fbpx

युवा भारततिर गएपछि गाउँमा वृद्धवृद्धा मात्रै


Share This

नेपालबहस संवाददाता    

डोटी । गाउँघरमा काम नपाउने भएपछि जिल्लाका ग्रामीण क्षेत्रका अधिकांश युवा अहिले रोजगारीका लागि छिमेकी मुलुक भारततिर जान थालेका छन् । पारिवारिक भेटघाट तथा दशैँ तिहार मनाउन भारतबाट रोजगारी गरेर गाउँ फर्केका जिल्लाका अधिकांश युवा यतिबेला हरेक दिन दर्जनौँको सङ्ख्यामा छिमेकी मुलुक भारतलगायत नेपालका विभिन्न ठाउँमा रोजगारीका लागि जान थालेका छन् ।

युवा रोजगारीको सिलसिलामा घरपरिवार छाडेर अन्य मुलुक गएपछि अहिले यहाँका अधिकांश गाउँमा वृद्धवृद्धा र स साना केटाकेटी तथा महिला मात्रै रहेको केआई सिंह गाउँपालिका १ जमलकटियाका स्थानीयवासी चेतराज भट्टले बताए । कामका लागि छिमेकी मुलुक भारत जानेमा अधिकांश पढेलेखेका युवा पनि रहेका स्थानीयवासी बताउँछन् । रोजगारी अभावले भारततिर जानुपर्ने बाध्यता रहेको स्थानीयवासी मणिराम विकले गुनासो गरे।

गाउँपालिकाले जनतालाई सडक निर्माणमा अवसर नदिएर सडक खन्न करोडौँ रकम डोजर प्रयोगमा खर्च गरेपछि आफूहरु खाली बस्नुभन्दा रोजगारीका लागि भारत जानुपर्ने बाध्यता रहेको उनको भनाइ छ । युवाहरु भारत पलायन भएपछि गाउँमा रहेका वृद्धवृद्धा र केटाकेटीलाई स्याहार सुसार गर्ने मान्छे पनि नभएको बडिकेदार गाउँपालिका–१ का स्थानीयवासी बमबहादुर कलेलले बताए ।

उले भने, “युवाहरु भारत पलायन भए, गाउँमा बूढापाकालाई केही भइहाले पनि अस्पतालसम्म पु¥याउने मान्छे नै छैनन् ।” यहाँका स्थानीयवासी कामका लागि भारतको पञ्जाब, बरेली, सिम्लापहाड, लुधियाना, हिमाञ्चल प्रदेश, मुम्बइ, कोलकत्ता, दिल्लीलगायतका ठाउँमा जाने गरेका छन् ।

तपाईको प्रतिक्रिया

सम्बन्धित समाचार