बनाइसकेका महिलाहरूले परिवारबाटै विभेद गरिएका उदाहरणहरू हुन् यी। जातका आधारमा विभेद गर्न कानुनले बन्देज लगाएको छ।

मेची बहुमुखी क्याम्पस भद्रपुरका मानवशास्त्र विषयका विभाग प्रमुख सुशील खनालले कानुन बने पनि मानिसको मानसिकता बदलिएको छैन।

दलित भनिएका पुरुषसँग बिहे गरेका कतिपय महिलाका माइतीपक्षले छोरीको मृत्युपछि गरिने काज किरियासमेत जिउँदै गरेको उदाहरणहरू समेत आफूसँग रहेको खनाल बताउँछन्। बिबिसी

तपाईको प्रतिक्रिया

सम्बन्धित समाचार