खड्काको निधनले मुलुकलाई ठूलो क्षति : सभापति देउवा


Share This

नेपालबहस संवाददाता    

२८ चैत, काठमाडौं । नेपाली काँग्रेसका सभापति शेरबहादुर देउवाले पार्टीका केन्द्रीय सदस्य एवं पूर्व गृहमन्त्री खुमबहादुर खड्काको निधनले राष्ट्रलाई नै ठूलो क्षति पुगेको बताएका छन् ।

नेका दाङले आज गृहजिल्ला दाङको सतवरियामा १३औँ पुण्यतिथिमा आयोजना गरेको श्रद्धाञ्जलि सभामा सभापति देउवाले सो कुरा बताएका हुन् ।

सभापति देउवाले लोकतान्त्रिक आन्दोलनमा अविश्राम क्रियाशील खड्काको निधनले पार्टीले एक कुशल संगठक र मुलुकले एक जुझारु लोकतान्त्रिक नेता गुमाएको बताए ।

“स्व खड्काको निधनले काँग्रेस पार्टीलाई मात्र होइन मुलुकलाई नै क्षति पुगेको छ, उहाँ मुलुकका एक अनुभवी नेता हुनुहुन्थ्यो, उहाँ एक निडर र विकासप्रेमी जनताको नेता हुनुहुन्थ्यो,” सभापति देउवाले भने ।

श्रद्धाञ्जलि सभामा पार्टी महामन्त्री डा शशाङ्क कोइरालाले बिपीका चेला स्व खड्काका विचारलाई आत्मसात् गरेर काँग्रेस अगाडि बढ्ने बताए । कोइरालाले खड्काको निधनले पार्टीलाई अपूरणीय क्षति पुगेको पनि उल्लेख गरे।

त्यस्तै, पार्टी केन्द्रीय सदस्य शेखर कोइराला, डा प्रकाशशरण महत, दीपक गिरी, पार्वती डिसी चौधरी, किशोर राठोरलगायतका नेता कार्यकर्ताले खड्काको निधनले पार्टीलाई ठूलो क्षति पुगेको भन्दै उनका विचारलाई काँग्रेसले आत्मसात् गर्नुपर्ने बताए ।

त्यस्तै नेकपा (एमाले) दाङका अध्यक्ष टीकाराम खड्काले खुमबहादुर सबैका नेता र विकासका सारथी भएको बताए ।
सभामा एकीकृत माओवादीका केन्द्रीय सदस्य निर्मल आचार्यले दाङले एक विकास प्रेमी नेता गुमाएको बताए । काँग्रेस दाङका सभापति कीर्तिबहादुर खड्काको अध्यक्षतामा भएको श्रद्धाञ्जलि सभामा स्व खड्काका छोरा अनुराग खड्काले आफ्ना बुबाका सपना पूरा गर्न आफू राजनीतिमा आउने घोषणा गरेका छन् ।

स्वर्गीय खड्काको अस्तु सुनसरी खोलामा
नेपाली काँग्रेसका प्रभावशाली नेता स्वर्गीय खुमबहादुर खड्काको अस्तु सुनसरी खोलामा सेलाइएको छ ।

आज एक कार्यक्रमको आयोजना गरी पार्टीका नेता तथा कार्यकर्ताको सहभागितामा इनरुवा–४ मा रहेको सुनसरी खोलामा स्वर्गीय खड्काको अस्तु सेलाइएको छ ।

कार्यक्रममा प्रतिनिधिसभाका सांसद सीताराम मेहता, पार्टीका जिल्ला सभापति तथा प्रदेश नं १ का प्रतिपक्षी दलका नेता राजीव कोइराला, प्रदेशसभा सदस्य ज्योति सुब्बालगायतका नेता तथा कार्यकर्ताले उनको योगदानको विषयमा चर्चा गरेका थिए ।

तपाईको प्रतिक्रिया
Road Show Real State

सम्बन्धित समाचार