fbpx

आन्दोलनमा उत्रने चिकित्सकलाई कार्वाही गर्ने सरकारको चेतावनी !


Share This

नेपालबहस संवाददाता    

काठमाडौं । सरकारले बाढी पहिरो लगायतका प्राकृतिक विपत्तिका समयमा सेवा अवरुद्ध नगर्न चिकित्सकहरुलाई आग्रह गरेको छ । शिक्षा विज्ञान तथा प्रविधि मन्त्रालयले विज्ञप्ति जारी गर्दै सेवा प्रवाह रोकिएमा अत्यावश्यक सेवा सम्बन्धी कानुन र चिकित्सक आचारसंहिता बमोजिम कारबाही गर्ने समेत मन्त्रालयले चेतावनी दिएको छ ।

सरकारले चिकित्सा शिक्षा सुधारका सरकारी कदममा सहयोग गर्न पनि आन्दोलनरत पक्षलाई आग्रह गरेको छ । मन्त्रालयले जारी गरेको विज्ञप्तीमा सरकार अनशनतरत डा। गोविन्द केसीले उठाएको मुद्दामा गम्भिर रहको भन्दै सरकारलाई सहयोग गर्न समेत केसीलाई आग्रह गरिएको छ ।

मन्त्रालयले विचाराधीन विधेयकलाई आवश्यक छलफल गरी निचोडमा र्पुयाउन सरकार तयार रहेको भन्दै यस्तो अवस्थामा अनशन आवश्यक नरहेको विज्ञप्तिमा उल्लेख गरेको छ ।

विज्ञप्तीमा सरकारले सदनमा पेस गरेको विधेयक ०७२ मा उच्चस्तरीय सुझाव कार्यदलले दिएको सिफारिसकै आधारमा रहेको दाबी गरिएको छ ।

तपाईको प्रतिक्रिया

सम्बन्धित समाचार