fbpx

न्यूनतम पारिश्रमिक कार्यान्वयन गर्नुपर्छ : अध्यक्ष आचार्य


Share This

नेपालबहस संवाददाता    

दमौली । नेपाल पत्रकार महासङ्घका अध्यक्ष गोविन्द आचार्यले न्यूनतम पारिश्रमिक कार्यान्वयन गर्नुपर्नेमा जोड दिएका छन् ।न्यूनतम पारिश्रामिक निर्धारण समितिको आयोजना तथा नेपाल पत्रकार महासङ्घ तनहँु शाखाको संयोजनमा आज श्रमजीवी पत्रकार ऐन र न्यूनतम पारिश्रमिकमा पुनरावलोकन कार्यान्वयनको अवस्था र चुनौती विषयको गण्डकी प्रदेशस्तरीय अन्तरक्रिया कार्यक्रमलाई सम्बोधन गर्दै उनले न्यूनतम पारिश्रमिक उपलब्ध गराउन नसक्ने सञ्चारमाध्यमलाई राज्यले सुविधा रोक्नुपर्ने बताए ।

पछिल्लो पटक रु पाँच करोड ३४ लाखको पत्रकार वृत्तिकोष स्थापना गर्न सरकारले रकम उपलब्ध गराएको हुँदा अध्यक्ष आचार्यले सरकारलाई धन्यवादसमेत दिए । न्यूनतम पारिश्रमिक निर्धारण समितिका अध्यक्ष गङ्गाधर पराजुलीले राज्यले निर्धारण गरेअनुसारको पारिश्रमिक उपलब्ध नगराउने सञ्चारमाध्यम कारवाहीको भागिदार हुने बताए । महासङ्घका पूर्वअध्यक्ष डा सुरेश आचार्यले न्यूनतम पारिश्रमिकसम्बन्धी अवधारणा नबुझेसम्म त्यसको कार्यान्वयनमा समस्या पर्ने बताए।

तपाईको प्रतिक्रिया

सम्बन्धित समाचार